ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ
ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ (ᱠᱷᱟᱴᱚ ᱛᱮ ᱤ.ᱥᱤ.ᱟᱨ.) ᱫᱚ ᱥᱤᱧᱚᱛ ᱨᱮᱱᱟᱜ ᱑᱙ ᱜᱚᱴᱟᱝ ᱨᱮᱞᱣᱮ ᱴᱚᱴᱷᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱴᱚᱴᱷᱟ ᱠᱟᱱᱟ ᱾[᱑] ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱦᱟᱡᱤᱯᱩᱨ ᱨᱮ ᱢᱮᱱᱟᱜᱼᱟ ᱟᱨ ᱱᱚᱣᱟ ᱨᱮ ᱥᱳᱱᱯᱩᱨ, ᱥᱚᱢᱚᱥᱛᱤᱯᱩᱨ, ᱫᱟᱱᱟᱯᱩᱨ, ᱯᱚᱸᱰᱤᱛ ᱫᱤᱱ ᱫᱟᱭᱟᱞ ᱩᱯᱚᱫᱷᱭᱟᱭ ᱟᱨ ᱫᱷᱟᱱᱵᱟᱫᱽ ᱰᱤᱵᱤᱡᱚᱱ ᱥᱮᱞᱮᱫ ᱢᱮᱱᱟᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱭᱞᱩ ᱫᱷᱟᱣ ᱘ ᱥᱮᱯᱴᱮᱢᱵᱚᱨ ᱑᱙᱙᱖ ᱥᱟᱞᱮ ᱨᱮ ᱦᱟᱡᱤᱯᱩᱨ, ᱵᱤᱦᱟᱨ ᱨᱮ ᱦᱮᱰᱠᱩᱣᱟᱴᱚᱨ ᱛᱮᱭᱟᱨ ᱠᱟᱛᱮ, ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱫᱚ ᱑ ᱚᱠᱴᱚᱵᱚᱨ ᱒᱐᱐᱒ ᱥᱟᱞᱮ ᱨᱮ ᱥᱟᱢᱟᱝ ᱟᱨ ᱠᱚᱧᱮ ᱥᱟᱢᱟᱝ ᱨᱮᱞᱣᱮ ᱡᱚᱱ ᱠᱷᱚᱱ ᱴᱚᱴᱷᱟ ᱠᱚ ᱵᱷᱮᱜᱟᱨ ᱠᱟᱛᱮ ᱪᱟᱞᱟᱣ ᱮᱱᱟ ᱾ ᱱᱤᱛᱚᱜ ᱱᱚᱣᱟ ᱨᱮᱞᱣᱮ ᱰᱤᱵᱤᱡᱚᱱ ᱢᱮᱱᱟᱜᱼᱟ: ᱫᱷᱟᱱᱵᱟᱫᱽ, ᱫᱟᱱᱟᱯᱩᱨ, ᱢᱩᱜᱚᱞᱥᱚᱨᱟᱭ ᱟᱨ ᱠᱚᱧᱮ-ᱥᱟᱢᱟᱝ ᱨᱮᱞᱣᱮ ᱨᱮᱱᱟᱜ ᱥᱳᱱᱯᱩᱨ ᱟᱨ ᱥᱚᱢᱚᱥᱛᱤᱯᱩᱨ ᱾ ᱤ.ᱥᱤ.ᱟᱨ. ᱨᱮᱱᱟᱜ ᱫᱚ ᱕᱐᱐.᱖᱙᱓ ᱴᱨᱮᱠ ᱠᱤᱞᱚᱢᱤᱴᱚᱨ ᱟᱨ ᱓᱗᱐᱗.᱙᱘᱘ ᱨᱩᱴ ᱠᱤᱞᱚᱢᱤᱴᱚᱨ ᱢᱟᱨᱟᱝ ᱱᱮᱴᱣᱟᱨᱠ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱤᱦᱟᱨ, ᱡᱷᱟᱨᱠᱷᱚᱸᱰ, ᱩᱛᱛᱚᱨ ᱯᱨᱚᱫᱮᱥ ᱟᱨ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾ ᱓,᱗᱐᱗.᱙᱘᱘ ᱠᱤᱞᱚᱢᱤᱴᱚᱨ (᱒,᱓᱐᱔.᱐᱓᱗ ᱢᱟᱭᱤᱞ) ᱰᱟᱦᱟᱨ ᱠᱷᱚᱱ ᱫᱚ ᱑,᱕᱗᱒.᱒᱒ ᱠᱤᱞᱚᱢᱤᱴᱚᱨ (᱙᱗᱖.᱙᱒᱑ ᱢᱟᱭᱤᱞ) ᱰᱟᱦᱟᱨ ᱨᱮ ᱤᱞᱮᱠᱴᱨᱤᱯᱷᱤᱞᱰ ᱦᱩᱭ ᱟᱠᱟᱱᱟ ᱾ ᱤ.ᱥᱤ.ᱟᱨ. ᱫᱚ ᱱᱚᱣᱟ ᱴᱚᱴᱷᱟ ᱨᱤᱱ ᱦᱚᱲ ᱠᱚ ᱞᱟᱹᱜᱤᱫ ᱡᱤᱭᱚᱱ ᱞᱟᱭᱤᱱ ᱠᱟᱱᱟ ᱟᱨ ᱱᱚᱣᱟ ᱴᱚᱴᱷᱟ ᱨᱮᱱᱟᱜ ᱩᱛᱷᱱᱟᱹᱣ ᱨᱮ ᱢᱩᱬᱩᱛ ᱜᱚᱲᱚ ᱠᱟᱱᱟ । ᱱᱚᱣᱟ ᱴᱚᱴᱷᱟ ᱨᱮ ᱵᱷᱤᱲᱟᱹᱣ ᱟᱨ ᱦᱚᱲ ᱠᱚᱣᱟᱜ ᱵᱷᱟᱹᱞᱟᱹᱭ ᱮᱢ ᱞᱟᱹᱜᱤᱫ ᱛᱮ ᱤᱱᱯᱷᱨᱟᱥᱴᱨᱚᱠᱪᱚᱨ ᱰᱮᱵᱞᱚᱯᱢᱮᱱᱴ ᱢᱩᱬᱩᱛ ᱴᱷᱟᱶ ᱠᱟᱱᱟ ᱾ ᱱᱟᱣᱟ ᱞᱟᱭᱤᱱ ᱵᱮᱱᱟᱣ, ᱵᱟᱨᱟᱵᱟᱨᱤ, ᱜᱮᱡᱽ ᱨᱮᱱᱟᱜ ᱵᱷᱮᱜᱟᱨ, ᱵᱨᱤᱡᱽ/ᱨᱚᱰ-ᱳᱵᱟᱨ ᱵᱨᱤᱡᱽ ᱵᱮᱱᱟᱣ, ᱱᱟᱣᱟ ᱠᱟᱹᱢᱤᱦᱚᱨᱟ ᱯᱨᱚᱡᱮᱠᱴ ᱨᱮ, ᱚᱱᱟ ᱵᱮᱜᱚᱨ ᱦᱚᱸ ᱡᱚᱜᱟᱣ, ᱯᱷᱩᱨᱪᱟᱹ, ᱠᱮᱴᱮᱨᱤᱝ, ᱯᱟᱥᱮᱱᱡᱚᱨ ᱵᱮᱵᱚᱥᱛᱟ ᱮᱢᱟᱱ ᱠᱚᱨᱮ ᱟᱹᱰᱤᱜᱟᱱ ᱠᱩᱠᱞᱤ ᱟᱨ ᱥᱚᱨᱮᱥ ᱥᱩᱵᱤᱫᱷᱟ ᱠᱚ ᱧᱟᱢ ᱟᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱫᱟᱱᱵᱟᱫᱽ ᱰᱤᱵᱤᱡᱚᱱ ᱟᱨ ᱵᱤᱦᱟᱨ ᱨᱮᱱᱟᱜ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱴᱚᱴᱷᱟ ᱨᱮ ᱟᱹᱰᱤ ᱢᱟᱨᱟᱝ ᱠᱚᱭᱞᱟ ᱞᱳᱰᱤᱝ ᱧᱮᱞ ᱠᱟᱛᱮ ᱢᱟᱞ ᱞᱳᱰᱤᱝ ᱟᱨ ᱯᱟᱥᱮᱱᱡᱚᱨ ᱴᱨᱟᱯᱷᱤᱠ ᱵᱟᱱᱟᱨ ᱜᱮ ᱟᱹᱰᱤ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱵᱟᱱᱟᱨ ᱡᱟᱭᱜᱟ ᱨᱮ ᱞᱚᱜᱚᱱ ᱦᱩᱭᱩᱜ ᱠᱟᱱᱟ ᱵᱷᱟᱹᱞᱟᱹᱭ ᱤᱫᱤ ᱛᱮ ᱨᱮᱞᱣᱮ ᱨᱮᱱᱟᱜ ᱤᱱᱯᱷᱨᱟᱥᱴᱨᱠᱪᱚᱨ ᱫᱚ ᱵᱟᱹᱲᱛᱤ ᱞᱟᱹᱠᱛᱤᱭᱟᱱᱟ ᱾
ᱯᱟᱥᱮᱱᱡᱚᱨ ᱵᱮᱯᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱨᱮᱞᱣᱮ ᱫᱚ ᱡᱟᱱᱩᱣᱟᱨᱤ ᱒᱐᱑᱕ ᱫᱷᱟᱹᱨᱤᱡ ᱥᱮᱨᱢᱟ ᱨᱮ ᱒᱑᱕᱙.᱐᱘ ᱞᱟᱠᱷ ᱜᱟᱱ ᱯᱟᱥᱮᱱᱡᱚᱨ ᱠᱚ ᱥᱮᱱ ᱟᱠᱟᱱᱟ ᱾ ᱮᱯᱨᱤᱞ ᱒᱐᱑᱔ ᱠᱷᱚᱱ ᱡᱟᱱᱩᱣᱟᱨᱤ ᱒᱐᱑᱕ ᱫᱷᱟᱹᱨᱤᱡ ᱚᱠᱛᱚ ᱨᱮ ᱴᱨᱮᱱ ᱵᱮᱜᱚᱨ ᱫᱤᱱᱟᱹᱢ ᱦᱤᱞᱚᱜ ᱨᱤᱜᱩᱞᱟᱨ ᱮᱠᱥᱯᱨᱮᱥ ᱴᱨᱮᱱ ᱟᱨ ᱯᱟᱥᱮᱱᱡᱚᱨ ᱴᱨᱮᱱ ᱨᱮᱱᱟᱜ ᱥᱮᱱᱚᱜ ᱥᱟᱶᱛᱮ, ᱱᱟᱯᱟᱭ ᱴᱨᱮᱱ ᱵᱮᱵᱚᱥᱛᱟ ᱨᱮ ᱥᱮᱱᱚᱜ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱕.᱗᱘% ᱨᱮᱱᱟᱜ ᱵᱟᱹᱲᱛᱤ ᱥᱟᱶᱛᱮ, ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱯᱩᱭᱞᱩ ᱥᱮᱨᱢᱟ ᱨᱮᱱᱟᱜ ᱱᱚᱶᱟ ᱪᱟᱸᱫᱚ ᱨᱮᱱᱟᱜ ᱥᱚᱢᱟᱱ ᱞᱮᱠᱟᱛᱮ ᱜᱨᱚᱥ ᱮᱱᱮᱢ ᱨᱮ ᱙᱗᱗᱔.᱒᱑ ᱠᱳᱴᱤ ᱥᱮ ᱙᱒᱔᱐.᱑᱗ ᱠᱳᱴᱤ ᱨᱮᱱᱟᱜ ᱟᱹᱰᱤ ᱱᱟᱯᱟᱭ ᱵᱟᱹᱲᱛᱤ ᱮ ᱦᱟᱛᱟᱣ ᱞᱮᱫᱼᱟ ᱾ ᱫᱷᱟᱱᱵᱟᱫᱽ ᱨᱮᱞᱣᱮ ᱰᱤᱵᱤᱡᱚᱱ ᱫᱚ ᱤ.ᱥᱤ.ᱟᱨ. ᱨᱮᱱᱟᱜ ᱢᱩᱬᱩᱛ ᱨᱮᱵᱷᱮᱱᱣᱮ ᱡᱮᱱᱮᱴᱟᱨ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Verma, Kumod (28 April 2011). "ECR a key zone of Indian Railways". The Times of India (in ᱟᱝᱜᱽᱨᱮᱡᱤ). Archived from the original on 7 March 2020. Retrieved 17 January 2021.