Kraichbach
Di Kraischbach (am Unnerlauf) odder Graaichbach (am Owwerlauf) iss e 60 km longi, reschdi Neewebach vum Rhoi im Nordweschde vun Bade-Wirddeberg.
Zwee vun de längschde reschde Neewebäsch vun da Kraischbach sin: di Katzbach unn di Hardtbach.
Vealauf
[Schaffe | Om Gwelltegschd schaffe]
Di Kraischbach endschbringd im Kraischgau in de Näh vun de Ordschafd Schdernefels im Enzkreis uff ner Heh vun 300 m. i. NN. Donn fließd se Rischdung Nordwesd dorsch Kürnbach, Owwerderdinge, Kraischtal, Ubschdadt-Waiher, Bad Schääborn unn Kronau (all im Londkräs Kallsruh). Vun dort fließd se in de Rhoi-Negga-Krais dorsch die Orde Sångd-Lee-Rood, Railinge unn Hoggene. Schlussendlisch fließd se bai Ketsch uff ner Heh vun 93 m. i. NN in de Rhoi.
Bei Ubschdadt erraischd di Kraischbach di Rhoiewene un fließd vun do bis hinner Kronau in eme Grawe am Fuß vum Kraischgaurand endlång noch Norde. Dort biegt se dann Rischdung Nordweschde zum Rhoi hie um.
Bsunnahaide
[Schaffe | Om Gwelltegschd schaffe]An de Ufer vun de Kraischbach finne Eisveggl en Lewensraum, wie aa im Elsenz- un Neggerdal.
Gschischd
[Schaffe | Om Gwelltegschd schaffe]Da Nåme vun da Kraischbach geht waaschoints uf des keldische Wort Creuch zurigg, was soviel heeßt, wie Schlamm odder Lehm (eweso wie di närdlisch benåchbade Leimbach noch em alde deitsche Wort Leim fär Lehm benånnd is). Di Kraischbach hot em Kraischgau de Nåme gewwe. Des waa urschbringlisch allää des Oizugsgebiet vun da Kraischbach. Schbäder hot ma des gånze Hiegellånd zwischem Odewald, Schwazwald un da Rhoiewene als Kraischgau bezeischend.