Айдан Шенер (туур. Aydan Şener) (1963 сыллаахха кулун тутар 1 күнүгэр төрөөбүтэ, Турция) -- турок омугун биллиилээх модела уонна киинэ артыыһа. Кини «Королёк — птичка певчая» диэн элбэх сиэрийэлээх киинэҕэ Фериде оруолун толорубутунан аан дойдуга биллибитэ.
Айдан Шенер 1963 сыллаахха кулун тутар 1 күнүгэр Турция соҕуруулуу илин өттүгэр сытар быыкаа Килис диэн куоратыгар муусуканы үөрэтээччи уонна диэ хаһаайкатын дьиэ кэргэнигэр төрөөбүтэ
Айдан аҕатынан төрүттэрэ Арассыыйа Казан куоратыттан төрүттээх силистээх дьоннор[1]. Кинилэр ийэлэрэ 1877 сыллаахха, киристиэс таҥараҕа сүрэхтэнимээри дьиэ кэргэннэрин кытта Турцияҕа куотан кэлбиттэр. Уопсайынан, оччолорго үгүс ахсааннаах мусульман омуктара эмиэ христианствоны ылынымаары Турцияҕа көһөн киирэн барбыттара.
Айдан Шенер өссө олох кыра эрдэҕинэ төрөппүттэрэ Бурса куоракка көһөн кэлбиттэрэ. Кыыс оскуоланы онно олорон бүтэрбитэ.
Айдан Шенер уона аҕыс саастааҕар «Мисс Турция» куонкуруска кыттан бастаабыта уонна 1981 сыллаахха дойду аатын «Мисс Мира» куонкуруска тиийэн чэистээхтик көмүскээбитэ. Ол гынан баран 1981 сыллаахха аан дойду саамай кэрэ дьахтарын аатын Венесуала кыыһа Пилин Леон ылбыта. ити куонкурус кэннэ Айдан бэйэтин мода эйгэтигэр холонон саҕалаабыта. Элбэхтик араас таһымнаах эрэкилээмэлэргэ уһуллара.
Сотору буолан баран кини Фериде оруолугар «Королёк — птичка певчая» элбэх сиэрийэлээх киинэҕэ уһуллубута. Кини ити оруола кыыһы аан дойдуга аатырдыбыта.