Øve os på hinanden

«Øve os på hinanden» Song av Fyr & Flamme
Land	Danmark
Språk	Dansk
Utgjeve	10. februar 2021
Sjanger	Pop, synth
Lengd	03:06
Selskap	Universal
Låtskrivar(ar)	Laurits Emanuel Pedersen, Rune Borup

«Øve os på hinanden» (norsk 'øva oss på kvarandre') er ein dansk synthpoplåt frå 2021 med duoen Fyr & Flamme. Han vann Dansk Melodi Grand Prix 2021 og var det danske bidraget til Eurovision Song Contest 2021 i Rotterdam i Nederland. Låten var det første danskspråklege Eurovision-bidraget på 24 år.

Om songen

«Øve os på hinanden» er komponert av Laurits Emanuel, som utgjer den eine halvdelen av Fyr & Flamme. Songaren og skodespelaren Jesper Groth utgjer den andre halvdelen av duoen. Songen vart utgjeven på Universal 10. februar 2021 og var eitt av åtte bidrag i Dansk Melodi Grand Prix 2021 laurdag 6. mars i DR Byen i København.^[1][2] Songen vann til slutt finalen med 37 prosent av røystene og vart det danske bidraget i Eurovision Song Contest 2021.^[3]

Låten er ein 1980-talsinspirert poplåt med bruk av el-trommer og synth. Ifølgje duoen handlar «Øve os på hinanden» om å freista å tilgje kvarandre når ein gjer feil. Songen finn stad på eit dansegolv, der ein mann og ei kvinne må prøve seg fram for å sjå kva for trinn som fungerer.^[4] Ifølgje duoen kan denne scena brukast som eit bilete på korleis ein oppfører seg når ein skal imponere ein annan, eller korleis ein enkelte gonger må justera kursen i livet når ting ikkje går som planlagd.^[4][5]

Eurovision Song Contest

«Øve os på hinanden» var det danske bidraget i Eurovision Song Contest 2021 i Nederland. Han deltok i den andre semifinalen torsdag 20. mai i Rotterdam Ahoy. Songen fekk 89 poeng og enda på ellevteplass i semifinalen og kvalifiserte ikkje seg til finalen laurdag 22. mai.^[6]

Songen var det første danskspråklege Eurovision-bidraget på 24 år, og det var fyrste gong Danmark opptredde på dansk etter at språkkravet i Eurovision Song Contest vart fjerna i 1999. Førre gongen Danmark opptredde på dansk, var med Kølig Kaj og «Stemmen i mit liv» i 1997. Duoen forklarte at songen var skriven etter «visse skandinaviske tradisjonar, og eg kan ikkje fatta korleis vi skal kunne omsetje han i det heile. Så vi held oss til dansk.»^[7]

Listeplasseringar

Liste (2021)	Høgaste plassering
Danmark (Hitlisten)[8]	1

Utgjevingshistorikk

Region	Dato	Format	Merke	Ref.
Diverse	10. februar 2021	Digital nedlasting, strøyming	Universal Music	[2]

Referansar

1. «Øve Os På Hinanden - Single by Fyr Og Flamme» (på engelsk). Henta 7. mars 2021. 
2. «Øve Os På Hinanden - Single by Fyr Og Flamme» (på engelsk). Henta 7. mars 2021. 
3. «Favoritterne Fyr & Flamme vinder Melodi Grand Prix - hør vindersangen her» (på dansk). 6. mars 2021. Henta 7. mars 2021. 
4. «Kendte navne, nye stjerner - og et vildt comeback: Hør alle sangene i Dansk Melodi Grand Prix 2021» (på dansk). 10. februar 2021. Henta 7. mars 2021. 
5. «Modigt eller problematisk? Grand Prix-vinder overrasker med beslutning om at synge på dansk» (på dansk). 7. mars 2021. Henta 7. mars 2021. 
6. «Eurovision 2021 Semi-final 2 Results». Henta 22. mai 2021. 
7. «Denmark warms to Fyr & Flamme» (på engelsk). 6. mars 2021. Henta 7. mars 2021. 
8. «Track Top-40» (på dansk). 17. mars 2021. Henta 19. mars 2021. 

• Denne artikkelen bygger på «Øve os på hinanden» frå Wikipedia på bokmål, den 7. desember 2021.