| Пшекруй | |
|---|---|
| Назва оригинала | Przekrój |
| Держава | Польща |
| Темы | сполоченско-културный |
| Выдаватель | Fundacja Przekrój |
Датум появы |
1945–2013 (тыжденник) 2016–доднесь (кварталник) |
| Тип медиа | полиграфия, A3 |
| Сторон | 160 |
Пшекруй, пол. Przekrój перерѣз — популарный польскый сполоченско-културный часопис, заложеный в року 1945 в Краковѣ.
Перве число вышло 15. апрѣля 1945. 24 рокы редактором быв Мариан Ейле (Marian Eile). Пшекруй выходив в роках 1945–2013 яко тыжденник формата А4 на 84 сторонах. Найвекшы наклады сягнули над 700 тыс. екземплары в половцѣ 1970-х рокох.[1] В року 2002 быв купленый швацарскым выдавательскым концерном Edipresse Polska, перенесеный до Варшавы и змѣнив штил, на то векшина редакторского колектива одышла. В року 2009 Edipresse Polska перепродав часопис польскому выдавателю, у котрого выдаваня заникло в року 2013.
В року 2016 новый властник, Томаш Невядомски (Tomasz Niewiadomski) обновив выдаваня Пшекрою, тот раз яко кварталника в форматѣ А3 на 160 сторонах.[2] Наклад ся усталив на понад 130 тыс. екземпларах.
Пшекруй быв важным културотворным чинником в добѣ социалистичной Польщи, представляв сполоченству западну културу, быв про многых окном до свѣта, прискѣпльовав добрый смак. Сучасный часопис утримуе вельо од часох своей найвекшой популарности: споро сталых рубрик, гумор текстовый и рисунковый, статьи о политицѣ, науцѣ и шпорту.[3] Быв популарный ай за границями Польщи, материалы з нього публиковали и выданя в СССР.[4]