ᱠᱷᱮᱛᱨᱤᱢᱟᱭᱚᱢ ᱚᱸᱜᱽᱵᱤ ᱛᱷᱳᱣᱨᱟᱱᱤᱥᱟᱵᱤ ᱫᱮᱵᱤ

ᱠᱷᱮᱛᱨᱤᱢᱟᱭᱚᱢ ᱚᱸᱜᱽᱵᱤ ᱛᱷᱳᱣᱨᱤᱥᱟᱵᱤ ᱫᱮᱵᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	᱓ ᱱᱚᱵᱷᱮᱢᱵᱚᱨ ᱑᱙᱔᱖ ᱥᱤᱝᱡᱟᱢᱮᱭᱤ ᱥᱟᱯᱚᱢ ᱞᱮᱭᱤᱠᱟᱭᱤ, ᱢᱚᱬᱤᱯᱩᱨ, ᱥᱤᱧᱚᱛ
ᱠᱟᱹᱢᱤ	Classical dancer
ᱡᱤᱭᱚᱱ ᱥᱚᱦᱮᱫ	ᱪᱤᱝᱜᱟᱢᱟᱛᱷᱚᱠ ᱛᱷᱳᱠᱪᱳᱢ ᱞᱮᱭᱤᱠᱟᱭᱤ
ᱟᱯᱟᱛ ᱮᱸᱜᱟᱛ	ᱞᱮᱭᱤᱥᱟᱝᱫᱮᱢ ᱛᱟᱢᱯᱷᱟ ᱥᱤᱝ ᱞᱮᱭᱤᱥᱟᱝᱫᱮᱢ ᱚᱸᱜᱽᱵᱤ ᱤᱵᱮᱛᱳᱢᱵᱤᱢᱟᱪᱟ ᱫᱮᱵᱤ
ᱥᱤᱨᱯᱷᱟᱹ	ᱯᱚᱫᱽᱢᱚ ᱥᱨᱤ ᱥᱮᱱᱮᱨᱮᱧ ᱜᱟᱭᱟᱱ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱢᱚᱬᱤᱯᱩᱨ ᱯᱚᱱᱚᱛ ᱠᱟᱞᱟ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱱᱨᱩᱛᱭᱚ ᱨᱚᱛᱱᱚ ᱮᱣᱟᱨᱰ

ᱠᱷᱮᱛᱨᱤᱢᱟᱭᱚᱢ ᱚᱸᱜᱽᱵᱤ ᱛᱷᱳᱣᱨᱤᱥᱟᱵᱤ ᱫᱮᱵᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱚᱞ ᱮᱱᱮᱡᱤᱡ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱢᱚᱬᱤᱯᱩᱨᱤ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱠᱞᱟᱥᱤᱠᱚᱞ ᱮᱱᱮᱡ ᱨᱩᱯ ᱨᱮ ᱟᱹᱰᱤ ᱜᱮ ᱫᱟᱢᱟᱱ ᱦᱚᱲ ᱠᱟᱱᱟᱭ ᱾ ^[᱑][᱒] ᱩᱱᱤ ᱫᱚ ᱒᱐᱐᱓ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛ ᱯᱚᱫᱽᱢᱚ ᱥᱨᱤ, ᱯᱩᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱥᱤᱧᱚᱛᱤᱭᱟᱹ ᱱᱟᱜᱟᱨᱤᱭᱟᱹ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾

ᱡᱤᱭᱚᱱᱤ

ᱩᱱᱤ ᱫᱚ ᱓ ᱱᱚᱵᱷᱮᱢᱵᱚᱨ ᱑᱙᱔᱖ ᱥᱟᱞᱮ ᱨᱮ ᱥᱤᱧᱚᱛ ᱨᱮᱱᱟᱜ ᱢᱚᱬᱤᱯᱩᱨ ᱨᱮ ᱢᱤᱫ ᱦᱩᱰᱤᱧ ᱥᱟᱺᱦᱤᱡ ᱟᱹᱛᱩ ᱥᱤᱸᱜᱽᱡᱮᱢᱩ ᱥᱚᱯᱚᱢ ᱞᱮᱭᱤᱠᱟᱭᱤ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱛᱩᱨᱩᱭ ᱥᱮᱨᱢᱟ ᱵᱚᱭᱚᱥ ᱨᱮ ᱢᱮᱞᱟᱝᱠᱤ ᱮᱱᱮᱡ ᱩᱫᱩᱜ ᱥᱚᱫᱚᱨ ᱫᱚᱭ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱥᱤᱧᱚᱛ ᱟᱨ ᱠᱟᱱᱟᱰᱟ, ᱯᱩᱪᱷᱤᱢ ᱡᱚᱨᱢᱟᱱᱤ, ᱞᱚᱱᱰᱚᱱ, ᱫᱩᱵᱟᱭᱤ ᱟᱨ ᱥᱮᱞᱮᱫ ᱯᱚᱱᱚᱛ ᱟᱢᱮᱨᱤᱠᱟ ᱞᱮᱠᱟᱱ ᱮᱴᱟᱜ ᱫᱤᱥᱚᱢ ᱨᱮᱦᱚᱸᱟᱹᱰᱤ ᱜᱟᱱ ᱵᱟᱰᱚᱦᱤ ᱵᱟᱨᱟᱵᱽ ᱠᱚᱨᱮᱭ ᱩᱫᱩᱜ ᱥᱚᱫᱚᱨ ᱟᱠᱟᱫ-ᱟ ᱾

ᱫᱮᱵᱤ ᱢᱟᱦᱟᱨᱟᱡᱟ ᱳᱠᱚᱱᱫᱽᱨᱚᱡᱤᱛ ᱥᱤᱝ ᱴᱷᱮᱱ ᱠᱷᱚᱱ ᱨᱳᱭᱟᱞ ᱨᱚᱵᱮ ᱨᱤᱱᱤᱡ ᱟᱢᱮᱴᱤᱭᱟᱹ ᱠᱟᱱᱟᱭ ᱟᱨ ᱢᱚᱬᱤᱯᱩᱨ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱚᱱᱟ ᱦᱤᱥᱤᱨ ᱮ ᱟᱢᱮᱴ ᱟᱠᱟᱫ-ᱟ ᱾ ᱢᱚᱬᱤᱯᱩᱨ ᱯᱚᱱᱚᱛ ᱠᱟᱞᱟ ᱮᱠᱟᱰᱮᱢᱤ ᱫᱚ ᱑᱙᱖᱖ ᱨᱮ ᱩᱱᱤ ᱫᱚ ᱥᱮᱨᱢᱟᱠᱤᱭᱟᱹ ᱥᱤᱨᱯᱷᱟᱹ ᱛᱮᱠᱚ ᱥᱚᱱᱢᱟᱱ ᱟᱠᱟᱫᱮᱭᱟ ᱾ ᱑᱙᱗᱐ ᱥᱟᱞᱮ ᱨᱮ ᱥᱮᱱᱮᱨᱮᱧ ᱜᱟᱭᱟᱱ ᱮᱠᱟᱰᱮᱢᱤ ᱫᱚ ᱢᱤᱫ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱫᱮᱭᱟ ᱾ ᱑᱙᱙᱑ ᱥᱟᱞᱮ ᱨᱮ ᱢᱚᱬᱤᱯᱩᱨ ᱥᱚᱨᱠᱟᱨ ᱴᱷᱮᱱ ᱠᱷᱚᱱ ᱩᱱᱤ ᱫᱚ ᱯᱚᱨᱢᱟᱬ ᱥᱟᱠᱟᱢ ᱛᱮ ᱦᱚᱸᱭ ᱥᱚᱱᱢᱟᱱ ᱟᱠᱟᱱᱟ ᱾ ᱩᱱᱤ ᱫᱚ ᱒᱐᱐᱓ ᱨᱮ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱯᱚᱫᱽᱢᱚ ᱥᱨᱤ, ᱯᱩᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱥᱤᱧᱚᱛᱤᱭᱟᱹ ᱱᱟᱜᱟᱨᱤᱭᱟᱹ ᱥᱤᱨᱯᱷᱟᱹ ᱛᱮᱭ ᱥᱚᱱᱢᱟᱱ ᱟᱠᱟᱱᱟ ᱾ ^[᱓][᱔]

ᱛᱷᱳᱣᱨᱱᱤᱥᱚᱵᱤ ᱫᱮᱵᱤ ᱫᱚ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱢᱚᱬᱤᱯᱩᱨ ᱮᱱᱮᱡ ᱮᱠᱟᱰᱮᱢᱤ ᱥᱟᱶ ᱮ ᱡᱩᱲᱟᱹᱭ ᱟᱠᱟᱱᱟ ᱾ ᱟᱨ ᱩᱱᱤ ᱫᱚ ᱟᱡᱟᱜ ᱢᱤᱫ ᱵᱟᱞᱮᱴ ᱯᱨᱳᱰᱚᱠᱥᱚᱱ ᱨᱟᱫᱷᱟ ᱥᱚᱛᱤᱭᱟᱜ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫ-ᱟ ᱾ ᱩᱱᱤ ᱫᱚ ᱒᱐᱐᱖ ᱨᱮ ᱟᱡᱟᱜ ᱠᱟᱹᱢᱤ ᱡᱤᱨᱟᱹᱣᱜ ᱫᱷᱟᱹᱵᱤᱡ ᱜᱩᱨᱩ ᱨᱟᱢᱫᱷᱟᱨᱤ, ᱜᱩᱨᱩᱫᱷᱚᱱ ᱟᱨ ᱯᱨᱚᱫᱷᱟᱱ ᱜᱩᱨᱩᱣᱟᱜ ᱨᱩᱯ ᱛᱮ ᱟᱹᱰᱤ ᱥᱮᱨᱢᱟ ᱫᱷᱟᱹᱵᱤᱡ ᱮᱠᱟᱰᱮᱢᱤ ᱨᱮᱭ ᱯᱟᱲᱦᱟᱣ ᱠᱮᱫ ᱠᱚᱣᱟ ᱾ ᱩᱱᱤ ᱫᱚ ᱵᱟᱨᱭᱟ ᱯᱚᱛᱚᱵ , ᱫᱤᱵᱟ ᱨᱟᱥ (᱒ ᱦᱟᱹᱴᱤᱧ - ᱑᱙᱙᱓) ᱟᱨ ᱨᱟᱥ ᱢᱟᱥᱟ ᱚᱢᱥᱩᱸᱜᱽ ᱱᱩᱝᱜᱤ ᱢᱚᱥᱚᱠ (᱒᱐᱐᱖) ᱥᱟᱶᱛᱮ ᱥᱟᱨᱦᱟᱣ ᱠᱚ ᱮᱱᱟᱭᱟ, ᱵᱟᱱᱟᱨ ᱢᱚᱬᱤᱯᱩᱨᱤ ᱮᱱᱮᱡ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ ᱟᱨ ᱩᱱᱤ ᱫᱚ ᱮᱪᱮᱢᱵᱤ ᱞᱟᱹᱜᱤᱫ ᱛᱩᱨᱩᱭ ᱜᱚᱴᱟᱝ ᱟᱞᱵᱚᱢ ᱮ ᱨᱮᱠᱚᱨᱰ ᱟᱠᱟᱫ-ᱟ ᱾

ᱠᱷᱮᱛᱨᱤᱢᱚᱭᱚᱢ ᱳᱸᱜᱽᱵᱤ ᱛᱷᱳᱨᱟᱱᱤᱥᱟᱵᱤ ᱫᱮᱵᱤ ᱫᱚ ᱪᱤᱸᱜᱚᱢᱛᱷᱚᱠ ᱛᱷᱳᱠᱪᱳᱢ ᱞᱤᱠᱟᱭᱤ ᱥᱟᱶ ᱵᱟᱯᱞᱟ ᱫᱚ ᱦᱩᱭ ᱞᱮᱱ ᱛᱟᱭᱟ ᱾ ᱟᱨ ᱱᱩᱠᱤᱱ ᱛᱤᱨᱤ ᱡᱩᱨᱤ ᱢᱚᱬᱤᱯᱩᱨ ᱨᱮᱱᱟᱜ ᱨᱟᱡᱽᱜᱟᱲ ᱤᱢᱯᱷᱟᱞ ᱨᱮ ᱠᱤᱱ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ

1. "Dancers and Musicians of India". India online. Archived from the original on June 13, 2017. Retrieved February 14, 2015.
2. "Gallery". E Pao. 2015. Retrieved February 14, 2015.
3. "Padma Awards" (PDF). Padma Awards. 2015. Archived from the original (PDF) on November 15, 2014. Retrieved February 6, 2015.
4. "Investiture ceremony". E Pao. 2015. Archived from the original on July 20, 2018. Retrieved February 14, 2015.

ᱵᱟᱦᱨᱮ ᱡᱚᱱᱚᱲ

• "Padma Shri Civil Investiture ceremony". E Pao. 2015. Archived from the original on 20 July 2018. Retrieved 14 February 2015.