᱒᱐᱐᱗ ᱥᱟᱞ ᱨᱮ ᱤᱱᱰᱳᱸᱮᱥᱤᱭᱟ ᱨᱮᱱᱟᱜ ᱨᱟᱡᱜᱟᱲ ᱡᱟᱠᱟᱨᱛᱟ ᱟᱨ ᱚᱱᱟ ᱥᱩᱨ ᱥᱩᱯᱩᱨ ᱱᱟᱜᱟᱨ ᱡᱮᱢᱚᱱ ᱡᱟᱵᱷᱟ, ᱵᱟᱱᱴᱮᱱ ᱠᱚᱨᱮ ᱟᱹᱰᱤ ᱵᱟᱝᱴᱷᱤᱠ ᱵᱟᱱ ᱦᱩᱭ ᱞᱮᱱᱛᱟᱦᱮᱸᱫ ᱾ ᱱᱟᱜᱟᱨ ᱨᱮᱱᱟᱜ ᱠᱚᱸᱡᱮ ᱤᱞᱟᱹᱠᱟ ᱨᱮ ᱫᱟᱨᱮ ᱢᱟᱜ ᱟᱨ ᱥᱚᱠᱛᱚ ᱡᱟᱹᱯᱩᱫ ᱠᱷᱟᱹᱛᱤᱨ ᱒ ᱯᱷᱮᱵᱨᱩᱣᱟᱨᱤ ᱒᱐᱐᱗ ᱥᱟᱞ ᱨᱮ ᱵᱟᱱ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱱᱟᱞᱟ, ᱢᱩᱰᱩ ᱜᱚᱡ ᱦᱚᱲ ᱛᱮᱜᱮ ᱯᱮᱨᱮᱡ ᱞᱮᱱᱟ[᱑] ᱾ ᱱᱚᱣᱟ ᱵᱟᱱ ᱪᱟᱞᱟᱣᱮᱱ ᱯᱮᱭᱟ ᱥᱟᱭᱟᱝ ᱠᱷᱚᱱ ᱦᱚᱸ ᱥᱚᱠᱛ ᱵᱟᱲᱤᱡ ᱛᱟᱦᱮᱸ ᱠᱟᱱᱟ ᱾ ᱡᱟᱠᱟᱨᱛᱟ ᱨᱮ ᱱᱚᱣᱟ ᱢᱟᱬᱟᱝ ᱑᱙᱙᱖ ᱟᱨ ᱒᱐᱐᱒ ᱵᱟᱱ ᱨᱮ ᱡᱷᱚᱛᱚ ᱛᱮ ᱑᱐ ᱟᱨ ᱒᱕ ᱦᱚᱲ ᱠᱚ ᱜᱚᱡ ᱞᱮᱱᱟ [᱒]᱿ ᱥᱚᱨᱠᱟᱨᱤ ᱦᱤᱥᱟᱹᱵ ᱛᱮ ᱘᱐ ᱦᱚᱲ ᱠᱚ ᱜᱚᱡ ᱞᱮᱱᱟ ᱾[᱓]
ᱱᱚᱣᱟ ᱵᱟᱱ ᱨᱮᱱᱟᱜ ᱡᱷᱚᱛᱚ ᱠᱷᱚᱱ ᱥᱮᱬᱟ ᱠᱟᱨᱚᱬ ᱦᱩᱭᱩᱜ ᱠᱟᱱᱟ ᱥᱚᱠᱛᱚ ᱡᱟᱹᱯᱩᱫ ᱾ ᱤᱱᱰᱳᱸᱮᱥᱤᱭᱟ ᱨᱮ ᱡᱟᱹᱯᱩᱫ ᱨᱤᱛᱩ ᱰᱤᱥᱮᱢᱵᱚᱨ ᱨᱮ ᱮᱛᱚᱦᱚᱵ ᱠᱟᱛᱮᱫ ᱢᱟᱨᱪ ᱨᱮ ᱢᱩᱪᱟᱹᱫᱚᱜᱼᱟ ᱾ ᱤᱠᱷᱟᱱ ᱱᱚᱣᱟ ᱥᱮᱨᱢᱟ ᱯᱷᱮᱵᱨᱩᱣᱟᱨ ᱪᱟᱸᱫᱚ ᱨᱮᱜᱮ ᱡᱷᱚᱛᱚ ᱠᱷᱚᱱ ᱥᱟᱹᱨᱫᱤ ᱡᱟᱹᱯᱩᱫ ᱦᱩᱭ ᱮᱱᱟ ᱟᱨ ᱪᱟᱸᱫᱚ ᱢᱩᱪᱟᱹᱫ ᱠᱚᱛᱮ ᱫᱚ ᱵᱟᱹᱲᱛᱤ ᱜᱚᱫ ᱮᱱᱟ ᱿[᱔]
ᱱᱟᱜᱟᱨ ᱤᱞᱟᱹᱠᱟ ᱨᱮ ᱦᱚᱲ ᱮᱞ ᱵᱤᱥᱛᱤ ᱤᱫᱤ, ᱡᱟᱭᱜᱟ ᱠᱚᱨᱮᱱᱟᱜ ᱵᱟᱹᱲᱤᱡ ᱥᱟᱯᱲᱟᱣ, ᱵᱟᱱ ᱟᱨ ᱚᱱᱟᱨᱮᱱᱟᱜ ᱵᱟᱹᱲᱤᱡ ᱚᱨᱥᱚᱝ ᱤᱫᱤ-ᱟᱛᱮ ᱚᱱᱰᱮᱱᱠᱩᱜ ᱵᱟᱥᱤᱱᱫᱟ ᱟᱨ ᱥᱚᱨᱠᱟᱨ ᱵᱷᱤᱛᱨᱤ ᱨᱮ ᱵᱩᱯᱡᱷᱟᱹᱣ ᱵᱟᱝ ᱛᱟᱦᱮᱸᱞᱮᱱ ᱠᱷᱟᱹᱛᱤᱨ ᱡᱟᱠᱟᱨᱛᱟ ᱨᱮ ᱱᱚᱸᱠᱟ ᱚᱜᱷᱚᱴᱚᱱ ᱜᱷᱚᱴᱟᱣ ᱮᱱᱟ[᱕] ᱾ ᱡᱟᱦᱟᱸᱨᱮᱱᱟᱜ ᱚᱨᱡᱚ ᱥᱟᱱᱟᱢ ᱡᱟᱠᱟᱨᱛᱟ ᱫᱟᱜ ᱛᱮᱜᱮ ᱢᱟᱰᱨᱟᱣ ᱮᱱᱟ ᱟᱨ ᱟᱰᱤᱹ ᱥᱚᱠᱛᱚ ᱡᱤᱣᱤ ᱡᱤᱵᱚᱱ ᱥᱟᱯᱟᱵ ᱥᱚᱢᱯᱚᱛᱤ ᱠᱷᱩᱛᱤ ᱠᱮᱫᱼᱟᱭ ᱾
ᱱᱚᱣᱟ ᱵᱟᱱᱨᱮᱱᱟᱜ ᱚᱨᱥᱚᱝ ᱡᱟᱠᱟᱨᱛᱟ ᱥᱩᱨ ᱥᱩᱯᱩᱨ ᱘᱐ᱜᱚᱴᱟᱝ ᱵᱷᱮᱜᱟᱨ ᱵᱷᱮᱜᱟᱨ ᱴᱷᱟᱶ ᱨᱮᱱᱟᱝ ᱗᱐,᱐᱐᱐ ᱚᱲᱟᱨ ᱨᱮ ᱯᱟᱲᱟᱣ ᱞᱮᱱᱟ, ᱱᱚᱣᱟ ᱗᱐᱐᱐᱐ ᱚᱲᱟᱜ ᱵᱟᱱ ᱜᱤᱰᱤ ᱞᱮᱫᱟᱭ ᱡᱟᱦᱟᱸᱠᱷᱟᱹᱛᱤᱨ ᱕᱐᱐᱐᱐᱐ ᱦᱚᱲ ᱟᱠᱚᱣᱟᱜ ᱚᱛ ᱦᱟᱥᱟ ᱠᱷᱚᱱ ᱠᱚ ᱩᱪᱟᱹᱲ ᱞᱮᱱᱟ [᱖][᱗] ᱿ ᱵᱟᱱ ᱠᱷᱟᱹᱛᱤᱨ ᱨᱩᱣᱟ ᱵᱮᱢᱟᱨ ᱟᱡᱟᱨ ᱠᱚᱦᱚᱸ ᱟᱨᱡᱟᱣ ᱮᱱᱟ , ᱑᱐᱖᱖ ᱨᱩᱜᱤ ᱰᱟᱭᱨᱤᱭᱟ ᱟᱨ ᱓᱒᱙ ᱨᱩᱜᱤ ᱰᱮᱸᱜᱩ ᱵᱮᱢᱟᱨ ᱠᱷᱟᱹᱛᱤᱨ ᱰᱟᱠᱛᱚᱨᱠᱷᱟᱱᱟ ᱨᱮ ᱠᱚ ᱵᱷᱩᱨᱛᱤ ᱞᱮᱫ ᱠᱚᱣᱟ ᱾ [᱘]᱑᱙᱐᱐᱐᱐ ᱦᱚᱲ ᱵᱟᱱ ᱨᱮᱱᱟᱜ ᱚᱨᱥᱚᱝ ᱛᱮ ᱟᱨ ᱮᱴᱟᱜ ᱵᱮᱢᱟᱨ ᱟᱡᱟᱨ ᱨᱮᱠᱚ ᱯᱟᱲᱟᱣ ᱞᱮᱱᱟ ᱾ ᱵᱟᱱ ᱠᱷᱟᱹᱛᱤᱨ Rp ᱘ ᱴᱨᱤᱞᱤᱳᱱ (US$879.12 ᱢᱤᱞᱤᱭᱚᱱ)ᱨᱮᱱᱟᱜ ᱦᱟᱹᱱ ᱦᱩᱭ ᱞᱮᱱᱟ ᱾[᱙] ᱱᱚᱣᱟ ᱨᱮᱱᱟᱜ ᱵᱟᱹᱲᱤᱡ ᱚᱨᱥᱚᱝ ᱜᱟᱰᱟ ᱟᱲᱮ ᱥᱩᱨ ᱨᱮ ᱵᱟᱥᱟ ᱞᱮᱱ ᱨᱮᱱᱜᱮᱡ ᱩᱨᱤᱡ ᱦᱚᱲ ᱪᱮᱛᱟᱱ ᱨᱮ ᱯᱟᱲᱟᱣ ᱞᱮᱱᱟ ᱡᱟᱦᱟᱱᱭ ᱠᱚ ᱠᱟᱴ ᱛᱮ ᱚᱲᱟᱜ ᱵᱮᱱᱟᱣ ᱠᱟᱛᱮᱫ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱸᱫ ᱾
ᱦᱳᱯ ᱣᱟᱨᱞᱰ ᱣᱟᱭᱤᱰ ᱕ ᱢᱮᱴᱨᱤᱠ ᱴᱚᱱ (᱑᱑,᱐᱐᱐ lb) ᱡᱚᱢᱟᱜ, ᱫᱟᱜ, ᱨᱟᱱ, ᱯᱷᱟᱨᱪᱟᱜ ᱠᱤᱴ ᱑᱐,᱐᱐᱐ ᱦᱚᱲ ᱞᱟᱹᱜᱤᱫ ᱮ ᱡᱚᱜᱟᱣ ᱞᱮᱫᱼᱟ᱾ ᱢᱟᱨᱪ ᱗ ᱛᱮ ᱟᱨ ᱕ ᱢᱮᱴᱨᱤᱠ ᱴᱚᱱ ᱦᱟᱹᱴᱤᱧᱚᱜ ᱞᱟᱹᱜᱤᱫ ᱥᱮᱴᱮᱨ ᱞᱮᱱᱟ᱾ ᱡᱷᱚᱛᱚ ᱠᱚᱛᱮ ᱕᱕ ᱦᱟᱡᱟᱨ ᱦᱚᱲ ᱩᱯᱠᱟᱹᱨᱚᱜ ᱞᱮᱱᱟ ᱟᱱᱩᱢᱟᱱ $᱒᱓᱙,᱕᱕᱖ ᱨᱮᱱᱟᱜ ᱥᱚᱦᱚᱫ ᱥᱮᱴᱮᱨᱞᱮᱱᱟ ᱾ ᱱᱚᱣᱟ ᱠᱷᱚᱱ ᱑᱐% ᱥᱚᱦᱚᱫ ᱢᱟᱠ ᱰᱳᱸᱟᱞᱰ, ᱦᱟᱨᱴ ᱴᱩ ᱦᱟᱨᱴ ᱤᱱᱴᱮᱨᱱᱟᱥᱱᱟᱞ,ᱟᱨ ᱟᱭᱤ ᱳ ᱮᱢ ᱞᱮᱠᱟᱱ ᱥᱚᱸᱥᱛᱟ ᱛᱮ ᱜᱚᱲᱚ ᱥᱚᱦᱚᱫ ᱧᱟᱢ ᱞᱮᱱᱟ ᱿
{{cite news}}
: Check date values in: |date=
(help)