Hambach an der Weinstraße

De Adiggl isch iwwas Dorf Hambach onde Woischdooß, fa onnare Bedeidunge vun Hambach konschd do gugge

49.3363888888898.1308333333333Koordinaten: 49° 20′ 11″ N, 8° 7′ 51″ O

Hambach (aa Hambach an de Woischdrooß; amtlisch Hambach an der Weinstraße) is nadierlisch vor allem dujsch soi Hambacha Schloß un des fä di Demogradie bedeidende Hambacha Feschd weidhie bekånnt. Es is en Ord an de Woischdrooß, un seid 1969 de greeschde Ordsdeil vun Neischdadt. Er hot 5570 Oiwuhner (2009).

Geografie

Hambach ligt am Rand vun de Rhoiewene zua Haad.

Gschischd

De Ord is schun im Johr 865 s erschde Mol erwähnt worre, unnerm Nome Haganbach. Di Urschbringlisch drei Ordsdeile Owwer-, Middel- un Unnerhambach sin schun vor långem zammegewachse. Des Hambacha Feschd, di Freiheidskundgewung uf em Hambacha Schloß, hot 1832 schdaddgfunne. 1969 is des bis dohie selbschdännischd Doaf zu Naischdadt oigemaindt worre. E gonzi Zeid lång hawwe di Hambacher widder e Selbschdännischkeid ågschdrebt.

Wärdschafd

Vun großer Bedeidung is in Hambach de Woibau. Di Lage traare di Nåme Feier, Kaiserschduhl, Käjschbersch, Rämerbrunne un Schloßbersch. In de Berge wachse viel Keschde, vun denne jo aa de Keschdebersch mid em Hambacha Schloß, de Keschdeburg, soin Nome hot. Uf sellem Bersch beschdeht 80 Brozend vum Wald aus Keschdebääm. Im milde Klima gedeihe awwer aa Mandle, Feige un Zidrusfrischde gud. Hambach is en schdaadlisch åerkannder Erholungsord.

Kuldurelles

Feschde

Am 1. Mai un am erschde Maiwocheend find s Annerbacher Feschd schdadd.
Di Jagowuskerwe wärd immer am ledschde Juliwocheend gfeierd.

Netzverweis

Indernetpräsenz vun Hambach: www.hambach-weinstrasse.de

Gliederung vunde Schdad Naischdad onde Woischdrooß