Aramon (vitatge)

Pels articles omonims, vejatz Aramon.

L'aramon es un vitatge de rasims negres que foguèt massissament plantat en Lengadòc e Rosselhon mai que mai après las atacas de filloxèra de la fin del sègle XIX. Entre la fin del sègle XIX e los ans 1960 èra lo vitatge mai plantat de França, mas las plantacions se demesiguèron de contunh a partir de la mitat del sègle XX. Aramon foguèt tanben plantat en Argeria e Argentina, mas endacòm mai aguèt pas la popularitat que teniá en Lengadòc[1]. L'origina d'aqueste vitatge es Provença o Lengadòc[2]. L'aramon es un vitatge conegut per sa productivitat enauçada, e un rendement que pòt aténher 400 ectolitres per ectara. Se caracteriza per sas grapas gròssas e nombrosas que de còps pòdon rebalar fins al sòl. Per aquesta rason èra escaissat «lo rebalaire».

Nòtas

[modificar | Modificar lo còdi]
  1. ↑ "Aramon". Oxford Companion to Wine (Third Edition). (2006). Ed. Jancis Robinson. Oxford: Oxford University Press. 28. ISBN 0-19-860990-6.
  2. ↑ http://bioweb.ensam.inra.fr/collections_vigne/Variete.php?section=synthese&cle=22