Economia di Aruba
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
E economia di Aruba ta un sistema habri. E ta uno cu ta depende hopi di e situacion economico den exterior, mescos cu e otro paisnan den Reino Hulandes. Aruba ta un pais prospero, cu desempleo abou. E tin hasta su propio seguro di malesa, AZV (Algemene Ziekteverzekering). Turismo actualmente ta provee e porcentahe mas grandi di entrada di e pais. Pa motibo di turismo su crecemento rapido den e ultimo 80 añanan, industrianan relaciona manera construccion, hotel y restaurant tambe a florece na Aruba. Apesar di e isla su áwaseru abou den e último añanan, e tera di Aruba ta yen di nutriente y hopi cultivo ta haci asombrosamente bon den e tera. Hopi mas empresario local a cuminsa participa mas na horticultura, permacultura y agricultura. Creando un comienso pa un economia interno. Cultivo di aloe, cria di bestia, y pesca tambe ta contribui na economia di Aruba. Ademas, e pais tambe ta exporta arte y cosnan di coleccion, machinnan, ekipo electico y ekipo di transporte. E forsa laboral chikito di Aruba y e cifra abou di desempleo a conduci na hopi vacatura di trabou cu no a wordo yena, apesar di subida fuerte den e tasa di salario den e ultimo añanan.
Estadistica
[editá | editá fuente]fuente di informacion Banco Central di Aruba
| Elemento | Aña | ||
| 2003 | 2004 | 2005 | |
| GDP nominal den miyon di AWG |
3.599 | 3.819 | 4.041 |
| Inflacion average di aña |
3,6 % | 2,5 % | 3,4 % |
| % di Desempleo | 7,8 % | 7,3 % | 6,9 % |
| Populacion average di aña |
95.076 | 97.658 | 100.629 |