Yerba di Caña

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Yerba di Caña
Yerba di Caña
Clasificacion taxonomico
Especie
Thalassia testudinum
Banks & Sol. ex K.D.Koenig
Imagennan riba Wikimedia Commons Wikimedia Commons
Yerba di Caña riba Wikispecies Wikispecies
Yerba di Caña riba 
N
=
 DCSR
[Edita Wikidata] · [Manual]

Yerba di Caña (Thalassia testudinum), comunmente conoci na ingles como turtlegrass, ta un especie di yerba di lama, tipo marino di e genero Thalassia.[1] Den Lama Caribe y e Golfo di Mexico e ta forma veld o cunucunan di yerba na luganan cu tin hopi santo, ta lebelebe y no hundo (awa seco). E cunucunan aki ta importante como habitat y luga pa come pa entre otro tortuga y pisca.

Distribucion di Thalassia testudinum.

Taxonomia

[editá | editá fuente]

E especie a wordo describi científicamente na 1805 pa e naturalista Britanico Joseph Banks den 'Annals of Botany', volumen 2 y publica pa e naturalista Aleman Karl Dietrich Eberhard König.[2]

Distribucion

[editá | editá fuente]

E especie tin un area di distribucion amplio den henter Lama Caribe; cubriendo Golfo di Mexico, estado di Florida y e islanan di Bermuda, costanan di Centro America, en particular Belize, Bahamas y otro islanan Caribense te e costanan Caribense di Sur America den Colombia y Venezuela y riba e Islanan ABC.

Descripcion

[editá | editá fuente]

Yerba di Caña ta un mata tropical tipo perenial. E ta consisti di un rizoma largo, cu ta saca nudonan na algun punto. For di e nudonan ta sali e blachinan cu punta rondo, cu por alkansa 30 cm di largura y 2 cm di hanchura. E ta saca flor di color blanco-verde, algun biaha cu rasgo di color rosa sigui pa sacamento di semiya.[3]

Ecologia

[editá | editá fuente]

Thalassia testudinum y otro yerbanan di lama ta forma un di e ecosistemanan mas importante na mundo. E yerba di lama ta cuminda y luga di sconde pa un cantidad di bestia marino, incluyendo soldachi, algae y otro insectonan marino.[4] E cunucu berde di yerba di lama ta yuda filtra awa, wanta carbono[5], stabilisa e substrato y reduci erosion, por ehempel dor di su efecto controlado riba e olanan na costa, particularmente durante temporada di horcan.[6] Na Aruba e especie ta clasifica como un di e matanan protehi pa ley.[7] Den Lac na Boneiro e veld di yerba marino ta wordo protehi como luga unda e tortuga ta bin pa come.[8]

  • Veld di Thalassia testudinum na Isla di San Salvador, Bahamas.
    Veld di Thalassia testudinum na Isla di San Salvador, Bahamas.
  • Desperdicio di e mata morto na e playa El Manglillo, isla di Margarita, Venezuela.
    Desperdicio di e mata morto na e playa El Manglillo, isla di Margarita, Venezuela.
  • Calco den yerba di caña
    Calco den yerba di caña

Mira tambe

[editá | editá fuente]
[editá | editá fuente]
Mira tambe e kategoria Thalassia testudinum di Wikimedia Commons pa mas dato mediatiko tokante di e tema aki.