Estadi Ernest Wallon

L'Estadi Ernest Wallon (ancian pargue dels Espòrts puèi estadi dels Sèt Denièrs) es l'installacion esportiva ont l'Estadi Tolosenc joga a domicili. Après de grandas òbras al començament dels ans 2000, ofrís ara 19 500 plaças. Se situa dins lo quartièr dels Sèt Denièrs près de Blanhac al Nòrd Oèst de Tolosa. Foguèt nomenat en onor a Ernest Wallon, president del Stade olympien des étudiants de Toulouse (SOET) e professor de drech a la facultat de Tolosa, al començament del sègle XX, que participèt a la creacion de l'Estadi dels Ponts Bessons de Tolosa.

Istòria

[modificar | Modificar lo còdi]
Pelenc nòu de l'Estadi Ernest-Wallon
Plan de l'Estadi Ernest-Wallon[1].

L'ancian estadi de l'Estadi Tolosenc foguèt plaçat en expropriacion en 1980 a causa de la construccion del Periferic de Tolosa. Segon los tèxtes d'una lei de 1941, « es impossible de desmolir d'installacions esportivas sens balhar a l'associacion la possibilitat de tornar bastir a l'identic »[2]. La vila donèt donc a l'associacion dels amics de l'Estadi Tolosenc, proprietari de l'Estadi dels Ponts Bessons, las installacions situadas a un pauc mai d'un quilomètre dels ponts Bessons dins lo quartièr dels Sèt denièrs, en cambi de las installations ancianas.

Las òbras comencèron en 1978 per s'acabar en 1982. L'inauguracion se celebrèt lo 4 de decembre de 1983 amb un encontre França contra Romania, emportada pels Franceses 26-15[3].

L'associacion e l'Etadi Tolosenc faguèron dempuèi fòrça òbras novèlas per melhorar l'acuèlh dels partisans e dels parinatjaires, aumentar la capacita, se metre en règla amb las normas totjorn mai nombrosas.

Notas e referéncias

[modificar | Modificar lo còdi]
  1. ↑ (fr)Ernest Wallon, sul site oficial de l'Estadi Tolosenc Toulousain
  2. ↑ (fr)Jean-Paul Cazeneuve et Jérôme Leclerc, Stade toulousain, L'Académie du rugby, Balma, éd. Universelles, 2004, 220 p, les lieux du stade, Des Ponts-Jumeaux à la plaine des Sept-Deniers p.74
  3. ↑ (fr)Jean-Paul Cazeneuve et Jérôme Leclerc, op. cit., les lieux du stade, Des Ponts-Jumeaux à la plaine des Sept-Deniers p.75

Annèxes

[modificar | Modificar lo còdi]

Bibliografia

[modificar | Modificar lo còdi]
  • Lucien Remplon, Ombres noires et soleils rouges, histoire du rugby au Stade toulousain, éd. Gazette, 1998, 216 p., ISBN: 2-912041-02-3 (fr)
  • Jean-Paul Cazeneuve et Jérôme Leclerc, Stade toulousain, L'Académie du rugby, Balma, éd. Universelles, 2004, 220 p., ISBN: 2-905797-07-X (fr)

Veire tanben

[modificar | Modificar lo còdi]

Ligams extèrnes

[modificar | Modificar lo còdi]

Wikimedia Commons prepausa de documents multimèdia liures sus Estadi Ernest Wallon.