Gérard Manset, o mai simplament Manset, nascut lo 21 d'agost de 1945 a Saint-Cloud còsta París (França), es mai que mai conegut coma cantaire francés, mas es tanben autor, compositor, pintre e fotograf.
L'ostal de disc Pathé Marconi publica son primièr 45 torns Animal on est mal al mes de mai de 1968. Gràcias a fòrça passatges a la ràdio pendent las caumas d'aquesta periòda, lo disc obten una capitada d'estima e serà reeditat en 1971.
En 1969, escriu l'integralitat dels tèxtes de l'album Chimène de René Joly. Lo títol Chimène es una capitada pendent l'estiu de 1969, e serà quitament représ en 2003 per Jeanne Mas sus son album Les amants de Castille.
En 1970, publica La Mort d'Orion, un oratorio ròck-sinfonic als adobaments elaborats, que coneis una polida capitada d'estima malgrat son costat desconcertant avantguardista. Mas es en 1975 que Gérard Manset ven vertadièrament conegut del public gràcias a la capitada de sa cançon Il voyage en solitaire, que lo 45 torns se vend a 300 000 exemplars.
En 1979 te sortís l'album Royaume de Siam, sovent considerat coma son melhor album.
Fin 1989 sòrtís l'album Matrice, d'un esperit ròck realista e ambe una escritura mai escura que jamai. Matrice es una capitada a l'encòp critica e public, considerat coma l'un dels melhors albums franceses de la decennia : mai de cent mila exemplars son venduts.
A la fin de 1994, te publica La Vallée de la Paix, son quinzen album, portat pel single Paradis.
En 2008, Gérard Manset compausa per Alain Bashung Comme un lego. Ne fa pauc après sa pròpia version.[1]
En 2015, lo cantaire Raphaël a représ sus l'empont de sas cançons, mai que mai las de l'album Matrice.
Coma autor francés, Gérard Manset a escrich tanben mantuns libres.