Plesiopleurodon

Plesiopleurodon siguec un plesiosaure plan semblant a Liopleurodon. Demorèc hè mès de 100 milions d'annades.

Plesiopleurodon wellesi ei un reptil marin escantit apartenhent ara familha des pliosaures. Demorèc pendent eth cretacèu superior hè d'aperaquí 100 milions d'ans e es sues despulhes an sigut trapades en Wyoming (Estats Units).

Descripcion

Aguest fossil ei conegut pr'amor que sà trapat un cran e ua maishèra sancers, quauques vertèbres verticals e un coracoides dret. Ère un plesiosaure petit (sonque hèia 3 m de longada) e ère fòrça semblant a Liopleurodon (que demorèc pendent eth jurassic). D'aciu sòn nom (ath costat de Liopleurodon). Era maishèra ère plan longa damb 16 dents rondes e planes ena superficie externa mès pas tant ena base. Plesiopleurodon avia vertèbres cervicals damb ua estructura que sonque se trapa en es plesiosaures deth cretacèu.

Classament

Plesiopleurodon siguec trapat ena formacion Belle Fourche Shale, prèp de Rattlesnake Hills, en Wyoming. Carpenter hèc ua prumèra descripcion en 1996 e confermèc qu'ère eth que mès semblava Liopleurodon. Es vertèbres son plan semblantes e dilhèu èren dera madeisha familha o dilhèu ère un especimèn des policotilidis, un grop de plesiosaures plan petits deth cretacèu. Sòn nom especific, wellesi ei tà aunorar Samuel P. Welles, un paleontològ qu'estudièc plan es plesiosaures e, laguens aguesti, es pliosaures.

Bibliografia

• Carpenter K. 1996. A review of short-necked plesiosaurs from the Cretaceous of the Western Interior, North America. Neues Jahrbuch für Geologie und Paläontologie, Abhandlungen 210 (2): 259-287.
• Ketchum, H.F.; Benson, R.B.J. (2010). "Global interrelationships of Plesiosauria (Reptilia, Sauropterygia) and the pivotal role of taxon sampling in determining the outcome of phylogenetic analyses.". Biological Reviews of the Cambridge Philosophical Society 85 (2): 361-392. doi:10.1111/j.1469-185X.2009.00107.x.