ਆਤੂਰ ਰਵੀ ਵਰਮਾ (27 ਦਸੰਬਰ 1930 - 26 ਜੁਲਾਈ 2019)[1] ਇੱਕ ਭਾਰਤੀ ਕਵੀ ਅਤੇ ਮਲਿਆਲਮ ਸਾਹਿਤ ਦਾ ਅਨੁਵਾਦਕ ਸੀ। ਆਧੁਨਿਕ ਮਲਿਆਲਮ ਕਵਿਤਾ ਦੇ ਮੋਹਰੀਆਂ ਵਿਚੋਂ ਇਕ, ਰਵੀ ਵਰਮਾ ਨੇ ਕਵਿਤਾ ਲਈ ਕੇਰਲ ਸਾਹਿਤ ਅਕਾਦਮੀ ਪੁਰਸਕਾਰ ਅਤੇ ਅਨੁਵਾਦ ਲਈ ਕੇਰਲ ਸਾਹਿਤ ਅਕਾਦਮੀ ਪੁਰਸਕਾਰ ਤੋਂ ਇਲਾਵਾ ਹੋਰ ਵੀ ਕਈ ਸਨਮਾਨ ਵੀ ਪ੍ਰਾਪਤ ਕੀਤੇ। ਕੇਰਲਾ ਸਰਕਾਰ ਨੇ ਉਸ ਨੂੰ ਆਪਣੇ ਸਰਵਉੱਚ ਸਾਹਿਤਕ ਪੁਰਸਕਾਰ, ਇਜ਼ੁਥਾਚਨ ਪੁਰਸਕਾਰਮ, 2012 ਨਾਲ ਸਨਮਾਨਿਤ ਕੀਤਾ ਅਤੇ ਕੇਰਲਾ ਸਾਹਿਤ ਅਕਾਦਮੀ ਨੇ ਉਸ ਨੂੰ ਸਾਲ 2017 ਵਿੱਚ ਆਪਣੇ ਨਿਰਾਲੇ ਫੈਲੋ ਵਜੋਂ ਸ਼ਾਮਲ ਕੀਤਾ।
ਰਵੀ ਵਰਮਾ ਦਾ ਜਨਮ 27 ਦਸੰਬਰ 1930 ਨੂੰ ਕੋਚੀਨ (ਜੋ ਹੁਣ ਦੱਖਣੀ ਭਾਰਤ ਦੇ ਕੇਰਲਾ ਰਾਜ ਦਾ ਹਿੱਸਾ ਹੈ) ਦੇ ਇੱਕ ਸਾਬਕਾ ਪਿੰਡ, ਤ੍ਰਿਚੁਰ ਜ਼ਿਲ੍ਹੇ ਦੇ ਇੱਕ ਛੋਟੇ ਜਿਹੇ ਪਿੰਡ ਅਤੂਰ ਵਿੱਚ ਕ੍ਰਿਸ਼ਣਨ ਨੰਬੂਤੀਰੀ ਅਤੇ ਅੰਮੀਨੀ ਅੰਮਾ ਦੇ ਘਰ ਹੋਇਆ ਸੀ।[2] ਉਸਨੇ ਜ਼ੈਮੋਰੀਨ ਦੇ ਗੁਰੂਵਾਯੁਰੱਪਨ ਕਾਲਜ, ਕਾਲੀਕਟ ਵਿੱਚ ਆਪਣੇ ਪ੍ਰੀ-ਯੂਨੀਵਰਸਿਟੀ ਕੋਰਸ ਲਈ ਦਾਖਲਾ ਲਿਆ ਪਰ ਖੱਬੇਪੱਖੀ ਰਾਜਨੀਤੀ ਵਿੱਚ ਸ਼ਾਮਲ ਹੋਣ ਕਾਰਨ ਉਸਨੂੰ ਕਾਲਜ ਤੋਂ ਕੱਢ ਦਿੱਤਾ ਗਿਆ।[3] ਬਾਅਦ ਵਿਚ, ਉਸਨੇ ਮਲਾਬਾਰ ਕ੍ਰਿਸ਼ਚੀਅਨ ਕਾਲਜ ਵਿੱਚ ਪੜ੍ਹਾਈ ਜਾਰੀ ਰੱਖੀ, ਉਸ ਤੋਂ ਬਾਅਦ ਯੂਨੀਵਰਸਿਟੀ ਕਾਲਜ, ਤ੍ਰਿਵੇਂਦਰਮ ਤੋਂ ਮਲਿਆਲਮ ਵਿੱਚ ਗ੍ਰੈਜੂਏਸ਼ਨ ਕੀਤੀ।[4] ਇਸ ਤੋਂ ਬਾਅਦ, ਉਹ ਪ੍ਰੈਜੀਡੈਂਸੀ ਕਾਲਜ, ਮਦਰਾਸ ਵਿੱਚ ਇੱਕ ਫੈਕਲਟੀ ਦੇ ਤੌਰ ਤੇ ਸ਼ਾਮਲ ਹੋਇਆ, ਜਿੱਥੇ ਉਸ ਨੂੰ ਮਸ਼ਹੂਰ ਲੇਖਕ ਐਮ. ਗੋਵਿੰਦਨ ਦੇ ਸੰਪਰਕ ਵਿੱਚ ਰਹਿਣ ਦਾ ਮੌਕਾ ਮਿਲਿਆ ਜਿਸਨੇ ਉਸ ਨੂੰ ਤਾਮਿਲ ਭਾਸ਼ਾ ਦੇ ਅਧਿਐਨ ਵਿੱਚ ਸਹਾਇਤਾ ਕੀਤੀ। ਉਸਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਮਦਰਾਸ ਵਿੱਚ ਇੱਕ ਅਧਿਆਪਕ ਵਜੋਂ ਕੀਤੀ ਪਰ ਸ਼੍ਰੀ ਨੀਲਕੰਤਾ ਸਰਕਾਰੀ ਸੰਸਕ੍ਰਿਤ ਕਾਲਜ ਪੱਤੰਬੀ[5] ਵਿੱਚ ਕੰਮ ਕਰਨ ਲਈ ਕੇਰਲਾ ਵਾਪਸ ਪਰਤਿਆ ਅਤੇ ਫਿਰ ਬਰਨੇਨ ਕਾਲਜ, ਤੇਲੀਚੇਰੀ ਵਿੱਚ ਚਲਾ ਗਿਆ ਜਿਥੇ ਪ੍ਰਮੁੱਖ ਰਾਜਨੇਤਾ ਪਿਨਾਰਾਏ ਵਿਜਯਨ ਅਤੇ ਏ ਕੇ ਬਾਲਨ ਉਸ ਦੇ ਵਿਦਿਆਰਥੀ ਰਹੇ ਸਨ। ਰਵੀ ਵਰਮਾ ਦਾ ਵਿਆਹ ਸ਼੍ਰੀ ਦੇਵੀ ਨਾਲ ਹੋਇਆ ਅਤੇ ਇਹ ਜੋੜਾ ਤ੍ਰਿਚੁਰ ਵਿੱਚ ਰਹਿੰਦਾ ਰਿਹਾ।[6] 26 ਜੁਲਾਈ 2019 ਨੂੰ ਰਵੀ ਵਰਮਾ ਦੀ ਮੌਤ ਹੋ ਗਈ। ਉਹ 88 ਸਾਲਾਂ ਦੇ ਸਨ ਅਤੇ ਤ੍ਰਿਚੁਰ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਨਮੂਨੀਆ ਦਾ ਇਲਾਜ ਚੱਲ ਰਿਹਾ ਸੀ।[1]
ਰਵੀ ਵਰਮਾ ਖੁੱਲੀ ਕਵਿਤਾ ਲਿਖਦਾ ਸੀ।
{{cite web}}: Unknown parameter |dead-url= ignored (|url-status= suggested) (help)
{{cite web}}: Unknown parameter |dead-url= ignored (|url-status= suggested) (help) "ਪੁਰਾਲੇਖ ਕੀਤੀ ਕਾਪੀ". Archived from the original on 2014-03-18. Retrieved 2022-09-14. {{cite web}}: Unknown parameter |dead-url= ignored (|url-status= suggested) (help)