Надія Дьолог

Надія Дьолог;
Чинность	фехтувальник, wheelchair fencer
Уроджѣня	10. юнія 1986
	Тарасувка
Ошкола	Ужгородськый націоналный університет
Участь	wheelchair fencing at the 2024 Summer Paralympics;
	; Ту можуть быти податкы з Wikidata,; не контролованы авторами статѣ

Наді́я Дьо́лог (10. юнія 1986^[1], Тарасувка) є пудкарпатська фехтарька, паралімпійка, общественна активістка. Майстрыня спорта Украины межинародного класа. Многоразова світова, европська тай всеукраинська призерка у фехтованьови на колесовых кріслах, чемпіонка Европы тай світа^[2]. Сріберна призерка Літньых Паралімпійськых бавищ 2024^[3]. Ініціаторка тай пудпоровачка многых ініціатив из доступности в Ужгороді^[2].

Животопис

Надія Дьолог ся родила у с. Тарасувка (Терешул) Тячовського района. У 1996, кой было юй 10 рокув, упала из черешни тай дустала травму хребта, позад чого ходит на колесовому кріслови^[2]^[4]. У 2012. рокови пушла жити в Ужгород. Штудовала анґліцьку філолоґію в Ужгородському націоналному університеті — хотіла была вступити на економічный факултет, айбо позад недобрых про маломобілных люди ґарадичув, тай удсутства ліфта туды не пушла; предложеня адміністрації учити ся на деннуй формі, айбо чинити заданя дома Надії не штимовало, зато она вступила на факултет чужоземної філолоґії^[5].

У новемброви 2023. рока Надія стала першов выпускницьов автошколы про люди з інвалідностьов у Львові^[6].

Спорт

Уд 2012. рока, кой вступила в університет, зачала ся занимати спортом: раз пиля двох рокув паверліфтинґом, а пак уд 2015. рока парафехтованьом. Из паверліфтинґа мала чемпіонство Украины, Кубок Украины тай дустала золото на Чемпіонатови Украины межи здоровыма спортсменами^[3].

Здобытя у фехтованьови на колесовых кріслах

2016 — перша побіда на Чемпіонатови Украины из парафехтованя^[4];
2017 — чемпіонка світа^[1];
2018 — чемпіонка тай бронзова призерка Чемпіоната Европы^[1];
2019 — двараз бронзова призерка Чемпіоната світа^[1];
2021 — сріберна призерка Чемпіоната світа^[1]; участниця XVI. Літньых Паралімпійськых бавищах 2020 у Токіови^[4];
2022 — чемпіонка, сріберна тай бронзова призерка Чемпіоната Европы^[1];
2023 — сріберна призерка Чемпіоната світа^[1];
2024 — чемпіонка Чемпіоната світа, сріберна призерка Кубка світа; чемпіонка, сріберна тай двараз бронзова призерка Чемпіоната Европы^[1]; сріберна медаль у командному парафехтованьови на шпадах на Літнюй Паралімпіаді 2024 у Парижови^[3].

Общественна діятелность

Ги член орґанізації „Мрія в дії“, Надія Дьолог часто дає увагу на проблемы доступности в Ужгороді тай контактує містну власть про рішеня тых проблем. Вдяку юй была проведена читава робота над установленьом и реконструкційов пандусув у вароши. Была реґіоналнов менеджерков „Доступно.UA“ — ініціативы из провіркы доступности населеных пунктув про особ на колесовых кріслах^[2].

Референції

[:3-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 https://paralympic.org.ua/ua/paralimpijskij-ruh/paralimpijski-litni-igri/perelik-igor/parizh-2024/sklad-komandi2024/fehtuvannya-na-vizkah

[:0-2] 2,0 ^2,1 ^2,2 ^2,3 https://ag.com.ua/success-stories/dostupniy-uzhgorod-vid-nadiyi-dolog_2331/

[:1-3] 3,0 ^3,1 ^3,2 https://suspilne.media/uzhhorod/835725-ce-istoricna-medal-dla-zakarpatta-sribna-prizerka-paralimpiadi-2024-nadia-dolog/

[:2-4] 4,0 ^4,1 ^4,2 https://www.facebook.com/photo/?fbid=320588871034403

[5] ttps://pres.at.ua/news/mrija_stati_paraolimpijskoju_chempionkoju_cil_opanuvati_anglijsku_filologiju/2014-05-19-1111

[6] ttps://t.me/FirstLadyOfUkraine/4464

[1]

[2]

[3]

[4]

[5]

[6]