ਉਤੂਤ ਏਡੀਆਂਟੋ

ਉਤੂਤ ਏਡੀਆਂਟੋ (ਜਨਮ 16 ਮਾਰਚ 1965), ਇੱਕ ਇੰਡੋਨੇਸ਼ੀਆਈ ਸਿਆਸਤਦਾਨ ਅਤੇ ਸ਼ਤਰੰਜ ਖਿਡਾਰੀ ਹੈ, ਜੋ 2009 ਤੋਂ ਲੋਕ ਪ੍ਰਤੀਨਿਧੀ ਕੌਂਸਲ ਦੇ ਮੈਂਬਰ ਵਜੋਂ ਸੇਵਾ ਨਿਭਾ ਰਿਹਾ ਹੈ। ਉਹ ਇੰਡੋਨੇਸ਼ੀਆਈ ਡੈਮੋਕ੍ਰੇਟਿਕ ਪਾਰਟੀ ਆਫ ਸਟ੍ਰਗਲ ਦਾ ਮੈਂਬਰ ਹੈ ਅਤੇ ਉਸਨੇ 2018 ਤੋਂ 2019 ਤੱਕ ਲੋਕ ਪ੍ਰਤੀਨਿਧੀ ਕੌਂਸਲ ਦੇ ਡਿਪਟੀ ਸਪੀਕਰ ਵਜੋਂ ਸੇਵਾ ਕੀਤੀ। ਰਾਜਨੀਤੀ ਵਿੱਚ ਆਉਣ ਤੋਂ ਪਹਿਲਾਂ, ਉਹ ਇੱਕ ਸ਼ਤਰੰਜ ਖਿਡਾਰੀ ਸੀ, ਉਸਨੇ 1986 ਵਿੱਚ FIDE ਤੋਂ ਗ੍ਰੈਂਡਮਾਸਟਰ ਦਾ ਖਿਤਾਬ ਪ੍ਰਾਪਤ ਕੀਤਾ।

ਸ਼ੁਰੂਆਤੀ ਜੀਵਨ ਅਤੇ ਸਿੱਖਿਆ

ਉਤੂਤ ਏਡੀਆਂਟੋ ਦਾ ਜਨਮ 16 ਮਾਰਚ 1965 ਨੂੰ ਜਕਾਰਤਾ ਵਿੱਚ ਹੋਇਆ ਸੀ। ਉਹ ਪੰਜ ਬੱਚਿਆਂ ਵਿੱਚੋਂ ਚੌਥਾ ਹੈ। ^[1] ਉਸਨੇ ਆਪਣਾ ਬਚਪਨ ਦਮਾਈ ਗਲੀ, ਸਿਪੇਟ ਮਾਰਕੀਟ, ਦੱਖਣੀ ਜਕਾਰਤਾ ਦੇ ਨੇੜੇ ਬਿਤਾਇਆ। ਉਤੂਤ ਨੇ ਪਦਜਾਦਜਾਰਨ ਯੂਨੀਵਰਸਿਟੀ ਵਿੱਚ ਪੜ੍ਹਾਈ ਕੀਤੀ। ਉਸਨੇ 1989 ਵਿੱਚ ਆਪਣੀ ਪੜ੍ਹਾਈ ਪੂਰੀ ਕੀਤੀ, ਅਤੇ ਇੱਕ ਵਿਕਾਸ ਕੰਪਨੀ ਵਿੱਚ ਕੰਮ ਕੀਤਾ।

ਸ਼ਤਰੰਜ ਕੈਰੀਅਰ

ਉਸ ਨੇ ਪਹਿਲੀ ਵਾਰ ਆਪਣੇ ਭਰਾ ਰਾਹੀਂ ਸ਼ਤਰੰਜ ਵਿੱਚ ਦਿਲਚਸਪੀ ਲਈ ਸੀ। 1973 ਵਿੱਚ, ਜਦੋਂ ਉਹ 8 ਸਾਲ ਦਾ ਸੀ, ਉਸਨੇ ਕੇਨਕਾਨਾ ਸ਼ਤਰੰਜ ਕਲੱਬ ਵਿੱਚ ਸਬਕ ਲਏ। ਉਸਨੇ 12 ਸਾਲ ਦੀ ਉਮਰ ਵਿੱਚ 1978 ਵਿੱਚ ਜਕਾਰਤਾ ਜੂਨੀਅਰ ਚੈਂਪੀਅਨਸ਼ਿਪ ਜਿੱਤੀ। ਫਿਰ ਉਸਨੇ 1979 ਵਿੱਚ ਨੈਸ਼ਨਲ ਜੂਨੀਅਰ ਚੈਂਪੀਅਨ ਜਿੱਤੀ। ਉਹ 1982 ਵਿੱਚ ਇੰਡੋਨੇਸ਼ੀਆਈ ਸ਼ਤਰੰਜ ਚੈਂਪੀਅਨਸ਼ਿਪ ਜਿੱਤੀ। ਉਸਨੂੰ 1986 ਵਿੱਚ ਗ੍ਰੈਂਡਮਾਸਟਰ ਦਾ ਖਿਤਾਬ ਮਿਲ਼ ਗਿਆ। ਉਸ ਸਮੇਂ (21 ਸਾਲ ਦੀ ਉਮਰ ਵਿੱਚ) ਅਜਿਹਾ ਕਰਨ ਵਾਲਾ ਉਹ ਸਭ ਤੋਂ ਘੱਟ ਉਮਰ ਦਾ ਇੰਡੋਨੇਸ਼ੀਆਈ ਬਣ ਗਿਆ ਸੀ, ਪਰ ਬਾਅਦ ਵਿੱਚ ਇਹ ਰਿਕਾਰਡ ਸੁਸਾਂਤੋ ਮੇਗਾਰਾਂਟੋ ਨੇ ਪਾਰ ਕਰ ਦਿੱਤਾ ਗਿਆ, ਜੋ 17 ਸਾਲ ਦੀ ਉਮਰ ਵਿੱਚ ਗ੍ਰੈਂਡਮਾਸਟਰ ਬਣ ਗਿਆ ਸੀ। 1995 ਅਤੇ 1999 ਦੇ ਵਿਚਕਾਰ, ਉਸਨੇ 2600 ਤੋਂ ਵੱਧ ਦੀ ਐਲੋ ਰੇਟਿੰਗ ਬਣਾਈ ਰੱਖੀ ^[1]

1999 ਵਿੱਚ, ਉਸਨੇ ਲਾਸ ਵੇਗਾਸ ਵਿੱਚ FIDE ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲਿਆ, ਜੋ ਕਿ ਨਾਕਆਊਟ ਫਾਰਮੈਟ ਵਿੱਚ ਆਯੋਜਿਤ ਕੀਤਾ ਗਿਆ ਸੀ, ਪਹਿਲੇ ਦੌਰ ਵਿੱਚ ਡੈਨੀਅਲ ਫਰਿਡਮੈਨ ਤੋਂ ਹਾਰ ਗਿਆ ਸੀ। ^[2]ਉਤੂਤ ਏਡੀਆਂਟੋ ਇੰਡੋਨੇਸ਼ੀਆਈ ਸ਼ਤਰੰਜ ਫੈਡਰੇਸ਼ਨ (PERCASI) ਦੇ ਚੇਅਰਮੈਨ ਹਨ। ਮਚਨਨ ਆਰ. ਕਮਾਲੁਦੀਨ, ਏਕਾ ਪੁਤਰਾ ਵਿਰੀਆ ਅਤੇ ਕ੍ਰਿਸਟੀਅਨਸ ਲਾਈਮ ਨਾਲ ਮਿਲ ਕੇ, ਉਸਨੇ ਬਾਅਦ ਵਿੱਚ ਇੰਡੋਨੇਸ਼ੀਆ ਵਿੱਚ ਇੱਕ ਸ਼ਤਰੰਜ ਸਕੂਲ ਦੀ ਸਥਾਪਨਾ ਕੀਤੀ, ਜਿਸ ਨੇ ਕਈ ਰਾਸ਼ਟਰੀ ਖਿਡਾਰੀ ਪੈਦਾ ਕੀਤੇ ਹਨ। ^[3] 2005 ਵਿੱਚ, ਅਡੀਅਨਟੋ ਨੂੰ FIDE ਸੀਨੀਅਰ ਟ੍ਰੇਨਰ ਦਾ ਖਿਤਾਬ ਦਿੱਤਾ ਗਿਆ ਸੀ। ^[4]

ਜ਼ਿਕਰਯੋਗ ਖੇਡਾਂ

ਉਤੂਤ ਅਤੇ ਇਵਾਨ ਮੋਰੋਵਿਕ, ਡੌਰਟਮੰਡ ਵਿਖੇ ਜੂਨੀਅਰ ਸ਼ਤਰੰਜ ਵਿਸ਼ਵ ਚੈਂਪੀਅਨਸ਼ਿਪ 1980

ਸਿਆਸੀ ਕੈਰੀਅਰ

9 ਮਈ 2009 ਨੂੰ, ਉਹ ਇੰਡੋਨੇਸ਼ੀਆ ਦੀ ਦੋ ਸਦਨੀ ਸੰਸਦ ਦੇ ਹੇਠਲੇ ਸਦਨ, ਲੋਕ ਪ੍ਰਤੀਨਿਧੀ ਕੌਂਸਲ ਲਈ ਚੁਣਿਆ ਗਿਆ ਸੀ। ਉਹ 20 ਮਾਰਚ 2018 ਨੂੰ ਸੰਸਥਾ ਦਾ ਡਿਪਟੀ ਸਪੀਕਰ ਬਣਿਆ।^{[5] [6]}

ਹਵਾਲੇ

1. "Profil Drs Utut Adianto". VIVA (in ਇੰਡੋਨੇਸ਼ੀਆਈ). Retrieved 12 April 2018.
2. "The Week in Chess 249". theweekinchess.com. Retrieved 2021-10-01.
3. "PERSONALIA PB PERCASI". Percasi. Archived from the original on 12 ਅਪ੍ਰੈਲ 2018. Retrieved 12 April 2018.
4. Global Chess Academy - FIDE Certified Trainers
5. Erdianto, Kristian (20 March 2018). "Utut Adianto Resmi Menjabat Wakil Ketua DPR RI". KOMPAS (in ਇੰਡੋਨੇਸ਼ੀਆਈ). Retrieved 8 April 2018.
6. "House to Inaugurate New Deputy Speaker". MetroTV News. Archived from the original on 15 ਜੁਲਾਈ 2018. Retrieved 12 April 2018.