Von Freeman

Vos an lenga piemontèisa
Për amprende a dovré 'l sistema dle parlà locaj ch'a varda sì.

Compositor e sassofonista.
Earl Lavon Freeman (ciamà Von Freeman) a l'era nà a Chicago, ant l'Illinois, ai 3 otóber 1922 e a l'é mòrt, ant l'istess quarté négher ëd Chicago, ai 13 d'ost 2012.

Fieul d'un pare sergent ëd la polissìa e brav cantant e ëd na mare ch'a sonava la ghitara ant la cesa dla borgià, a doi agn Von Freeman a l'ha ancaminà a soné ël pianofòrt; a set agn a l'é stàit adressà al clarinet e al sassòfon.

Dal 1940 al 1946 a l'é stàit mobilisà ant la marin-a e a sonava ant la banda.
Tornà a Chicago, a sonava con ij sò frej George, ghitarista, e Bruz, baterista, al Persian. Dal 1946 al 1950, al Pershing Ballroom, as compagna con Charlie Parker, Dizzy Gillespie e vàire d'àutri.
Dël 1972 a fa për la prima vira dj'argistrassion con sò pròpi nòm.

Von Freeman a l'ha avù un fieul, Chico Freeman, mùsich ëdcò chiel.