اشرفی
.png)
اشرفی سونے دا سکّہ ہُندا سی جو پندرھویں صدی وچ مصر وچ برجی مملوک حکمراناں نے جاری کیتا سی ۔ پہلی اشرفی غالباً 1407ء وچ بنائ گئی۔ اشرفی دا نام سلطان ال اشرف سیف الدین بارسبی (1438-1422 عیسوی) دے نام اُتے پڑ گیا جو مصر دا نوواں برجی مملوک سلطان سی ۔ شروع وچ اشرفی دا وزن 3.45 گرام ہُندا سی مگر وقت بدلنے دے نال اس دا وزن تبدیل ہُندا رہیا۔ اشرفی دا سکہ اطالوی سونے دے سکے Ducat دی طرز اُتے بنایا گیا سی جو اس زمانے وچ بہت مقبول سی ۔
ایران وچ جہانشاہ قرہ قویونلو (1438–1467) دے زمانے وچ اشرفی دا وزن 3.9 گرام سی ۔ آق قویونلو دے زمانے وچ اشرفی 3.4گرام دی سی۔ اسماعیل صفوی دے دور حکومت وچ اس دا وزن 3.52 گرام مقرر سی ۔ نادر شاہ افشار نے "مہر اشرفی" دے نام توں سونے دا سکہ جاری کیتا جو ہندوستان دے مغل حکمراناں دے معیار دے عین مطابق سی ۔ 1768ء وچ مہر اشرفی دا وزن 11.01 گرام سی ۔
سلیمان اعظم دے زمانے وچ اشرفی بنانے دے لئی 20 توں زیادہ ٹکسال سلطنت عثمانیہ وچ موجود سن۔[۱]