Johan Zoutman

Johan Zoutman
Pais di nashonalidatRepublika di Shete Provinsia Uni di Hulanda Editá
Nòmber di dilantiJohan Editá
FamZoutman Editá
Fecha di nasementu10 mei 1724 Editá
Lugá di nasementuReeuwijk Editá
Fecha di fayesimentu7 mei 1793 Editá
Lugá di fayesimentuDen Haag Editá
YuJ.A.A. Zoutman Editá
Dominio di idiomaHulandes Editá
Okupashonmilitary officer Editá
Rango militarSchout-bij-nacht Editá
KonfliktoFourth Anglo-Dutch War Editá
Ramo militarMarina Real Editá
Representa paPortrait of Johan Arnold Zoutman Editá
Johan Arnold Zoutman (1770)
Fort Zoutman (1885)

Johan Arnold Zoutman (☆ 10 di mei 1724 na Reeuwijk, Hulanda - † 7 di mei 1793[1] na Den Haag) tabata un vice-almirante Hulandes. Durante e di cuater guera Anglo-Hulandes e tabata comandante-en-hefe di e flota di Hulanda Uni.

Biografia

[editá | editá fuente]

Na edad di diesdos aña el a drenta servicio naval di Amsterdam.

Despues cu guera a cuminsa, el a haya e asignacion pa escolta un konvooi pa Laman Baltico. Durante e expedicion aki na 1781 Zoutman a topa cu un escuadron Britanico, y for di e bataya cu a sigui (e bataya di Doggerbank) el a sali tecnicamente victorioso. Pa su esfuersonan den e bataya aki Zoutman a wordo promove pa vice-almirante. E y su oficialnan a ricibi varios honor, incluyendo e “medaya di Doggersbank” nobo crea.[1] Un suma di placa a wordo otorga na e rangonan mas abou. Na 1782 el a bira coronel di Marina di Hulanda y West Friesland. Algun luna prome cu su morto na 1793, el a ricibi promocion pa teniente-almirante y inspector y comandante di artileria naval.

Despues di e di cuater guera Anglo-Hulandes, el a compromete su mes na mehora e forsa naval, pero mayoria di su proposicionnan nunca a wordo implementa.

Na 1767 Zoutman a cumpra un cas grandi patricio cu garashi riba Prinsegracht na Den Haag pa 16.000 florin. E siguiente aña, na edad di 44 aña, el a casa cu Adriana Johanna van Heusden y hunto nan a haya seis yiu.


Bataya di Doggerbank
Moneda conmemorativo

Honor

[editá | editá fuente]

E casnan di Zoutman na Prinsegracht, unda el a biba te na su morto, a haya su nomber, y na 1846 a lanta un monumento p’e na Geertruidenberg, unda e ta dera.

Aunke Johan Zoutman nunca a bishita Aruba el a wordo honra cu un forti y un caya na su nomber. Na 1798 despues di e construccion di e forti na Paardenbaai, a nombra esaki Fort Zoutman, e monumento historico mas bieu riba e isla.[2] E nomber aki a wordo scogi door di gobernador Johann Rudolf Lauffer, ken a keda impresiona pa e hechonan heroico di e vice-almirante.[2] Mescos cu diferente luga na Hulanda, e isla tin un caya yama Zoutmanstraat, cu ta core panort di e forti cuminsando for di e compleho di gobierno y cabando na Lagoen di Oranjestad.