ᱞᱮᱠᱟᱱ | ᱫᱤᱥᱩᱣᱟᱹ |
---|---|
ᱥᱮᱭᱟᱨ ᱵᱟᱡᱟᱨ ᱥᱤᱱᱦᱟᱹ | |
ᱥᱤᱞᱯᱚ | ᱠᱮᱢᱤᱠᱟᱞᱥ |
᱑᱙᱓᱙[᱑] | |
ᱦᱮᱰᱠᱩᱣᱟᱴᱚᱨ | , ᱥᱤᱧᱚᱛ |
ᱥᱮᱵᱟ ᱮᱢ ᱨᱮᱭᱟᱜ ᱮᱨᱤᱭᱟ | ᱡᱮᱜᱮᱛᱟᱹᱨᱤ |
ᱢᱩᱬᱩᱛ ᱢᱟᱹᱱᱢᱤ | ᱱᱟᱴᱨᱟᱡᱚᱱ ᱪᱚᱸᱫᱽᱨᱚᱥᱮᱠᱷᱨᱟᱱ (ᱯᱟᱨᱥᱮᱛ), ᱨᱟᱢᱠᱨᱤᱥᱱᱚᱱ ᱢᱩᱠᱩᱱᱫᱚᱱ (ᱮᱢ. ᱮᱱᱰ ᱥᱤ.ᱤ.ᱳ) |
ᱡᱤᱱᱤᱥ/ᱥᱮᱵᱟ | ᱟᱥᱚᱞ ᱟᱨ ᱤᱱᱰᱟᱥᱴᱨᱤᱭᱟᱞ ᱠᱮᱢᱤᱠᱟᱞᱥ, ᱱᱟᱭᱴᱨᱚᱡᱮᱱ ᱟᱨ ᱯᱷᱚᱥᱯᱷᱮᱴᱤᱠ ᱯᱷᱚᱨᱴᱤᱞᱤᱥᱮᱴᱥ, ᱤᱱᱰᱟᱥᱴᱨᱤᱭᱟᱞ ᱨᱟᱯᱷᱟᱤᱱᱤᱥᱤᱝ ᱯᱨᱚᱰᱚᱠᱴᱥ, ᱠᱚᱴᱤᱝᱥ ᱟᱨ ᱯᱨᱚᱵᱷᱟᱣᱱᱤᱴᱥ; |
ᱟᱨᱡᱟᱣ | ᱪᱷᱟᱸᱪ:Up ᱑᱗,᱐᱐᱗ ᱠᱳᱴᱤ (US$᱒.᱓᱗ ᱵᱤᱞᱤᱭᱚᱱ) (2023)[᱒] |
ᱪᱷᱟᱸᱪ:Up᱒,᱙᱓᱐ ᱠᱳᱴᱤ (US$᱔᱐᱗.᱗ ᱢᱤᱞᱤᱭᱚᱱ) (2023)[᱒] | |
ᱪᱷᱟᱸᱪ:Up᱒,᱓᱑᱗ ᱠᱳᱴᱤ (US$᱓᱒᱒.᱔ ᱢᱤᱞᱤᱭᱚᱱ) (2023)[᱒] | |
ᱜᱩᱴ ᱫᱷᱚᱱ | ᱪᱷᱟᱸᱪ:Up ᱓᱕,᱐᱘᱔ ᱠᱳᱴᱤ (US$᱔.᱘᱘ ᱵᱤᱞᱤᱭᱚᱱ) (2023) [᱒] |
ᱜᱩᱴ ᱤᱠᱩᱭᱴᱤ | ᱪᱷᱟᱸᱪ:Up ᱑᱙,᱗᱒᱑ ᱠᱳᱴᱤ (US$᱒.᱗᱔ ᱵᱤᱞᱤᱭᱚᱱ) (2023) [᱒] |
ᱮᱸᱜᱟᱛ | ᱴᱟᱴᱟ ᱜᱩᱴ |
ᱨᱮᱭᱟᱜ ᱛᱷᱟᱹᱯᱱᱤᱛ |
|
ᱣᱮᱵᱽᱥᱟᱭᱤᱴ | www |
ᱴᱟᱴᱟ ᱠᱮᱢᱤᱠᱟᱞᱥ ᱞᱤᱢᱤᱴᱮᱰ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱡᱮᱜᱮᱛᱟᱹᱨᱤ ᱠᱚᱢᱯᱟᱹᱱᱤ ᱠᱟᱱᱟ, ᱡᱟᱦᱟᱸ ᱫᱚ ᱠᱮᱢᱤᱠᱟᱞ, ᱪᱟᱥ ᱨᱩᱠᱷᱤᱭᱟᱹ ᱟᱨ ᱥᱚᱨᱮᱥ ᱠᱮᱢᱤᱠᱟᱞ ᱯᱨᱚᱰᱚᱠᱥᱴ ᱨᱮ ᱠᱟᱹᱣᱰᱤ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱢᱩᱢᱵᱟᱭ, ᱥᱤᱧᱚᱛ ᱨᱮ ᱢᱮᱱᱟᱜᱼᱟ ᱾[᱓] ᱱᱚᱣᱟ ᱠᱚᱢᱯᱟᱹᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱠᱮᱢᱤᱠᱟᱞ ᱠᱚᱢᱯᱟᱹᱱᱤ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ, ᱤᱭᱩᱨᱳᱯ, ᱠᱚᱧᱮ ᱟᱢᱮᱨᱤᱠᱟ ᱟᱨ ᱟᱯᱷᱨᱤᱠᱟ ᱨᱮ ᱠᱟᱹᱢᱤ ᱠᱟᱱᱟ ᱾ ᱴᱟᱴᱟ ᱠᱮᱢᱤᱠᱟᱞᱥ ᱫᱚ ᱴᱟᱴᱟ ᱜᱨᱩᱯ ᱨᱮᱱᱟᱜ ᱢᱤᱫ ᱥᱚᱦᱮᱫ ᱠᱚᱢᱯᱟᱹᱱᱤ ᱠᱟᱱᱟ ᱾[᱔] ᱴᱟᱴᱟ ᱠᱮᱢᱤᱠᱮᱞᱥ ᱨᱮ ᱢᱤᱫ ᱫᱤᱥᱩᱣᱟᱹ ᱞᱮᱠᱟᱛᱮ ᱞᱤᱥᱴᱤᱰ ᱥᱚᱦᱮᱫ ᱠᱚᱢᱯᱟᱹᱱᱤ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱨᱟᱞᱤᱥ ᱤᱱᱰᱤᱭᱟ ᱠᱚ ᱢᱮᱛᱟᱜᱼᱟ ᱾[᱕][᱖]
ᱴᱟᱴᱟ ᱠᱮᱢᱤᱠᱟᱞᱥ ᱫᱚ ᱥᱤᱧᱚᱛ ᱨᱮ ᱛᱮᱥᱟᱨ ᱟᱹᱰᱤ ᱢᱟᱨᱟᱝ ᱥᱳᱰᱟ ᱮᱥ ᱵᱮᱱᱟᱣ ᱫᱟᱲᱮ ᱯᱞᱟᱱᱴ ᱠᱟᱱᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮ ᱠᱚᱯᱤᱞ ᱨᱟᱢ ᱣᱟᱠᱤᱞ (ᱢᱟᱨᱮ ᱥᱤᱧᱚᱛᱤᱭᱟᱹ ᱡᱤᱥᱴᱤᱥ ᱱᱟᱱᱟᱵᱷᱟᱭ ᱦᱚᱨᱤᱫᱟᱥ ᱭᱤᱡ ᱜᱚᱲᱚᱢ ᱠᱚᱲᱟ) ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱫᱚᱥᱟᱨ ᱥᱳᱰᱟ ᱟᱥᱮ ᱯᱞᱟᱱᱴ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱑᱙᱔᱔ ᱥᱟᱞ ᱨᱮ ᱮᱛᱚᱦᱚᱵ ᱞᱮᱱ ᱛᱟᱦᱮᱸᱫ ᱾[᱗] ᱢᱤᱴᱷᱟᱯᱩᱨ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱫᱚ "ᱢᱤᱴᱷᱟ" ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱜᱩᱡᱽᱨᱟᱴᱤ ᱯᱟᱹᱨᱥᱤ ᱨᱮ ᱢᱮᱱᱮᱛ ᱫᱚ ᱵᱩᱞᱩᱝ ᱦᱩᱭᱩᱜᱼᱟ ᱾
᱒᱐᱐᱖ ᱥᱮᱨᱢᱟ ᱠᱷᱚᱱ ᱴᱟᱴᱟ ᱠᱮᱢᱤᱠᱟᱞᱥ ᱫᱚ ᱵᱨᱩᱱᱚᱨ ᱢᱚᱱᱰ ᱨᱤᱱᱤᱡ ᱢᱟᱹᱞᱤᱠ ᱢᱮᱱᱟᱭᱟ, ᱡᱟᱦᱟᱸ ᱫᱚ ᱡᱩᱢᱤᱫᱽ ᱠᱤᱝᱰᱚᱢ ᱨᱮ ᱢᱮᱱᱟᱜ ᱢᱤᱫ ᱠᱮᱢᱤᱠᱟᱞ ᱠᱚᱢᱯᱟᱹᱱᱤ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱠᱟᱹᱢᱤ ᱫᱚ ᱢᱟᱜᱚᱫᱤ (ᱠᱮᱱᱤᱭᱟ) ᱟᱨ ᱡᱮᱱᱨᱟᱞ ᱠᱮᱢᱤᱠᱟᱞᱥ, ᱡᱩᱢᱤᱫᱽ ᱯᱚᱱᱚᱛ ᱟᱢᱮᱨᱤᱠᱟ ᱨᱮ ᱢᱮᱱᱟᱜᱼᱟ ᱾
᱒᱗ ᱢᱟᱨᱪ ᱒᱐᱐᱘ ᱥᱟᱞ ᱨᱮ, ᱴᱟᱴᱟ ᱠᱮᱢᱤᱠᱮᱞᱥ ᱞᱤᱢᱤᱴᱮᱰ ᱫᱚ ᱑᱐᱐% ᱦᱟᱛᱟᱣ ᱠᱮᱫᱼᱟ ᱾[᱘][᱙] ᱱᱚᱣᱟ ᱡᱚᱛᱚ ᱦᱟᱛᱟᱣ ᱥᱟᱶᱛᱮ, ᱯᱨᱚᱰᱩᱠᱥᱚᱱ ᱨᱮᱱᱟᱜ ᱜᱩᱴ ᱫᱟᱲᱮ ᱫᱚ ᱕.᱑᱗ ᱢᱤᱞᱤᱭᱚᱱ ᱴᱚᱱ ᱥᱳᱰᱟ ᱟᱥᱮ ᱦᱟᱹᱵᱤᱡ ᱵᱟᱹᱲᱛᱤ ᱟᱠᱟᱱᱟ ᱾
ᱮᱯᱨᱤᱞ ᱒᱐᱑᱐ ᱥᱟᱞ ᱨᱮ, ᱴᱟᱴᱟ ᱠᱮᱢᱤᱠᱮᱞᱥ ᱫᱚ ᱜᱟᱵᱚᱱ ᱨᱮ ᱟᱢᱢᱳᱱᱤᱭᱟ-ᱭᱩᱨᱤᱭᱟ ᱯᱷᱚᱨᱴᱤᱠᱟᱞ ᱠᱚᱢᱯᱞᱮᱠᱥ ᱨᱮ ᱒᱙᱐ ᱢᱤᱞᱤᱭᱚᱱ ᱟᱢᱮᱨᱤᱠᱟᱱ ᱰᱚᱞᱟᱨ ᱨᱮ ᱒᱕% ᱵᱷᱟᱜᱽ ᱮ ᱦᱟᱛᱟᱣ ᱠᱮᱫᱼᱟ ᱾[᱑᱐] ᱯᱞᱟᱱᱴ ᱨᱮᱱᱟᱜ ᱯᱩᱭᱞᱩ ᱛᱷᱚᱠ ᱨᱮ ᱫᱤᱱᱟᱹᱢ ᱒.᱒ ᱵᱤᱞᱤᱭᱚᱱ ᱴᱚᱱ ᱟᱢᱢᱳᱱᱤᱭᱟ ᱟᱨ ᱓.᱘᱕ ᱵᱤᱞᱤᱭᱚᱱ ᱴᱚᱱ ᱭᱩᱨᱤᱭᱟ ᱨᱮᱱᱟᱜ ᱯᱩᱨᱟᱹ ᱠᱟᱹᱢᱤ ᱫᱟᱲᱮ ᱢᱮᱱᱟᱜᱼᱟ ᱾
᱒᱐᱑᱙ ᱥᱟᱞ ᱨᱮ, ᱴᱟᱴᱟ ᱜᱨᱩᱯ ᱫᱚ ᱡᱚᱛᱚ ᱥᱟᱨᱮᱡ ᱨᱮᱱᱟᱜ ᱵᱮᱯᱟᱨ ᱨᱮ ᱴᱟᱴᱟ ᱠᱮᱢᱤᱠᱮᱞᱥ ᱨᱮᱱᱟᱜ ᱵᱨᱮᱱᱰᱮᱰ ᱡᱚᱢᱟᱜ ᱵᱮᱯᱟᱨ ᱫᱚ ᱴᱟᱴᱟ ᱜᱞᱳᱵᱟᱞ ᱵᱤᱵᱷᱚᱨᱮᱡᱽ (ᱱᱤᱛᱚᱜ ᱴᱟᱴᱟ ᱠᱚᱱᱡᱩᱢᱟᱨ ᱯᱨᱚᱰᱚᱠᱴᱥ) ᱨᱮ ᱦᱮᱡ ᱮᱱᱟ ᱾[᱑᱑]
᱒᱐᱑᱖ ᱥᱟᱞ ᱨᱮ, ᱴᱟᱴᱟ ᱠᱮᱢᱤᱠᱮᱞᱥ ᱫᱚ ᱟᱡᱟᱜ ᱭᱩᱨᱤᱭᱟ ᱵᱮᱯᱟᱨ ᱯᱩᱱᱮ ᱨᱮ ᱢᱮᱱᱟᱜ ᱭᱟᱨᱟ ᱤᱱᱰᱤᱭᱟ ᱫᱚ ᱟᱹᱠᱷᱨᱤᱧ ᱠᱮᱫᱼᱟ, ᱡᱟᱦᱟᱸ ᱫᱚ ᱱᱚᱨᱣᱮᱡᱤᱭᱟᱱ ᱠᱮᱢᱤᱠᱮᱞ ᱠᱚᱢᱯᱟᱹᱱᱤ, ᱭᱟᱨᱟ ᱡᱮᱡᱟᱹᱛᱤᱭᱟᱹᱨᱤ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱾[᱑᱒]
᱒᱐᱒᱒ ᱥᱟᱞ ᱨᱮ, ᱴᱟᱴᱟ ᱠᱮᱢᱤᱠᱟᱞᱥ ᱫᱚ ᱟᱡᱟᱜ ᱥᱚᱥᱤᱥᱤᱰᱟᱨᱤ ᱠᱚᱢᱯᱟᱹᱱᱤ, ᱴᱟᱴᱟ ᱠᱮᱢᱤᱠᱟᱞᱥ ᱤᱭᱩᱨᱳᱯ ᱦᱚᱛᱮᱛᱮ ᱡᱩᱢᱤᱫᱽ ᱠᱤᱝᱰᱚᱢ ᱨᱮᱱᱟᱜ ᱯᱩᱭᱞᱩ ᱤᱱᱰᱚᱥᱴᱨᱤᱭᱟᱞ ᱥᱠᱮᱞ ᱨᱮᱱᱟᱜ ᱠᱟᱨᱵᱚᱱ ᱠᱮᱯᱪᱟᱨ ᱟᱨ ᱵᱮᱵᱷᱟᱨ ᱯᱞᱟᱱᱴᱚᱨ ᱮ ᱵᱮᱱᱟᱣ ᱞᱮᱫᱼᱟ ᱾[᱑᱓] ᱱᱚᱣᱟ ᱯᱞᱟᱱᱴᱨ ᱫᱚ ᱥᱮᱨᱢᱟ ᱨᱮ ᱔᱐,᱐᱐᱐ ᱴᱚᱱ ᱠᱟᱨᱵᱚᱱ ᱰᱟᱭᱚᱠᱥᱟᱭᱰ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾[᱑᱓]
ᱴᱟᱴᱟ ᱠᱮᱢᱤᱠᱮᱞᱥ ᱤᱱᱳᱵᱷᱮᱥᱚᱱ ᱥᱮᱱᱴᱟᱨ ᱫᱚ ᱯᱩᱱᱮ, ᱢᱚᱦᱟᱨᱟᱥᱴᱨᱚ ᱨᱮ ᱢᱮᱱᱟᱜ ᱢᱤᱫ ᱨᱤᱥᱟᱨᱪ ᱟᱨ ᱰᱮᱵᱽᱞᱚᱯᱢᱮᱱᱴ ᱥᱮᱱᱴᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱒᱐᱐᱔ ᱥᱟᱞ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱥᱟᱬᱮᱥᱤᱭᱟᱹ ᱠᱚᱣᱟᱜ ᱴᱤᱢ ᱫᱚ ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱡᱟᱭᱜᱟ ᱨᱮ ᱠᱟᱹᱢᱤ ᱠᱟᱱᱟ: ᱡᱚᱢᱟᱜ ᱥᱟᱬᱮᱥ ᱟᱨ ᱴᱮᱠᱱᱚᱞᱚᱡᱤ, ᱩᱛᱱᱟᱹᱣ ᱟᱠᱟᱱ ᱡᱤᱱᱤᱥ, ᱦᱟᱨᱛᱟ ᱨᱟᱥᱟᱭᱱᱤᱠ,[᱑᱕] ᱡᱤᱣᱤ ᱨᱟᱥᱟᱭᱱᱤᱠ, ᱢᱮᱴᱟᱵᱚᱞᱟᱭᱤᱴᱥ ᱟᱨ ᱱᱭᱩᱴᱨᱮᱥᱭᱩᱴᱤᱠᱚᱞᱥ ᱾ ᱮᱴᱟᱜ ᱤᱱᱳᱵᱷᱮᱥᱚᱱ ᱛᱟᱞᱢᱟ ᱨᱮ ᱵᱮᱝᱜᱟᱞᱩᱨᱩ ᱨᱮ ᱨᱟᱞᱤᱥ ᱤᱱᱳᱵᱷᱮᱥᱚᱱ ᱠᱮᱢᱤᱥᱴᱨᱤ ᱦᱟᱵᱽ (RICH) ᱟᱨ ᱢᱮᱴᱟᱦᱮᱞᱤᱠᱥ ᱞᱟᱭᱤᱯ ᱥᱟᱭᱮᱱᱥᱮᱥ ᱟᱨ ᱢᱤᱴᱷᱟᱯᱩᱨ, ᱜᱩᱡᱽᱨᱟᱴ ᱨᱮ ᱴᱟᱴᱟ ᱠᱮᱢᱤᱠᱮᱞᱥ ᱟᱨ.ᱰᱤ. ᱛᱟᱞᱢᱟ ᱥᱮᱞᱮᱫ ᱢᱮᱱᱟᱜᱼᱟ ᱾
ᱨᱮᱞᱤᱥ ᱥᱤᱧᱚᱛ ᱫᱚ ᱴᱟᱴᱟ ᱠᱮᱢᱤᱠᱮᱞᱥ ᱨᱮᱱᱟᱜ ᱢᱤᱫ ᱥᱚᱦᱚᱫ ᱠᱚᱢᱯᱟᱹᱱᱤ ᱠᱟᱱᱟ ᱟᱨ ᱱᱮᱥᱱᱟᱞ ᱥᱴᱚᱠ ᱮᱠᱥᱪᱮᱸᱡᱽ ᱟᱨ ᱵᱚᱢᱵᱮ ᱥᱴᱚᱠ ᱮᱠᱥᱪᱮᱸᱡᱽ ᱵᱟᱱᱟᱨ ᱨᱮ ᱞᱤᱥᱴᱤ ᱟᱠᱟᱱᱟ ᱾[᱕][᱖] ᱨᱮᱞᱤᱥ ᱤᱱᱰᱤᱭᱟ ᱫᱚ ᱪᱟᱥ ᱴᱚᱴᱷᱟ ᱨᱮ ᱠᱟᱹᱢᱤ ᱠᱟᱱᱟ ᱟᱨ ᱱᱚᱣᱟ ᱨᱮ ᱥᱤᱧᱚᱛ ᱵᱮᱯᱟᱨ, ᱡᱮᱡᱟᱹᱛᱤᱭᱟᱹᱨᱤ ᱵᱮᱯᱟᱨ ᱟᱨ ᱤᱛᱟᱹ ᱵᱮᱯᱟᱨ ᱢᱮᱱᱟᱜᱼᱟ ᱾[᱑᱖] ᱥᱤᱧᱚᱛ ᱟᱨ ᱡᱮᱡᱟᱹᱛᱤᱭᱟᱹᱨᱤ ᱵᱮᱯᱟᱨ ᱵᱟᱱᱟᱨ ᱜᱮ ᱪᱟᱥ ᱱᱩᱴᱨᱤᱥᱚᱱ ᱟᱨ ᱪᱟᱥ ᱨᱩᱠᱷᱟᱹᱭᱟᱹ ᱫᱩᱨᱤᱵ ᱪᱮᱛᱟᱱ ᱨᱮ ᱢᱚᱱᱮ ᱠᱚ ᱮᱢ ᱞᱮᱫᱟ ᱾ ᱡᱮᱡᱟᱹᱛᱤᱭᱟᱹᱨᱤ ᱵᱮᱯᱟᱨ ᱫᱚ ᱠᱟᱹᱢᱤᱣᱟᱱ ᱫᱩᱨᱤᱵ ᱠᱚ ᱵᱮᱱᱟᱣ ᱟᱨ ᱪᱩᱠᱛᱤ ᱵᱮᱱᱟᱣ ᱥᱟᱨᱵᱤᱥ ᱦᱚᱸ ᱮᱢᱚᱜ ᱠᱟᱱᱟ ᱾