Tosyn Bucknor
| Man abi wuman | wuman  |
|---|---|
| Kontri wey e kom from | Naija |
| Wen dem bon am | 15 August 1981 |
| Ples wey dem bon am | Lagos State |
| Wen e kpai | 19 November 2018 |
| Cause of death | sickle-cell disease |
| Papa | Segun Bucknor |
| Broda an sista | Funke Bucknor-Obruthe |
| Wok wey e dey du | media personality, actor |
| Wie e go skul | University of Lagos |
| Wen e stat wok | 2009 |
| Awod wey e kolet | Best of Nollywood Awards |
Oluwatosin "Tosyn" Bucknor (dey bon am 15 August 1981 an e kpai 19 November 2018) na Naija raita, singa, song raita, redio an televishon host, soshal midiha kreator an a bloga. Na sickla (sickle cell anaemia) bi Tosyn. Onti e kpai , Tosyn dey wok for Inspiration FM as a jonalist. E stil get one organasashon kol These Gene Project to fit helep pipo wey bi sickla.
How e tek start life an go skul
[chenj-am | chenj-am for orijin]Na for 15 August 1981 dey bon Tosyn inside one motor. E papa nem na Segun Bucknor an e mama nem na Sola Bucknor. Tosyn papa bi muzikshan. Funke Bucknor wey bi CEO of Zapphaire Events bi Tosyn sista. Tosyn go Fountain Noseri an Pamari skul , [[Queen's College|Kween's Kolej], Yaba, Yunivasiti of Legos (LLB) an di Nigerian Law Skul, Legos Kampos (BL). Tosyn do e youth koppa Nashonal Youth Sarvis Kops in Pot Hakot. Na Litirashon-in- English e Tish for Archdeacon Crowther Memorial Girl Skul wen e dey do youth koppa.
How e tek wok
[chenj-am | chenj-am for orijin]- 2009
Tosyn start to dey tok on Redio with Tee A on Eko 89.7 FM. Tosyn kol leta go len wok at Cool FM Nigeria wie e dey tok for Fun Hour Show on Sunday. For 2009, Tosyn join Top FM Redio 90.9 FM an e do tok for "Top of the Morning" onti 2017. Tosyn bi di onli wuman wey dey tok for di hol morin.
- 2018
Tosyn komot from Top FM go Inspiration FM an na Inspiration FM e dey onti e kpai. Tosin kreate OAP 101 for pipo wey wan bi TV or Redio presenta.