ایوبیہ نیشنل پارک
| ایوبیہ نیشنل پارک | |
| |
| دیس: | پاکستان |
| تھاں: | 4,161 ایکڑ |
| نیڑے تھاں: | مری |
| بنیا: | 1984 |
ایوبیہ نیشنل پارک ضلع ایبٹ آباد، صوبہ خیبر پختونخوا پاکستان دا اک پارک اے جیڑا 3,312 ہیکٹر (8,184 ایکڑ) تھاں تے پھیلیا ہویا اے۔ پارک اسلام آباد توں 90 کلومیٹر دے پینڈے تے اے۔ ایہ پارک 1984 چ بنایا گیا۔ ایتھے گرم گلے تھانواں والے چیڑ ورگے تے چوڑے پتیانوالے رکھاں دے جنگل نیں۔ اچے ہرے پہاڑ، ونسونے بوٹے، جانور تے پنچھی ایس پارک دیاں اچیچیاں گلاں نیں۔ ٹھنڈیانی، نتھیاگلی، خانسپور تے ایوبیہ ایہدے دوالے تھانواں نیں۔
تریخ
[سودھو]پارک دا ناں پاکستان دے فوجی آگو تے صدر ایوب خان (1958 – 1969) دے ناں تے رکھیا گیا اے۔ ایوبیہ نیشنل پارک دا مڈھ 1984 وچ رکھیا گیا تے تھاں سی 1,684 ہیکٹر (4,161 ایکڑ)[6] یا 16.84 مربع کلومیٹر (6.50 مربع میل)۔ 1998 وچ ایس نوں ودھا کے 3,312 ہیکٹر (8,184 ایکڑ)33.12 مربع کلومیٹر (13 مربع میل) کردتا گیا۔ مکشپوری اتے جانوراں تے پنچھیاں نوں بچان لئی اک اچیچی تھاں وی بنائی گئی اے۔
1996 دی گنتی وچ ایتھے 2311 گھراں وچ 18000 لوک وسدے سن۔ لوکاں دی بولی پنجابی تے ہندکو اے۔ پارک وچ سلانہ 250000 لوک آندے نیں۔
موسم
[سودھو]گرمیاں وچ پارک دا موسم چنگا ہوندا اے۔ سیال وچ ایتھے برف وی ڈگدی اے۔ گرمیاں وچ گرمی ناپ 40 تک وی اپڑ جاندا اے تے پالے وچ منفی ہوجاندا اے۔ مون سون دا مینہ ایتھے رج کے وسدا اے۔
جنگلی جیون
[سودھو]| پارک دے پنچھی | ||||
|---|---|---|---|---|
|
|
| ||
| کھپر | بھیگر | بن ککڑ | ||
پارک وچ جیون دیاں 420 ونڈاں ہے نیں۔ بلوط، دیودار، بیاڑ، پلندر، چیڑ، پلچھ دے رکھ ایتھے نیں۔ پارک وچ ددپلانے دیاں 22 ونڈاں نیں۔ باندر گلدار کنیس مشہور نیں۔ دد پلانیاں وچوں 2 کیڑے کھانے، 6 چمگادڑ، 6 ماس کھانے تے 7 کترے دد پلانے نیں۔
پارک وچ پنچھیاں دیاں 165 ونڈاں نیں۔ عام دسن والیاں وچ کوگ، ٹکا چور، کھپر نیں۔ بن ککڑاں وچ بھیگر تے بن ککڑ پارک دے واسی نیں۔
پارک وچ کرلیاں دیاں 8 ونڈاں نیں جنہاں دا جوڑ 5 ٹبراں تے 3 پتیاں نال اے۔
پارک وچ دودالے 309 ونڈاں وچ نیں تے اوہناں دا جوڑ 71 ٹبراں نال اے۔ اکدالے 65 نیں تے ننگے بی 5۔ لیچن دیاں 5 تے فنجائی دیاں 9 ونڈاں نیں۔
اچے پہاڑ
[سودھو]| پارک دے پہاڑ | ||||
|---|---|---|---|---|
|
|
| ||
| میراںجانی | مکشپوری | ٹلہ ڈونگا | ||
پارک دے اجے پہاڑاں وچ مکشپوری، میراںجانی تے ٹلہ ڈنگا گلی نیں۔ میراںجانی 9700 فٹ اچائی نال پارک دا سب توں اچا تے ضلع ایبٹ آباد دا سب توں اچا پہاڑ وی اے۔ مکشپوری سب توں ہرا اے تے ایہدی چوٹی تے چوکھی تھاں اے۔ ایہ پہاڑ ہندواں دا مقدس پہاڑ وی اے تے اوہناں دیاں پرانیاں کتاباں وچ ایہدے بارے ہے۔
| پارک دے پھل | ||||
|---|---|---|---|---|
|
|
| ||
پارک وج ڈونگا گلی توں ایوبیہ تک جانوالی اک ڈنڈی اے جیہڑی 4 کلومیٹر لمی اے۔
ہور ویکھو
[سودھو]- پارک دے اندر پنڈ
- پاکستان دے نیشنل پارک
- مکشپوری
- نتھیاگلی
- ایوبیہ نیشنل پارک
- نتھیاگلی
- ڈونگاگلی - ایوبیہ ڈنڈی
