ਵਿਠਲ ਮਹਾਦੇਓ ਤਾਰਕੁੰਡੇ (3 ਜੁਲਾਈ 1909, ਸਾਸਵਾੜ – 22 ਮਾਰਚ 2004, ਦਿੱਲੀ), ਇੱਕ ਪ੍ਰਮੁੱਖ ਭਾਰਤੀ ਵਕੀਲ, ਸਿਵਲ ਅਧਿਕਾਰ ਕਾਰਕੁਨ, ਅਤੇ ਮਨੁੱਖਤਾਵਾਦੀ ਆਗੂ ਸੀ ਅਤੇ ਭਾਰਤ ਵਿੱਚ "ਸਿਵਲ ਲਿਬਰਟੀਜ਼ ਲਹਿਰ ਦੇ ਪਿਤਾਮਾ" ਵਜੋਂ ਅਤੇ ਬੰਬਈ ਹਾਈ ਕੋਰਟ ਦੇ ਇੱਕ ਸਾਬਕਾ ਜੱਜ ਦੇ ਤੌਰ ਤੇ ਜਾਣਿਆ ਜਾਂਦਾ ਹੈ।[1][2] ਭਾਰਤ ਦੀ ਸੁਪਰੀਮ ਕੋਰਟ ਨੇ ਵੀ ਬੰਬੇ ਹਾਈ ਕੋਰਟ ਵਿੱਚ "ਪੋਸਟ-ਚਾਗਲਾ 1957 ਦੇ ਕਾਲ ਦਾ ਬਿਨਾਂ ਸ਼ੱਕ ਸਭ ਤੋਂ ਮਹੱਤਵਪੂਰਣ ਜੱਜ" ਦੇ ਤੌਰ ਤੇ ਉਸ ਦੀ ਸ਼ਲਾਘਾ ਕੀਤੀ ਸੀ।[3]
ਵਿਠਲ ਮਹਾਦੇਓ ਤਾਰਕੁੰਡੇ ਦਾ ਜਨਮ ਸਾਸਵਾੜ, ਪੁਣੇ ਜ਼ਿਲ੍ਹਾ, ਮਹਾਰਾਸ਼ਟਰ ਵਿਖੇ 3 ਜੁਲਾਈ 1909 ਨੂੰ ਹੋਇਆ। ਉਹ ਸਾਸਵਾੜ, ਉਦੋਂ ਪੁਣੇ ਨਾਲ ਲਗਦੇ ਪੁਰੰਦਰ ਤਾਲੁਕਾ ਦਾ ਮੁੱਖ ਦਫ਼ਤਰ ਸੀ, ਦੇ ਇੱਕ ਪ੍ਰਸਿੱਧ ਵਕੀਲ ਅਤੇ ਸਮਾਜ ਸੁਧਾਰਕ ਮਹਾਦੇਓ ਰਾਜਾਰਮ ਤਾਰਕੁੰਡੇ ਦੇ ਪੰਜ ਬੱਚਿਆਂ ਵਿੱਚੋਂ ਦੂਜਾ ਸੀ। ਉਸ ਦੇ ਪਿਤਾ, ਜੋ ਜਾਤ ਦੇ ਇੱਕ ਬ੍ਰਾਹਮਣ ਸਨ, ਛੂਆਛਾਤ ਦੇ ਅਭਿਆਸ ਦੇ ਵਿਰੁੱਧ ਲੜੇ ਸੀ।[4]