Laurent Voulzy
.jpg)
Lucien Voulzy, dich Laurent Voulzy, es un autor, compositor e cantaire francés nascut lo 18 de decembre de 1948 a París (França), de parents guadalopencs. Es l'arrièr-pichon-nebot del deputat Guadalopenc Gaston Gerville-Réache, e lo cosin del comedian Pascal Légitimus. Laurent Voulzy a fòrça collaborat amb lo celèbre cantaire francés Alain Souchon dempuèi 1974.
Empòrta en 1967 un concors local per l'interpretacion de sa primièra cançon, Timide. En 1968, mentre qu'efectua son servici militar, apren qu'una de sas maquetas es estada enregistrada e producha per un ostal de disques. Tornat a París, signa alara son primièr contracte jol nom de Laurent Voulzy. Influenciat per la pop anglesa dels Beatles, dels Shadows e dels Rolling Stones, comença alavetz a compausar per el (quitament sens granda capitada) e per divèrses grops.
De 1969 a 1974, Laurent Voulzy es guitarrista e cap d'orquestra del cantaire francés Pascal Danel.
En 1974, encontra Alain Souchon per qui compausa la musica de la cançon J'ai dix ans, inspirada del títol Bip bop de Paul McCartney. Aquela cançon obten una gròssa capitada en 1975 : Laurent Voulzy e Alain Souchon contunhan a collaborar pels albums Bidon en 1976 e Jamais content l'annada seguenta, que compòrtan mantuns tubes remirables, Bidon, Allô maman bobo, Jamais content, Y'a d'la rumba dans l'air, totes compausats per Laurent, escriches e interpretats per Alain.
En 1977, Laurent Voulzy obten a son torn un primièr tube coma cantaire amb la cançon Rockollection, tube de l'estiu 1977, totjorn sus un tèxt d'Alain Souchon. Aquela cançon es un omenatge a las cançons pop ròck de las annadas 1960 (Little Eva, Los Beatles, Los Beach Boys, Them, Los Rolling Stones...).
D'ara enlà, Laurent Voulzy perseguís parallèlament las carrièras de compositor, per Alain Souchon amb un nombre de novèls tubes remirables (Le Bagad de Lann-Bihoué, La Ballade de Jim…), e de cantaire popular, amb las paraulas tostemps signadas Alain Souchon : Le Cœur grenadine, Désir désir, Les Nuits sans Kim Wilde, Belle-Île-en-Mer Marie-Galante, My Song of You, Le soleil donne, Paradoxal Système, Le Rêve du pêcheur, Le Pouvoir des fleurs, La fille d'avril, Amélie Colbert etc.
Discografia
[modificar | Modificar lo còdi]- 1979 : Le Cœur grenadine
- 1983 : Bopper en larmes
- 1992 : Caché derrière
- 2001 : Avril
- 2006 : La Septième Vague (album de represas)
- 2008 : Recollection
- 2011 : Lys and Love[1]
- 2014 : Alain Souchon & Laurent Voulzy (album comun amb Alain Souchon)
- 2017 : Belem
Cançons mai conegudas
[modificar | Modificar lo còdi]- Rockollection (1977, amb troces de represas de Little Eva, Beatles, Beach Boys, Them, Rolling Stones)
- Bubble Star (1978)
- Le Cœur grenadine (1979)
- Karin Redinger (1979)
- Surfing Jack (1980)
- Idéal simplifié (1982)
- Bopper en larmes (1983)
- Liebe (1983)
- Désir, désir (1984, amb Véronique Jannot)
- Les Nuits sans Kim Wilde (1985, amb Kim Wilde)
- Belle-Île-en-Mer, Marie-Galante (1986)
- My song of you (1987)
- Le soleil donne (1988)
- Jamais nous (1989, amb Elsa)
- Paradoxal système (1992)
- Carib islander (1992)
- Le rêve du pêcheur (1993)
- Le pouvoir des fleurs (1993)
- Le cantique mécanique (1993)
- Caché derrière (1994)
- La fille d'avril (2002)
- Amélie Colbert (2002)
- Derniers baisers (2006, represa en francés de Sealed with a Kiss de The Four Voices)
- Jeanne (2011)