Wasgau

De Adiggl is iwwa de siedlische Dääl vum Pelsawald, fa onnare Bdaidunge vun Waasgau konschd do gugge

Laach vum Waasgau im Siede vum Pälzerwald

Es Waasgau iss de siedlische Dääl vum Pälzerwald unn grenzd an Frongraisch, wo es in die Vogese iwwergehd. Waasgau unn Vogese henn de selwe Nååmensurschbrung, nämlisch vum keldische Bersch-, unn Waldgodd Vosegus. Es Waasgau raischd vum Flisssche Quaisch im Norde bis zur fronzesische Grenz im Siede unn vun Bärmesens im Weschde bis zur Rhoiewene im Oschde. Die Erheewunge im Waasgau unnerschaide sisch vun denne im resdlische Pälzerwald dorsch charagderisdisch schdärgere Vealaaf unn die abgerundede Bergkubbe. Es Wasgau iss aufgrund soiner Gebirgischkaid dinn bsiedeld.

Sehenswirdischkaide

Bursche

Bursch Beawadschdoi, im Voddagrund die Vorbursch, im Hinnergrund die Haubdbursch

• Raischsbursch Trifels bai Annwailer
• Bursch Bärwardschdoi bai Erlebach mid sainer Neewebursch Kleefrongraisch
• Burgruin Drachefels bai Buseberg
• Dahner Burgegrubb
• Bursch Naidahn
• Wegelnburg, Hoheburg unn Leeweschdoi bai Nothwailer
• Bursch Wasigeschdoi
• Bursch Blumeschdoi
• Bursch Londegg bai Klingeminschder

Felseformadsione

De Daifelsdisch

• Daifelsdisch
• Jungfernschbrung
• Braut un Bräutigam
• Aldschlossfelse
• Asselschdoi

Wärdschafd

Dominånd sinn neewe de Forsdwärdschafd saidm 19. unn 20. Jh. aa Manufaggdure unn Kloifabrigge, wo vor allem Schuh hergeschdelld werre. Dodriwwer kamma sisch im Daitsche Schuhmuseum in Häschde informiare. Nochm zwedde Weltkriech iss die Schuhinduschdrie zerickgegånge, awwa de Tourischmus õõgeschdiege unn iss haid Haubderwerbszwaig.

Websaide

 Commons: Wasgau — Waitere Mulitimediadataie zum Artikel