ਨੇਹਾ ਕਪੂਰ | |
|---|---|
| ਜਨਮ | 31 ਮਾਰਚ 1984 ਨਵੀਂ ਦਿੱਲੀ, ਭਾਰਤ |
| ਪੇਸ਼ਾ | ਮਾਡਲ |
| ਕੱਦ | 1.76 m (5 ft 9 in) |
| ਸੁੰਦਰਤਾ ਮੁਕਾਬਲਾ ਸਿਰਲੇਖਧਾਰਕ | |
| ਸਿਰਲੇਖ | ਫੈਮਿਨਾ ਮਿਸ ਇੰਡੀਆ ਯੂਨੀਵਰਸ 2006 |
| ਸਾਲ ਸਰਗਰਮ | 2006–ਮੌਜੂਦ |
| ਪ੍ਰਮੁੱਖ ਪ੍ਰਤੀਯੋਗਤਾ | ਫੈਮਿਨਾ ਮਿਸ ਇੰਡੀਆ ਯੂਨੀਵਰਸ 2006 - ਜੇਤੂ ਮਿਸ ਯੂਨੀਵਰਸ 2006 (ਟੌਪ 20) |
| ਵੈੱਬਸਾਈਟ | http://www.myspace.com/nehakapur |
ਨੇਹਾ ਕਪੂਰ (ਜਨਮ 31 ਮਾਰਚ 1984) ਇੱਕ ਭਾਰਤੀ ਮਾਡਲ, ਅਭਿਨੇਤਰੀ, ਅਤੇ ਸਾਬਕਾ ਸੁੰਦਰਤਾ ਰਾਣੀ ਹੈ ਜਿਸਨੇ 2006 ਵਿੱਚ ਫੇਮਿਨਾ ਮਿਸ ਇੰਡੀਆ ਜਿੱਤੀ ਅਤੇ ਉਸ ਸਾਲ ਮਿਸ ਯੂਨੀਵਰਸ ਮੁਕਾਬਲੇ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ। ਉਸਦਾ ਵਿਆਹ ਕੁਨਾਲ ਨਈਅਰ ਨਾਲ ਹੋਇਆ ਹੈ।
ਕਪੂਰ ਦਾ ਜਨਮ ਨਵੀਂ ਦਿੱਲੀ ਵਿੱਚ ਇੱਕ ਪੰਜਾਬੀ ਹਿੰਦੂ ਪਰਿਵਾਰ ਵਿੱਚ ਹੋਇਆ ਸੀ। ਉਸਨੇ ਕਲਾਸੀਕਲ ਡਾਂਸ[1] ਦੇ ਰੂਪ ਸਿੱਖੇ ਜਦੋਂ ਉਹ ਬਹੁਤ ਛੋਟੀ ਸੀ। ਉਸਨੇ ਭਰਤਨਾਟਿਅਮ ਵਿੱਚ ਚਾਰ ਸਾਲ ਅਤੇ ਕਥਕ ਵਿੱਚ ਅੱਠ ਸਾਲ ਦੀ ਸਿਖਲਾਈ ਲਈ ਹੈ। ਕਪੂਰ ਨੇ ਪਰਲ ਅਕੈਡਮੀ ਤੋਂ ਫੈਸ਼ਨ ਡਿਜ਼ਾਈਨ ਵਿਚ ਡਿਗਰੀ ਹਾਸਲ ਕੀਤੀ ਹੈ।
ਫੈਮਿਨਾ ਮਿਸ ਇੰਡੀਆ ਯੂਨੀਵਰਸ 2006 ਦਾ ਤਾਜ ਜਿੱਤਣ ਤੋਂ ਇਲਾਵਾ, ਕਪੂਰ ਨੇ ਮੁਕਾਬਲੇ ਵਿੱਚ ਫੈਮਿਨਾ ਮਿਸ ਫਰੈਸ਼ ਫੇਸ ਅਤੇ ਫੈਮਿਨਾ ਮਿਸ ਫੋਟੋਜੈਨਿਕ ਅਵਾਰਡ ਵੀ ਜਿੱਤੇ।[2]
ਕਪੂਰ ਨੇ 23 ਜੁਲਾਈ ਨੂੰ ਲਾਸ ਏਂਜਲਸ ਵਿੱਚ ਆਯੋਜਿਤ ਮਿਸ ਯੂਨੀਵਰਸ 2006 ਮੁਕਾਬਲੇ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕੀਤੀ।[3] ਉਸਨੇ ਸੈਮੀਫਾਈਨਲ ਵਿੱਚ ਚੋਟੀ ਦੇ 20 ਵਿੱਚ ਜਗ੍ਹਾ ਬਣਾਈ।
ਦਸੰਬਰ 2011 ਵਿੱਚ, ਕਪੂਰ ਨੇ ਬ੍ਰਿਟਿਸ਼ ਅਭਿਨੇਤਾ ਕੁਨਾਲ ਨਈਅਰ ਨਾਲ ਵਿਆਹ ਕੀਤਾ, ਜੋ ਕਿ ਟੀਵੀ ਕਾਮੇਡੀ ਲੜੀ ਦਿ ਬਿਗ ਬੈਂਗ ਥਿਊਰੀ ਵਿੱਚ ਰਾਜੇਸ਼ ਕੂਥਰਾਪਲੀ ਦੀ ਭੂਮਿਕਾ ਲਈ ਸਭ ਤੋਂ ਮਸ਼ਹੂਰ ਹੈ।