Medalha d'onor dau servici de santat deis armadas
La Medalha d'onor dau servici de santat deis armadas es una decoracion de la Republica Francesa creada lo 30 d'aost de 1962. Recompensa lei servicis renduts au sen dei servicis de santat deis armadas. A remplaçat sièis decoracions ancianas qu'èran la Medalha deis Epidemias dau ministèri de la Guèrra (creada en 1892), la Medalha deis Epidemias dau ministèri de la Marina (creada en 1909), la Medalha deis Epidemias dau ministèri de la França d'otra-mar (creada en 1927), la Medalha dei servicis de santat deis armadas de Tèrra (creada en 1931), la Medalha dei servicis de santat de la Marina nacionala (creada en 1947) e la Medalha dei servicis de santat de l'Èr (creada en 1948).