Манна Арассыыйа бырабыыталыстыбата билиммит дойду үрдүнэн бэлиэтэнэр бырааһынньыктарын испииһэгэ суруллуо. Ол күннэргэ административнай офистар, посольстволар уонна атын тэрилтэлэр үлэлээбэттэр. Субуотаҕа эбэтэр баскыһыанньаҕа түбэстэҕинэ бэнидиэнньиккэ көһөр.[1]
Саҥа Дьыл буолбутун кэннэ Тохсунньу 2-5 күннэрэ эмиэ бырааһынньык күннэринэн ааҕыллаллар. 2005 сылга дылы дьон тохсунньу 1 уонна 2 күнүгэр сынньаналлара.
Ороһуоспа русскай православнай таҥара дьиэтэ туттар юлиан халандаарынан тохсунньу 7 күнүгэр түһэр. 1991 сыллаахха бырааһынньык төнүммүтэ, ол иннинэ ССРС бириэмэтигэр государственнай атеизм бириэмэтигэр үлэ күнэ этэ.
Аҕа дойду көмүскээччитин күнэ олунньу 23 күнүгэр бэлиэтэнэр. Россия армиятын күнэ. Бырааһынньык 1918 сыллаахтан баар.
Аан дойду дьахталларын күнэ кулун тутар 8 күнүгэр бэлиэтэнэр.
ССРС бириэмэтигэр Аан дойдутааҕы үлэһит күнэ бэлиэтэнэр этэ уонна бары куораттарга парад, кэнсиэр ыытыллар этэ.
Ыам ыйын 9 күнүгэр Аҕа дойду Улуу сэриитигэр кыайыыны бэлиэтиир бырааһынньык. Куораттарга байыаннай параад ааһар.
Россия күнэ диэн бэс ыйын 12 күнүгэр бэлиэтэнэр. 1991 сыллаахха бу күн Арассыыйа ССРС-тан туспа барар суверенитетын биллэрбитэ.
Норуот сомоҕолоһуутун күнэ - сэтинньи 4 күнэ. 1612 сыллаахха бу күн Дмитрий Пожарскай уонна Кузьма Минин салайыылаах норуот ополчениета Москуба Китай-Городын поляктартан штурмнаан ылбыта. Поляктар Кремльгэ чугуйбуттара эрээри, сотору кэминэн бэриммиттэрэ. Манан дьалхааннаах кэм (Смутное время) сүрүннээн түмүктэммитэ. 1613 олунньутугар саҥа ыраахтааҕынан Михаил Романов талыллыбыта.