Hensley Koeiman

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Hensley Koeiman
Pais di nashonalidatReino Hulandes Editá
Fecha di nasementu21 mei 1956 Editá
Lugá di nasementuKòrsou Editá
Okupashonpolitiko Editá
Partido polítikoPartido MAN Editá

Hensley Felix Koeiman (☆ 21 di mei 1956 na Wacawa) ta un polítiko yu di Kòrsou di partido MAN. E tabata e di seis promé minister di Kòrsou di 23 di desèmber 2016 te 24 di mart 2017. Na dos okashon el a okupá e puesto di minister di Desaroyo Sosial, Labor i Bienestar di Kòrsou. Desde 2022 e ta miembro di Parlamento di Kòrsou.

Bida

[editá | editá fuente]

Koeiman a nase dia 21 di mei 1956 na Wacawa, Bandabou.[1] El a studia na HTS na Tilburg i a traha algun aña komo mènèger di fasilidat na Universidat di Antias Hulandes antes di drenta polítika.

Desde 2007 te e disolushon di Antias Hulandes dia 10 di òktober 2010, Koeiman tabata miembro di Konseho Insular di Kòrsou.[2] E tabata number sinku riba e lista di MAN pa elekshonnan di 2010. Den gabinete Schotte, e promé gabinete di Kòrsou despues di su outonomia, e tabata minister di Desaroyo Sosial, Labor i Bienestar di Kòrsou. Despues di e kaida di gabinete Schotte i elekshonnan parlamentario di dia 19 di òktober 2012 el a bira miembro di Parlamento di Kòrsou. Siguiendo Charles Cooper e tabata lider di partido MAN entre yüni 2013 i aprel 2019.[3][4] Dia 1 di desèmber 2013 el a bira lider di frakshon den parlamento di Kòrsou.[5]

Despues di e elekshonnan parlamentario di dia 5 di òktober 2016 Koeiman a wòrdu nombrá promé minister di Kòrsou i a huramentá dia 23 di desèmber 2016 komo susesor di Ben Whiteman.[6] Su gabinete ta kai dia 12 di febrüari 2017, apenas shete siman den funshon. Seguidamente parlamento a keda disolbi i elekshonnan nobo konboká pa 28 di aprel 2017. Dia 24 di mart 2017 Gilmar Pisas ta tuma over di Koeiman komo promé minister di un gabinete interino. Despues di elekshon Koeiman a fungi di 2017 te 2021 komo minister di Desaroyo Sosial, Labor i Bienestar di Kòrsou den gabinete Rhuggenaath.

Koeiman ta aktualmente miembro di Parlamento di Kòrsou desde fin di 2022, remplasando Steven Martina despues di su retiro foi polítika.[7]