Palm Beach

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Palm Beach
Zona y playa di  Aruba
Bista aereo di playa di Palm Beach
Division administrativo
Pais  Aruba
Region Noord/Tanki Leendert
Zona Palm Beach/Malmok
Coordinatonan  12°34′N 70°2′W / 12.567°N 70.033°W / 12.567; -70.033
Poblacion 
Poblacion
(2020) 		5,637 habitante[1]
752 hab./km²
Proporcion 
di sexo 		0.93
Vivienda 1,977 unidad
Mapa detaya di Palm Beach
Map
Nota: Proporcion di sexo ta representa e cantidad di hende homber pa cada hende muhe.
Paisahe di Palm Beach (maart 1979)
Imagennan riba Wikimedia Commons Wikimedia Commons
[Edita Wikidata] · [Manual]

Palm Beach ta un luga y un playa den region di Noord na Aruba. Na Palm Beach ta encontra e zona turistico mas grandi di e isla banda di un zona residencial. Segun censo di 2010 Palm Beach, Bubali y Malmok hunto ta conta 5105 habitante.[2]

Etimologia

[editá | editá fuente]

E nomber "Palm Beach" ta deriva di e plantashi di coco di capitan R.J. Beaujon, kende a tuma esaki di Palm Beach, Florida. Como e plantashi tabata riba tereno publico e erfpacht a keda cancela na 1958 na fabor di desaroyo hotelero.[3]

Historia

[editá | editá fuente]

Prehistoria

[editá | editá fuente]

900/1000 d.C.–1515 d.C.

[editá | editá fuente]

Durante e temporada ceramico e poblacion indigeno di Dabajuro of Caquetio tabata utilisa Palm Beach pa su recursonan marino. Analisis dental ehecuta riba restonan di individualnan indigeno a mustra cu nan tabata dependiente di dieet marino pa su proteina.[4] E sitio di actividad na Palm Beach tabata un area di explotacion di cuminda adkiri y procesa basa riba e descubrimento di distribuimento denso di cocolishi, piedra y potchi di ceramica haya na e sitio.[5][6]

Periodo contemporaneo

[editá | editá fuente]

1950

[editá | editá fuente]

E importancia di construi hotel turistico contra costa a haya balor na añanan 1950. Na comienso di 1953 a tene un competencia pa e miho diseño di hotel turistico na Palm Beach, financia pa gobierno. E concepto ganado tabata e projecto Basiroeti presenta pa Ernst Bartels. E plan a keda rechasa como "no fisibel", sinembargo e projecto a haya un bida nobo, na fin di 1953, ora empresario Neme, kende tabata doño di Coral Strand Hotel (Talk of the Town Hotel & Beach Club),[7] a aprob'e. Na december 1954, a cuminsa cu construccion di Basi Ruti Hotel.[8]

Cu e apertura di Basi Ruti Hotel, na mei 1958, a stimula e desaroyo di infrastructura di Aruba. Palm Beach tabata unicamente accesibel via camindanan secundario. E situacion aki a mehora cu e construccion di boulevard entre Palm Beach pa Oranjestad y aeropuerto.[8]

Na Palm Beach tin varios hotel grandi estableci na e costa; e zona di hotel aki ta conoci como e high-rise area, pa e hecho cu mayoria di e hotelnan ta acomoda den edificio halto segun normanan di Aruba. En frente di e hotelnan a construi un cantidad di centro di compra y entretenimento e ultimo añanan. Banda di e high-rise area tin un low-rise area, cu ta na Eagle Beach. E apertura di Aruba Caribbean Hotel, na 1959 a inicia e high-rise area aki como e prome hotel luhoso cu mas piso.[7]

Palm Beach Highrise Hotel Zone
Bista aereo di zona hotelero
Aruba Caribbean Hotel (1962)
Aruba Sheraton Hotel (1960)

1980

[editá | editá fuente]

Na fin di decada 1980 a cuminsa desaroya un zona residencial na Palm Beach, cu ta situa enfrente di e hotelnan canto di Avenida Nelson Oduber.

Mira tambe

[editá | editá fuente]