کھدرانا دی لڑائی جس نوں مکتسر دی لڑائی وی کیہا جاندا ہے جو 29 دسمبر، 1705، (29 پوہ) مغلاں اتے سکھاں دے وچ کار لڑی گئی۔
چمکور دی لڑائی توں چل کے جد گرو گوبند سنگھ جی کھدرانے دی ڈھاب تے پجے تاں اس ویلے اوہناں نال سکھ سن۔ جہڑے سکھ انندپور صاحب وکھے رس کے بے دعویٰ دے گئے سن اوہ وی مائی بھاگو دے خاص اپرالے نال اتھے پجّ گئے اوہناں دے نال مائی بھاگو وی سن۔ اس سمیں سکھاں دی گنتی 2000 دے لگ بھگ سی۔
دوسرے پاسے 10000 سپاہیاں دی وڈی فوج لے کے سرہند دا صوبیدار وزیر خاں اتھے پہلا ہی پجیا سی 29 دسمبر 1705 نوں کھدرانا دی ڈھاب تے گھمسان دی لڑائی ہوئی۔ اس یدھ وچّ وی گورو صاحب تے ساتھیا نے اپنی ادتی بہادری دا ثبوت دتا۔ اوہناں نے دشمن دے آہو لاہے۔ اتھے پانی دی گھاٹ کرکے مغلاں لئی لڑنا بڑا اوکھا سی۔ سٹے وجوں اوہناں نوں ہار کے بھجّ جانا پیا۔ اس لڑائی وچّ مائی بھاگو اتے چالی سکھ جو گورو جی نوں بے دعویٰ دے گئے سن بہت بہادری نال لڑے اتے شہید ہو گئے۔ گورو جی نے سکھاں دی بہادری دیکھ کے بھائی مہاں سنگھ اوہناں نوں سمان دتا تے ٹٹی گنڈھی۔ ایہناں سکھاں نوں سکھ اتہاس وچّ چالی مکتے کیہا جاندا ہے۔ جہناں دے نام تے کھدرانے دی ڈھاب دا نام مکتسر پے گیا۔