María Alejandra Vicuña

María Alejandra Vicuña Muñoz (Guayaquil, 13 de febrièr de 1978) es una psicològa e femna politica feminista eqüatoriana, actuala vice-presidenta d'Eqüator.

Biografia

Nasquèt lo 13 de febrièr de 1978 a Guayaquil, província de Guayas. Estudièt al collègi La Modèrna e a l'Universitat de Guayaquil, qu'i obtenguèt lo títol de psicològa clinica e un mestritge en administracion d'entrepresas. Foguèt maridada amb l'escrivan Ernesto Carrión, amb qui a una filha.

Comencèt la vida politica coma part del movement Aliança Bolivariana Alfarista (ABA), fondat per lo sieu paire, Leonardo Vicuña. Amassa amb l'ABA se jonhèt al movement Aliança PAIS en supòrt a la candidatura de Rafael Correa a las eleccions presidencialas de 2006.En 2007 foguèt nomenada coordinadora regionala de talent uman del Servici de Rendas Intèrnas e pauc a comencèt pauc a ganhar prominencia dins l'organizacion provinciala del movement oficialista.

Lo 24 de mai de 2017 foguèt nomenada Ministra de Desvolopament Urban e Abitatge pel president Lenín Moreno.

Vice-presidenta d'Eqüator

Lo 4 d'octòbre de 2017, dos jorns après que lo vice-president Jorge Glas foguèsse detengut per la siá supausada vinculacion en actes illicites ligats al Cas Odebrecht, lo president Lenín Moreno designèt mejançant Decrèt Executiu N°176 a Vicuña coma vice-presidenta constitucionala ad interim a l'abséncia del vice-president Glas.

Lo 4 de genièr de 2018, foguèt finalament elegida per l'Assemblada Nacionala. Dintrèt en foncions lo 6.