| میرا نام یوسف ہے | |
|---|---|
| فائل:Mera Naam Yusuf Hai Offical Poster.jpg Mera Naam Yusuf Hai title screen | |
| Also known as | زلیخا بن یوسف |
| قسم | ڈرامہ رومانس |
| اپر بنیا | قصہ-یوسف اتے زلیخا (جامی دی کتابہفت اورنگ (Haft Awrang) |
| لکھاری | خلیل الرحمٰن قمر |
| ہدایت کاری | مہرین جبار |
| ستارے | مایہ علی عمران عباس |
| تھیم میوزک کمپوزر | سلطان اطہر |
| اوپننگ تھیم | "توں میرا نہیں" (سعید سلطان) |
| Composer(s) | سعید سلطان |
| دیس | پاکستان |
| بولی | اردو |
| پروڈکشن | |
| Executive producer(s) | عابد الرزاق |
| پروڈیوسر | سعدیہ جبار |
| Editor(s) | فاروق جاوید ماجد ریاض |
| Location(s) | کراچی، پنجاب |
| سینماٹوگرافی | قاسم علی مرید |
| Camera setup | ملٹی-کیمرہ |
| دورانیہ | 40-45 منٹ |
| Production company(s) | اوریئینٹل فلمز |
| ریلیز | |
| اصل نیٹورک | اے پلس انٹرٹینمینٹ |
| Picture format | 560i(SDTV) 720p(HDTV) |
| First shown in | پاکستان |
| اصل ریلیز |
۶ مارچ ۲۰۱۵ء |
| External links | |
| A-Plus Entertainment | |
میرا نام یوسف ہے (پہلا ناں- زلیخا بن یوسف)[۱]، اک پاکستانی ٹی وی ڈرامہ اے جو 6 مارچ 2015 توں ہر جمعرات رات 8 وجے پاکستانی ٹی وی چینل اے پلس انٹرٹینمینٹ اپر نشر ہندا سی۔[۲] ایہہ جامی دے اک قصے زلیخا بن یوسف توں ماخوذ اے اتے اسنوں خلیل الرحمٰن قمر نے لکھیا اے۔ اس ڈرامے دے شروعاتی کڑیاں توں اسدی وڈی سفلتا دی امید لگائی جا رہی اے۔[۳]
یوسف کاہلی-کاہلی وچّ ٹرین دے رزرو ڈبے وچّ چڑھ جاندا اے۔ بعد وچّ اسنوں پتہ لگدا اے کہ اوہ پورا ڈبہ اک پروار نے بکّ کروایا ہندا اے اتے اس وچّ سارے براتی ہی ہندے ہن۔ اک بندہ اسنوں روک لیندا اے اتے اسنوں کڑیاں دیکھن دے بہانے گڈی وچّ چڑھیا سمجھ لیندا اے۔ اوہ یوسف نوں اک کونے وچّ چپچاپ کھڑھن نوں کہندا اے اتے اس اپر تیز نظر رکھدا اے۔ گڈی وچّ یوسف دی نظر اک بہت سوہنی کڑی اپر پیندی اے جو یوسف نوں بے چین کر دندی اے۔ سارے اک لمے سفر وچّ ہن۔ اس لئی سارے وارو-واری اپرلی سیٹ اپر جا سوں وی جاندے ہن۔ اس کڑی دی ساتھن اسنوں آکھدی اے کہ جے اسنوں نیند آ رہی اے تاں اوہ وی کجھ دیر سوں جاوے۔ یوسف نوں اسدا ناں پتہ چل جاندا اے - زلیخا۔ ہن اوہ ہور بے چین ہو جاندا اے۔ دماغ وچّ آؤندی یوسف-زلیخا دی کہانی اسدے من وچّ اس کڑی لئی کھچّ پیدا کر دندی اے۔ جد یوسف گڈی چوں ہیٹھاں اتردا اے تاں اوہ کڑی وی کجھ خریدن لئی باہر آؤندی اے۔ یوسف اسنوں پچھدا اے، آپکا ناں زلیخا ہے؟ اوہ نہیں آکھ اتھوں تر جاندی اے۔ یوسف خود دے پچھے سوال وچّ ای گواچ جاندا اے۔
زلیخا دا پیؤ نور محمد اک مولوی اے اتے اوہ اک اتّ-دقیانوسی بندہ اے۔ اسنے زلیخا دا رشتہ عمران نال پکا کر دتا اے پر زلیخا دی ماں اسدا رشتہ حمزہ نال کراؤنا چاہندی اے۔ زلیخا دوہاں چوں کسے نال وی ویاہ نہیں کراؤنا چاہندی۔ اس لئی اوہ پیؤ نوں انکار کر دندی اے اتے کہندی اے کہ اوہ اپنی مرضی نال ہی ویاہ کروائےگی۔[۴][۵] یوسف دے خیالاں وچّ سارا دن اکو چہرہ گھمدا رہندا اے اتے اسنوں تلاشدا رہندا اے۔ اوہ اپنے آپ نوں کہندا اے کہ اسنوں زلیخا نال محبت نہیں اے پر اوہ اسنوں اینا ضرور دسنا چاہندا اے کہ اسدا ناں یوسف اے اتے اوہ اک دن دسّ دندا اے۔ سمچا ڈرامہ اسے اظہار دے اقرار وچّ بدلدیاں لنگھدا اے۔[۶] زلیخا دا پیؤ اپنے پہلے ویاہ توں خوش نہیں سی اتے اسلئی اوہ دوجا ویاہ کراؤنا چاہندا سی۔ اوہ زلیخا دا رشتہ عمران نال اس سمجھوتے اپر تا ہیں مندا اے کیونکی اسنوں اس رشتے بدلے اپنی بھین دی اک رشتے دار بشریٰ دوجی بیوی وجوں ملنی ہندی اے۔ مولوی ایہہ گلّ اپنے گھردیاں توں لکوندا اے۔ اسے دوران زلیخا نوں یوسف نال پیار ہو جاندا اے اتے اوہ اسنوں اسدا نکاح رکواؤن نوں کہندی اے۔ یوسف اتے اسدا دوست عمران نوں اغوا کر لیندے ہن اتے بعد وچوں چھڈّ دندے ہن۔ نکاح رک جاندا اے پر مولوی یوسف نوں پولیس کول پھڑا دندا اے اتے اتھے اوہ یوسف نوں بہت کٹدے ہن۔[۷] زلیخا دا ویاہ عمران نال ہو جاندا اے اتے مولوی چپّ-چپیتے بشریٰ نال نکاح کرا لیندا اے۔ جدوں زلیخا نوں مولوی دی ایہہ حرکت پتہ لگدی اے تاں اوہ عمران نوں چھڈّ دندی اے اتے اپنی ماں کول آ جاندی اے۔ زلیخا دی ماں مولوی توں طلاق لیندی اے اتے شہر چھڈّ دندی اے۔ یوسف-زلیخااک دوجے توں دور دندے ہن۔
یوسف گھردیاں دے بہت زور دین اپر مدیحہ نال ویاہ لئی منّ جاندا اے پر اوہ اندروں حالے وی زلیخا نوں ہی چاہندا اے۔ مدیحہ اس گلّ نوں جان لیندی اے اتے اوہ اوہناں دوہاں دا نکاح کروا دندی اے۔
