|
Петро Вілговськый | |
|---|---|
| Файл:Петро Вільговський.jpg | |
| Уроджѣня | Peter Wilhousky 6. юлія 1902 Пассейк, Ню Джырзі |
| Умертя | 4. януара 1978 Норволк, Коннектікут •карцинома |
| Погреб | Православный теметув Сятых Петра и Павла, Гіллзборо, Ню Джырзі |
| Занятя | диригент, композитор |
| Горожанство | США |
| VIAF:16799687; GND:135307937; LCCN:no93037499; FAST:332776; BNF:138436005;
| |
Петро (Пі́тер) Вілговськый (анґл. Peter J. Wilhousky; 13. юлія 1902, Пассейк, Ню Джырзі, США – 4. януара 1978, Норволк, Коннектікут) быв америцькый композитор, хоровый дириґент, аранжовалник тай педаґоґ русинського походжіня.
Родив ся 13. юлія 1902 у Пассейкови, Ню Джырзі, у файті Йосипа Вілговського (родом из села Вышньый Верліх) тай Юлії (Олены) Гнат (родом из села Удол)[1].
У дітвацтві быв членом хорового колектива Руського кафедралного собора у Ню Йоркови. Став сопрано-солістом тай выступав на концертах тай службах собора, у тум числі у Білому домі перед Президентом США Вудровом Вілсоном.
Петро Вілговськый ищи ся учив гусляти на гусльох тай фортепіанови. Продовжовав своє музичноє школованя у Ню Йорку тай дустав ступінь бакалара умінь у музичнуй ошколі, котра ся теперь знає ги Джулярдська школа. Робив учительом музикы у Ню Ултрехтськуй середнюй ошколі у Бруклінови, там зачав збирати студентув у хоры, котрыма управляв 25 рокув. Його хор из 1500 студентув из читавым успіхом выступив у Медісон Сквер Ґарденови у 1936. році діля Націоналної асоціації учителюв музикы. Його студентські хоры кажджый рук выступали у Карнеґі Голі та Лінколн Центрі. Ун учив хоровых дириґентув тай музичных педаґоґув у Джулярдськуй ошколі. У колаборації из дириґентом Артуро Тосканіні, наладив хор из 600 співакув на сповненя „Гімна до народув“ пуд управліньом Тосканінія на концертови у Медісон Сквер Ґарденови у рокови 1944.
Даякый час робив аранжовалником симфонічного оркестра радіа NBC.
Умер Вілговськый уд рака 4. януара 1978 у Норволкови, штат Коннектікут, у болници, у вікови 75 рокув. Запрятаный у родинному склепови на православному теметові Сятых Петра и Павла у Гіллзборови, штат Ню Джырзі.
У 1936. рокови написав дакулко варіантув анґліцького текста на композицію украйинського композитора Миколы Леонтовича „Щедрик“, послідньый из котрый став знамый як Carol of the Bells.[2][3][4]
Його аранжованя „Бойового гімна Республікы“, вчиненоє у 1944, часто убиравут воєнні оркестры Споєных Штатув. Исповненя Хором мормонської скынії дустало у 1959. рокови „Ґреммі“ за майліпшу выставу из оркестром авадь хором.
