ਡਾਨਾ ਓਲਮਰਟ( ਹਿਬਰੂ: דנה אולמרט ; ਜਨਮ 26 ਦਸੰਬਰ 1972), ਇੱਕ ਇਜ਼ਰਾਈਲੀ ਖੱਬੇ ਪੱਖੀ ਕਾਰਕੁਨ, ਸਾਹਿਤਕ ਸਿਧਾਂਤਕਾਰ ਅਤੇ ਸੰਪਾਦਕ ਹੈ। ਉਹ ਇਜ਼ਰਾਈਲ ਦੇ ਸਾਬਕਾ ਪ੍ਰਧਾਨ ਮੰਤਰੀ ਏਹੂਦ ਓਲਮਰਟ ਦੀ ਧੀ ਹੈ।
ਓਲਮਰਟ ਨੇ ਯਰੂਸ਼ਲਮ ਦੀ ਹਿਬਰੂ ਯੂਨੀਵਰਸਿਟੀ ਤੋਂ "ਵੀਹਵਿਆਂ ਦੇ ਦੌਰਾਨ ਔਰਤਾਂ ਦੁਆਰਾ ਹਿਬਰੂ ਕਵਿਤਾ ਦਾ ਵਿਕਾਸ: ਮਨੋਵਿਗਿਆਨਕ ਅਤੇ ਨਾਰੀਵਾਦੀ ਦ੍ਰਿਸ਼ਟੀਕੋਣ " 'ਤੇ ਸਾਹਿਤ ਵਿੱਚ ਪੀਐਚਡੀ ਨਾਲ ਗ੍ਰੈਜੂਏਸ਼ਨ ਕੀਤੀ।[1] ਉਹ ਤਲ ਅਵੀਵ ਯੂਨੀਵਰਸਿਟੀ[2] ਵਿਚ ਸਾਹਿਤ ਪੜ੍ਹਾਉਂਦੀ ਹੈ ਅਤੇ ਹਾਲ ਹੀ ਵਿੱਚ ਸਿਰਜਣਾਤਮਕ ਲਿਖਤੀ ਵਰਕਸ਼ਾਪਾਂ ਕਰਾਉਂਦੀ ਹੈ। ਉਹ ਇੱਕ ਕਵਿਤਾ ਲੜੀ ਦੀ ਸੰਪਾਦਕ ਹੈ ਅਤੇ ਉਸਨੂੰ ਸਾਹਿਤਕ ਇਨਾਮਾਂ ਦੀਆਂ ਕਈ ਜਿਊਰੀ ਲਈ ਸੱਦਾ ਦਿੱਤਾ ਗਿਆ ਸੀ।
ਉਸਨੇ ਮੈਕਸਮ ਵਾਚ ਲਈ ਸਵੈਸੇਵਾ ਕੀਤੀ।[3] ਜੂਨ 2006 ਵਿੱਚ, ਉਸਨੇ ਗਾਜ਼ਾ ਬੀਚ ਧਮਾਕੇ ਵਿੱਚ ਇਜ਼ਰਾਈਲ ਦੀ ਕਥਿਤ ਸ਼ਮੂਲੀਅਤ ਦੇ ਵਿਰੋਧ ਵਿੱਚ ਤਲ ਅਵੀਵ ਵਿੱਚ ਇੱਕ ਮਾਰਚ ਵਿੱਚ ਸ਼ਿਰਕਤ ਕੀਤੀ ਜਿਸਨੇ ਉਸਨੂੰ ਸੱਜੇ-ਪੱਖੀ ਸ਼ਖਸੀਅਤਾਂ ਦੀ ਆਲੋਚਨਾ ਦਾ ਵਿਸ਼ਾ ਬਣਾਇਆ।
ਓਲਮਰਟ ਇੱਕ ਸਵੈ-ਪਛਾਣੀ ਲੈਸਬੀਅਨ ਹੈ ਅਤੇ ਇਜ਼ਰਾਈਲ ਵਿੱਚ ਪ੍ਰਾਈਡ ਪਰੇਡ ਦਾ ਬਚਾਅ ਕਰਦੀ ਹੈ।[4] ਉਹ ਤਲ ਅਵੀਵ ਵਿੱਚ ਆਪਣੀ ਮਹਿਲਾ ਸਾਥੀ, ਡਾਫਨਾ ਬੇਨ-ਜ਼ਵੀ ਨਾਲ ਰਹਿੰਦੀ ਹੈ।[5] ਇਹ ਜੋੜਾ ਬੇਨ-ਜ਼ਵੀ ਦੁਆਰਾ ਜਨਮੀ ਇੱਕ ਧੀ ਨੂੰ ਪਾਲਦਾ ਹੈ।