Bertran de Bòrn lo Filh
Bertran de Bòrn, apelat lo Filh(s) (1179 circa – 1233), foguèt un cavalièr e trobador lemosin.
Escriguèt de sirventés e tanben d'autres composicions poeticas. Participèt a la guèrra de Joan I d'Anglatèrra en Occitània.
Filh del famós trobador Bertran de Bòrn e de la sieuna primièra femna, Raimonda, nasquèt pauc que après lo matrimòni foguèsse celebrat en 1179. Lo sieu fraire èra Itier e los sieus frairastres Bertran e Constantin, filhs del segon maridatge del sieu paire amb Felipa en 1192.
Lo sirventés Quan voi lo temps renovelar, escrich en 1206 dins l'estil del sieu paire es atribuït tanben dins los cançoners al sieu paire mas foguèt escrich per el pr'amor que en aquela epòca lo sieu paire èra retirat al monastèri de Dalon dempuèi 1197 e pr'aquò aqueste sirventés a d'èstre atribuit al sieu filh. Aqueste sirventés es precedit d'una longa explicacion o razo sus las aventuras de Joan I d'Anglatèrra e la sieuna crueltat. Es fòrça interessant de soslinhar que dins lo poèma Bertran de Bòrn lo Filh parla de la cançon de gesta apelada Lo sètge d'Orange.
Lo segon sirventés de Bertran de Bòrn lo Filh voliá èstre una òbra d'alegria e es una poesia que parla del sieu amor per la sieuna senhora, Flor de Lis (lo sieu nom vertadièr es desconegut). Las autras tres òbras que pòdon èstre atribuidas a Bertran de Bòrn lo Filh mas non d'una forma segura son:
Gen part nostre reis liuranda
Guerr'e pantais vei et afan
Un sirventes farai novel plazen
Puois sai etz vengutz, Cardaillac (de Dalfi d'Alvernha)
I a tanben una atribucion medievala marrida:
A tornar m'er enquer al primer us(uèi atribuït a Guilhem Rainol d'At)
Referéncias
[modificar | Modificar lo còdi]· The Vidas of the Troubadours. Margarita Egan, trans. New York: Garland, 1984. ISBN 0-8240-9437-9.
· Martín de Riquer. Los trovadores: historia literaria y textos. 3 vol. Barcelona: Planeta, 1975.