René Berger

Vos an lenga piemontèisa
Për amprende a dovré 'l sistema dle parlà locaj ch'a varda sì.

Scritor, stòrich ëd l'art e filòsof.
René Berger a l'era nà a Brussel ai 29 d'avril dël 1915 e a l'é mòrt a Losana ai 29 ëd gené dël 2009.
A l'avìa la nassionalità svìssera e a l'avìa studià a l'Università ëd Paris. Dal 1962 al 1981 a l'é stàit diretor dël Musé dle Bele Art ëd Losana.

Sò pensé

[modìfica | modifiché la sorgiss]

Sò tema d'arflession a son ëstàit ël mërcà dl'art, l'educassion artìstica, l'università, ma dzortut ij fenòmeno arvelador dj'art tecnològiche: art ëd lë scren, art dël cabalisator, art telemàtica, oleografìa, art ëd le grije anformàtiche.
Ant ij darié quìndes agn ëd soa vita a l'era dasse coma but lë studi dla sibernética. Soa speransa a l'era d'un cangiament radical, për fé dl'òm na spece modificà an profondeur, n'òm grija, pì nen da sol ant la costuma dle struture familiar e nassionaj, ma antëgrà ant la rej e antëgrà da la rej.

Ansema a Francis Lapique, angigné dla Scòla Politécnica Federal ëd Losana, a l'ha creà un musé virtual pr'ësmon-e ij tesòr ëd l'art mondial, un sit ch'a l'ha arseivù vàire arconossiment.

Euvre prinsipaj

[modìfica | modifiché la sorgiss]
  • Découverte de la peinture (1958)
  • Connaissance de la peinture (dódes volum, dal 1963)

Ambelessì a compariss sò apròcc crìtich a la stòria dl'art, da chiel gropà a l'evolussion dij mojen ëd comunicassion.

  • La mutation des signes (1972)

Soa euvra pì arnomà, anté ch'a sërca ëd descrive l'era multimedial, ch'a prefigura l'advent ëd na multirealtà. An descrivend la nossion ëd mojen ëd coalera, a la spantia ai mojen ëd traspòrt comun (l'avion, la vitura) e a j'atività ëd coalera parèj dël torism, j'amusament, la mòda. A smon ël concet ëd tecnocoltura, ch'a l'é peui vnù d'usage comun.