Natural Bridge

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Natural Bridge
PaisAruba Editá
Koordinato geográfiko12°32′28″N 69°57′30″W Editá
Fecha di disolushon òf likidashon2 sèptèmber 2005 Editá
Map

Natural Bridge tabata un brug natural na e isla di Aruba, situa den Parke Nacional Arikok entre e ruinanan di mina di oro di Bushiribana y e playa di Andicuri.[1] E tabata e brug di arco natural di mas largo den Caribe cu un haltura di 7 meter riba nivel di laman y un largura di 30 meter. Dia 2 di september 2005 e brug, cu ta un monumento natural protegi, a basha den otro despues cu varios scheur chikito a aparece lunanan prome. E restonan di e brug aki ta ainda un atraccion turistico.

Natural Bridge, mescos cu varios otro brug natural na Aruba, a wordo crea door di erosion lento di e barancanan di calki di coral na costa nort door di ola y bientonan fuerte durante miles di aña. Di e brugnan natural mas chikito ainda presente tin uno, "Baby Bridge", cu ta visibel banda di e restonan di e brug cu a basha den otro.

Natural Bridge na augustus 2005
Baby Bridge banda di Natural Bridge
Ruina di e Natural Bridge (2013)
Bista di e ruina di cerca (2020)