تلا گنگ | |
Talagang | |
دیس : | پاکستان |
صوبا : | پنجاب |
ضلع : | تلا گنگ |
تحصیل : | تلا گنگ |
آبادی : | 138146 |
تلا گنگ، پنجاب، پاکستان دے ضلع تلا گنگ دی تحصیل تلا گنگ وچ اک شہر اے۔ ایہ شہر ضلع تلا گنگ تے تحصیل تلا گنگ دا راجگڑھ اے۔ تلا گنگ انتہائی اہم مقام اے۔ تلا گنگ توں سارے صوبےآں نوں رستا جاندا اے اس لئی ایہ بے حد اہمیت دا حامل شہر اے۔ زرعی ترقی وچ وی تلا گنگ ملکی سطح تے اہمیت دا حامل اے۔ تلا گنگ دے بہادر لوک پاکستان فوج وچ شمولیت نوں ترجیح دیندے نیں۔
تلا گنگ پنجاب دے ضلع تلا گنگ دا راجگڑھ اے ۔ 1985ء وچ ضلع چکوال بنایا گیا تاں تلا گنگ نوں ضلع اٹک توں وَکھ کر کے ضلع چکوال نال ملا دِتا گیا۔ اکتوبر 2022ء وچ وزیراعلا پنجاب چوہدری پرویز الاہی نے تلا گنگ نوں ضلعے دا درجہ دے دِتا تے تلا گنگ شہر ایس ضلعے دا راجگڑھ بݨ گیا۔ قیامِ پاکستان توں پہلاں تلا گَنگ وچ وسیع تعداد وچ گَنگ نامی ہندو قوم آباد سی۔ ایہ علاقا سطح زمین توں تھلے سی جیہدی وجہ توں اس علاقے نوں تلا کہیا جاندا سی تے گَنگ قوم ایتھے آباد سی تے ہندوواں نے اس علاقے نوں تلا گَنگ دا ناں دے دتا گیا۔ جد پاکستان معرض وجود وچ آیا تاں سارے ہندو تلا گَنگ توں بهارت ہجرت کر گئے۔ جیہڑے ہندو تلا گَنگ وچ ره گئے اوہناں نے اسلام قبول کر ليا۔
تلا گَنگ دی مونگ پھلی پورے پاکستان وچ مشہور اے ۔ تلا گَنگ وچ دهنی نسل دے بیل پائے جاندے نیں ۔ تلا گَنگ دی خاص قسم دی کهیڑی (چپل) تے کُهسا مشہور اے ۔ کاروبار، صنعت تے معیشت دے اعتبار نال تلا گَنگ چکوال توں زیادہ اہمیت دا حامل اے ۔
ایہ چکوال توں 45 کلومیٹر تے موٹروے M2 توں 30 کلومیٹر دی مسافت اُتے واقع اے ۔ لہور توں تقربین 237 کلومیٹر دے فاصلے تے واقع اے تے اسلام آباد توں تقربین 112 کلومیٹر دے فاصلے تے واقع اے ۔
تلا گنگ دے لوکاں دی ماں بولی پنجابی اے ۔ ایتھے اعوانکاری تے دھنی لہجےآں دی پنجابی بولی جاندی اے ۔
تلا گنگ تقریبن 140 توں زیادہ دیہاتاں اُتے مشتمل اے ۔ جیہناں وچوں ایہ پنڈ شامل نیں :
تعلیم دے لحاظ نال تلا گنگ کافی ترقی کر چُکیا اے ۔ ایتھے سرکاری سکولاں توں علاوا پرائیوٹ سکول وی کافی تعداد وچ نیں ۔
٭ اقرا جنۃ الاطفال ایلیمنٹری سکولز (رجسٹرڈ)(تلا گنگ کیمپس)
ہسپتالاں وچ سرکاری سٹی ہسپتال سبھ توں وڈا اے ۔ جو 50 بیڈز اُتے مشتمل اے ۔ پرائیوٹ ہسپتالز وچ المدینہ ہسپتال، القمر ہسپتال، الحبیب آئی ہسپتال، نیازی ہسپتال، سعد ہسپتال، العین ہسپتال، المتاز ہسپتال وغیرہ شامل نیں ۔
تلا گنگ ٹائمز، تلا گنگ نیوز، عکسِ تلا گنگ، متقارب، سپشیل تلا گنگ نیوز ستوارا وار اخباراں وچ شامل نیں ۔ اس توں علاوا آن لائن نیوز وچ ،[۱][۲][۳]
تلا گنگ شہر وچ اہم تھاںواں نوں دیکھیا جاوے تاں ٹریفک چوک، مکہ پلازہ، الکرم پلازہ، مندیال چوک، صدیق آباد چوک، قاضی مارکیٹ، گلی مہاجرین، گلی سٹھیاں، نیو و پرانا لاری اڈا، سنی مارکیٹ تے ٹیلی فون ایکسچینج اہم تھاں تصور کیتے جاندے نیں۔
جامع مسجد عیدگاہ، جامع مسجد مندیال، جامع مسجد البدر، جامعہ علویہ حیددیہ، جامع مسجد عمر، جامع مسجد قباء، جامع مسجد خالد بن ولید تے جامع مسجد تڑیڑاں والی اہم مسیتاں وچ شمار نیں۔
|