Caroline Fourest
Caroline Guillemot, dicha Caroline Fourest (« Fourest » es lo nom de sa maire), nascuda lo 19 de setembre de 1975 as Ais, en Provença, es una jornalista, assagista e realizatritz occitana francofòna. Daissèt Provença ambe sa maire e visquèt a París en França dempuèi los 14 ans en seguida del divòrci dels parents. Aquí, i descobriguèt pendent l'adolescéncia son omosexualitat.
Figura mediatica en França dempuèi las annadas 2000, polemista controvertida, milita pel feminisme, los dreches dels omosexuals e la laïcitat. Lucha contra los integrismes religioses catolics, josieus e musulmans, l'antisemitisme e los extremismes politics.
Es editorialista al jornal francés Marianne, redactritz en cap de la revista ProChoix, e tanben directritz editoriala dempuèi 2022 de la revista Franc Tireur.
En 2018, realiza son primièr filme de ficcion, Sœurs d'armes sus la tematica de la lucha de las combatentas curdas pendent la guèrra civila siriana.