کوتوال یا کوٹوال (Kotwal) قرون وسطی دے ہندوستان وچ کوٹ یا قلعے دے کنٹرولر لئی ورتیا جاݨ واݪا خطاب سی۔ کوتوال اکثر کِسے وڈے شہر دے قلعے یا چھوٹے قصبیاں دے علاقے نوں دوسرے حکمران ولوں کنٹرول کردے سی۔ ایہ برٹش انڈیا دے ذیلدار ونگوں سی۔ مغل دور توں ایہ لقب اک وڈے شہر تے آس پاس دے علاقے دے مقامی حکمران نوں دِتا جاندا سی۔ پَر ایہ عنوان چھوٹے پِنڈاں دے لیڈراں لئی وی استعمال ہُندا سی۔ کوتوال دا ترجما چیف پولیس آفیسر دے طور تے وی کیتا جاندا اے۔ کوتوال دا عہدہ قدیم زمانے توں کوٹا پال دے نام توں جاݨیا جاندا سی جو پولیس دا سربراہ سی۔[۱]