ਹੇਮੰਤ ਚੌਹਾਨ ਗੁਜਰਾਤੀ ਸਾਹਿਤ ਅਤੇ ਸੰਗੀਤ ਨਾਲ ਜੁੜੇ ਇੱਕ ਭਾਰਤੀ ਲੇਖਕ ਅਤੇ ਗਾਇਕ ਹਨ। ਉਹ 1955 ਵਿੱਚ ਗੁਜਰਾਤ ਦੇ ਰਾਜਕੋਟ ਜ਼ਿਲ੍ਹੇ ਕੁੰਡਨੀ ਪਿੰਡ ਵਿੱਚ ਪੈਦਾ ਹੋਇਆ ਸੀ।[1] ਉਹ ਭਜਨ, ਧਾਰਮਿਕ ਅਤੇ ਗਰਬਾ ਦੇ ਗੀਤਾਂ ਅਤੇ ਹੋਰ ਲੋਕ ਵਿਧਾਵਾਂ ਵਿੱਚ ਮੁਹਾਰਤ ਰੱਖਦਾ ਹੈ। [2] 9 ਅਕਤੂਬਰ, 2012 ਨੂੰ ਉਨ੍ਹਾਂ ਨੂੰ ਗੁਜਰਾਤ ਦੇ ਰਵਾਇਤੀ ਲੋਕ ਸੰਗੀਤ ਵਿੱਚ ਯੋਗਦਾਨ ਲਈ 'ਅਕਾਦਮੀ ਰਤਨ ਪੁਰਸਕਾਰ 2011' ਮਿਲਿਆ। ਉਸ ਨੂੰ ਅਕਸਰ ਗੁਜਰਾਤੀ ਸੰਗੀਤ ਦਾ ਭਜਨ ਕਿੰਗ ਕਿਹਾ ਜਾਂਦਾ ਹੈ, ਅਤੇ ਉਸ ਨੂੰ ਸੁਗਮ ਸੰਗੀਤ ਦੇ ਸਰਵ ਉੱਤਮ ਗਾਇਕਾਂ ਵਿੱਚੋਂ ਇੱਕ ਵੀ ਮੰਨਿਆ ਜਾਂਦਾ ਹੈ। ਉਸ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਅਧਾਰ ਹੈ ਅਤੇ ਪੂਰੀ ਦੁਨੀਆਂ ਵਿੱਚ ਭਾਰਤ (ਮੁੱਖ ਤੌਰ 'ਤੇ ਗੁਜਰਾਤ ਵਿੱਚ) ਤੋਂ ਬਿਨਾ, ਸੰਯੁਕਤ ਅਰਬ ਅਮੀਰਾਤ, ਯੂਨਾਈਟਿਡ ਕਿੰਗਡਮ, ਸੰਯੁਕਤ ਰਾਜ ਅਮਰੀਕਾ ਅਤੇ ਪੂਰਬੀ ਅਫ਼ਰੀਕਾ ਸ਼ਾਮਲ ਹੈ। ਭਾਰਤ ਤੋਂ ਬਾਹਰ ਉਸ ਦੇ ਫੈਨ ਅਧਾਰ ਗੁਜਰਾਤੀ ਵਿਰਾਸਤ ਦੇ ਲੋਕਾਂ ਨਾਲ ਬਣਿਆ ਹੈ। ਹਿੱਟ ਗਾਣਿਆਂ ਅਤੇ ਭਜਨਾਂ ਦੀ ਵਿਆਪਕ ਕੈਟਾਲਾਗ ਦੇ ਨਾਲ, ਉਸ ਦਾ "ਕਠਿਆ ਵਾਦੀ ਲੋਕ ਦਾਇਰਾ ਅਤੇ ਭਜਨ ਸੰਧਿਆ" ਇੱਕ ਸੰਗੀਤ ਸਮਾਰੋਹ 2007 ਦੇ ਅਰੰਭ ਵਿੱਚ ਉੱਤਰੀ ਅਮਰੀਕਾ ਵਿੱਚ ਬਹੁਤ ਪ੍ਰਭਾਵਸ਼ਾਲੀ ਰਿਹਾ। ਉਸ ਨੇ ਭਗਤੀ ਸੰਗੀਤ ਦੀਆਂ ਕਈ ਐਲਬਮਾਂ ਜਾਰੀ ਕੀਤੀਆਂ ਹਨ। ਗੁਜਰਾਤੀ ਭਜਨਾਂ ਵਿੱਚ ਉਸ ਦੀ ਮੁਹਾਰਤ ਹੈ ਅਤੇ ਉਹ ਖ਼ੁਦ ਮੰਨਦਾ ਹੈ ਕਿ ਉਸ ਨੇ ਗੁਜਰਾਤੀ ਭਜਨ, ਖ਼ਾਸਕਰ ਮਹਾਨ ਗੁਜਰਾਤੀ ਸੰਤ-ਕਵੀ ਦਾਸੀ ਜੀਵਨ ਦੇ ਭਜਨ ਗਾ ਕੇ ਪ੍ਰਸਿੱਧੀ ਪ੍ਰਾਪਤ ਕੀਤੀ ਹੈ। ਉਸ ਦੀ ਪਹਿਲੀ ਐਲਬਮ 1978 ਵਿੱਚ ਜਾਰੀ ਕੀਤੀ ਗਈ ਸੀ, ਜਿਸ ਦਾ ਨਾਮ 'ਦਾਸੀ ਜੀਵਨ ਨਾ ਭਜਨੋ' ਸੀ, ਜੋ ਕਿ ਪੂਰੇ ਗੁਜਰਾਤ ਵਿੱਚ ਪੂਰੀ ਤਰ੍ਹਾਂ ਹਿੱਟ ਰਹੀ। ਉਸ ਸਮੇਂ ਤਕ ਉਹ 5000 ਤੋਂ ਵੱਧ ਭਜਨ ਅਤੇ ਹੋਰ ਕਈ ਭਗਤੀ ਵਾਲੀਆਂ ਚੀਜ਼ਾਂ ਗਾ ਚੁੱਕੇ ਹਨ।[ਹਵਾਲਾ ਲੋੜੀਂਦਾ]
{{cite web}}
: Unknown parameter |dead-url=
ignored (|url-status=
suggested) (help)