Ivrèja (fótbal)
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 L'Union Sportiva Ivrèja Fótbal (an italian Unione Sportiva Ivrea Calcio) a l'é la società 'd fótbal d'Ivrèja. Fondà dël 1901, la sossietà a l'ha giugà ij sò prim campionà an Prima Division tra 'l 1936 e 'l 1941; dël 1940 a l'avìa fàit soa aparission la stòrica maja groson che ancora adess a l'é 'l color social ëd la squadra. Dla stagion 1941-42 l'Ivrèja a l'ha giugà soa prima partìa an Serie C, andoa a l'é restà fin-a a l'anterussion dij campionà për la sgonda guèra mondial, dël 1943. Quand ij torneo a son ancaminà torna, l'Ivrèja a l'é anscrivusse a la Serie C, categorìa andoa a l'é restà fin-a al 1947-48, ann ëd l'arforma dla Tersa Serie. Parèj la società a l'é trovasse an Prima Division; dël 1952 a l'ha vinciù 'l campionà an rivand a la Promossion. An doi ani l'Ivrèja a l'é rivà an Serie D. Dël 1961 l'Ivrèja a l'ha vinciù sò giron ëd Serie D e a l'ha otnù la promossion an Serie C andoa për doi ani a l'é rivà sesta: costi doi arzultà (1962-63 e 1963-64) a son ancorà ël mej che ij groson a l'han fàit ant soa stòria. La stagion 1965-66 a l'é finìa con la degradassion e për vàire ani la squadra a l'é pì nen tornà tra ij professionista. Mach ant j'ùltim ani la neuva dirigensa a l'ha savù dé sta possibilità ai groson. Dòp un prim tentativ sgairà ant ël disavans con ël Savon-a a la fin ëd la stagion 2001-02, n'ani dòp l'Ivrèja a l'ha podù selebré la promossion an C2. Dël 2005-06 a-i é staje la prima promossion an C1, dòp ël play-off contra 'l Carpenedelo, ma peui a l'é sùbit rivà la degradassion an C2. Ël color social a l'é 'l groson. |
