ایرک وائنمئیر دنیا دا پہلا انناں جناں اے جیڑا ماؤنٹ ایورسٹ دی چوٹی تے چڑیا۔ ستمبر 2002 تک اوہ دنیا دے ست براعظمان دیاں اچیاں چوٹیاں تے وی چڑھ چکیا سی۔ ایرک وائنمئیر انگریزی دا استاد، پعلوان، پعاڑ چڑن والا، مراتھن دوڑ نسن والا، کتاباں دا لکھاری تے فلماں بنان والا اے۔
ایرک وائنمئیر 23 ستمبر 1968 نوں ہانگ کانگ چ اک امریکی دے کعر جمیا۔
جمن ویلے ای اودی اکھ نوں اک روگ لگ گیا جیدے نال جدوں اوہ 13 وریاں دا سی تے انناں ہوگیا۔ ہمت ناں ہاردیاں ہویاں اونیں اننیاں دی بولی بریل سکھی۔
1987 چ کنکٹیکٹ دے اک سکول توں گریجوایشن کیتی۔ سکول دی پعلواناں دی ٹیم دا اوہ کپتان سی۔
1991 چ بوسٹن کالج توں گریجوایشن کیتی تے ایسے ای ورے اونے تاجکستان دے پامیر پعاڑاں چ ٹریکنگ کیتی۔
1993 چ اونے ایم اے کیتا تے ایسے ورے اونے پاکستان دے قراقرم پعاڑاں چ بالتورو گلیشیر نوں پار کیتا۔
1995 چ اونے 20320 فٹ اچی اتلے امریکہ دی سب توں اچی چوٹی مککنلی تے چڑیا۔