Óluva Klettskarð | |||
Fødd | 24. juni 1965 (59 år) Klaksvík | ||
---|---|---|---|
Statsborgar av | Kongeriket Danmark | ||
Parti | Tjóðveldisflokkurin | ||
Yrke | politikar, lærar | ||
Utdanna ved | Fróðskaparsetur Føroya Aarhus Universitet | ||
Barn | Páll Klettskarð | ||
Alle verv |
Óluva Elin Klettskarð (fødd 24. juni 1965 i Klaksvík) er en færøysk gymnaslærar og politikar for Tjóðveldisflokkurin.
Klettskarð er dotter av Páll Klettskarð frå Haraldssund og kona hans Edith (fødd Stenberg) frå Porkeri. Foreldra dreiv eigen næringsverksemd i Klaksvík, og faren blei seinare fiskebåtreiar. Óluva Klettskarð og politikaren Sirið Stenberg er søskenbarn. Óluva Klettskarð er gift med arkivaren Andras Sólstein. Dei er foreldre til fotballspelaren Páll Klettskarð.[1][2][3]
Klettskarð har bifag i historie og nordisk filologi frå Fróðskaparsetur Føroya frå 1991 og 1996, og hovudfag i historie frå Aarhus Universitet frå 2000. Ho har sidan 1997 vore lærar ved Føroya Studentaskúli og HF-skeið i Tórshavn.[4][1][2]
Klettskarð har vore formann i hovudstyret i Tjóðveldisflokkurin og medlem av arbeidsutvalet til partiet.[5] Ho har vore medlem av kommunestyret i Klaksvík frå 2009 til 2016 og vara til Lagtinget i fleire valperiodar.[2] I to veker hausten 2008 var ho kulturminister før Tjóðveldisflokkurin gjekk ut av den andre regjeringa til Jóannes Eidesgaard.[6] Frå 2015 til 2019 møtte ho fast på Lagtinget, så lenge Sirið Stenberg var medlem av regjeringa.[2]