ᱜᱚᱣᱨᱟᱢᱟᱝᱜᱤ ᱥᱤᱝ

ᱜᱩᱣᱨᱟᱢᱟᱝᱜᱤ ᱥᱤᱝ ᱢᱳᱭᱨᱟᱝᱛᱷᱮᱢ (ᱡᱟᱱᱟᱢ ᱒᱕ ᱡᱟᱱᱩᱣᱟᱨᱤ ᱑᱙᱘᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱨᱚᱯᱷᱮᱥᱚᱱᱟᱞ ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾^[᱑] ᱱᱤᱛᱚᱜ ᱩᱱᱤ ᱫᱚ ᱤᱱᱰᱤᱭᱟᱱ ᱥᱩᱯᱚᱨ ᱞᱤᱜᱽ ᱠᱞᱚᱵᱽ ᱜᱳᱣᱟ ᱨᱮ ᱥᱚᱦᱚᱫ ᱠᱚᱪ ᱞᱮᱠᱟᱛᱮ ᱢᱮᱱᱟᱭᱟ ᱾

ᱠᱞᱚᱵᱽ ᱡᱤᱭᱚᱱ

ᱴᱟᱴᱟ ᱯᱷᱩᱴᱵᱚᱞ ᱮᱠᱟᱰᱮᱢᱤ ᱠᱷᱚᱱ ᱮ ᱵᱮᱱᱟᱣ ᱟᱠᱟᱱ ᱢᱤᱫ ᱠᱷᱮᱞᱚᱸᱰᱤᱭᱟᱹ, ᱩᱱᱤ ᱫᱚ ᱰᱮᱢᱯᱳ ᱮᱥ.ᱥᱤ. ᱟᱨ ᱪᱚᱨᱪᱤᱞ ᱵᱽᱨᱚᱫᱚᱨᱥ ᱥᱟᱶᱛᱮ ᱫᱤᱥᱚᱢ ᱨᱮᱱᱟᱜ ᱟᱹᱰᱤ ᱜᱟᱱ ᱠᱞᱚᱵᱽ ᱠᱷᱚᱱ ᱮ ᱮᱱᱮᱡ ᱟᱠᱟᱫᱼᱟ ᱾ ᱰᱮᱢᱯᱳ ᱨᱮ ᱛᱟᱦᱮᱸ ᱚᱠᱛᱮ ᱥᱤᱝ ᱫᱚ ᱯᱷᱮᱰᱮᱨᱮᱥᱚᱱ ᱠᱟᱯ ᱟᱨ ᱱᱮᱥᱱᱟᱞ ᱯᱷᱩᱴᱵᱚᱞ ᱞᱤᱜᱽ ᱡᱤᱛᱠᱟ.ᱨ ᱞᱮᱱ ᱛᱟᱦᱮᱫ ᱾ ᱜᱩᱨᱟᱢᱚᱝᱜᱤ ᱫᱚ ᱥᱤᱧᱚᱛ ᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮᱱ ᱡᱚᱛᱚ ᱠᱷᱚᱱ ᱩᱥᱩᱞ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱾ ᱩᱱᱤ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱵᱚᱞ ᱦᱮᱰ ᱫᱟᱲᱮᱭᱟᱜ-ᱟᱭ ᱾^[᱒]

ᱟᱡᱟᱜ ᱠᱮᱨᱤᱭᱚᱨ ᱨᱮ ᱥᱤᱝ ᱫᱚ ᱥᱤᱧᱚᱛ ᱨᱮ ᱱᱮᱥᱱᱟᱞ ᱯᱷᱩᱴᱵᱚᱞ ᱞᱤᱜᱽ (ᱡᱟᱦᱟᱸ ᱫᱚ ᱟᱭᱤ-ᱞᱤᱜᱽ ᱧᱩᱛᱩᱢ ᱟᱹᱨᱩ ᱟᱠᱟᱱᱟ) ᱥᱟᱶᱛᱮ ᱡᱚᱛᱚ ᱠᱞᱚᱵᱽ ᱴᱨᱚᱯᱷᱤ ᱡᱤᱛᱟᱹᱣ ᱟᱠᱟᱫᱟ ᱟᱨ ᱒᱐᱐᱕/᱒᱐᱐᱖ ᱨᱮ ᱢᱚᱦᱤᱱᱫᱽᱨᱚ ᱭᱩᱱᱤᱴᱮᱰ ᱥᱟᱶ ᱯᱷᱮᱰᱮᱨᱮᱥᱚᱱ ᱠᱚᱯ ᱟᱨ ᱒᱐᱐᱙ ᱨᱮ ᱟᱭᱤ-ᱞᱤᱜᱽ ᱦᱚᱸᱭ ᱡᱤᱛᱠᱟᱹᱨ ᱞᱮᱱᱟ ᱾ ᱥᱤᱝ ᱫᱚ ᱒᱐᱐᱘/᱒᱐᱐᱙ ᱥᱮᱨᱢᱟ ᱞᱟᱹᱜᱤᱫ ᱟᱭᱤ-ᱞᱤᱜᱽ ᱨᱤᱱᱤᱡ ᱡᱚᱛᱚ ᱠᱷᱚᱱ ᱱᱟᱯᱟᱭ ᱰᱤᱯᱷᱮᱱᱰᱚᱨ ᱦᱚᱸᱭ ᱵᱟᱪᱷᱚᱱ ᱞᱮᱱᱟ ᱾^[᱓]

᱒᱐᱑᱐ ᱨᱮ, ᱜᱚᱣᱨᱟᱢᱟᱝᱜᱤ ᱫᱚ ᱢᱮᱞᱵᱳᱨᱱ ᱦᱟᱨᱴ^[᱔][᱕] ᱯᱟᱦᱴᱟ ᱠᱷᱚᱱ ᱢᱤᱫ ᱴᱨᱟᱭᱮᱞ ᱞᱟᱹᱜᱤᱫ ᱠᱚ ᱦᱚᱦᱚ ᱟᱫᱮ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱦᱟᱨᱴ ᱯᱟᱦᱴᱟ ᱨᱮᱱ ᱥᱴᱟᱯᱷ ᱠᱚᱣᱟᱜ ᱢᱚᱱᱮ ᱢᱩᱦᱤᱛ ᱞᱮᱫᱼᱟ, ᱢᱮᱱᱠᱷᱟ ᱵᱟᱝ ᱜᱮᱞᱮᱵᱤᱞᱤ ᱞᱮᱱᱟ ᱾ ᱜᱚᱣᱨᱟᱢᱟᱝᱜᱤ ᱫᱚ ᱮᱴᱟᱜ ᱥᱴᱟᱨ ᱠᱚ ᱛᱟᱦᱮᱸᱱ ᱵᱮᱲᱟ ᱨᱮ ᱯᱩᱭᱞᱩ ᱫᱟᱣ ᱵᱟᱭ ᱧᱟᱢᱟ ᱢᱮᱱᱛᱮ ᱵᱟᱱᱟᱨ ᱯᱟᱦᱴᱟ ᱠᱷᱚᱱ ᱠᱩᱥᱤᱵᱟᱹᱥᱤ ᱛᱮ ᱵᱤᱪᱟᱹᱨ ᱞᱮᱱᱟ ᱾^[᱖]

ᱪᱚᱨᱪᱤᱞ ᱵᱽᱨᱚᱫᱚᱨᱥ

ᱜᱚᱣᱨᱟᱢᱟᱝᱜᱤ ᱫᱚ ᱒᱐᱐᱗-᱒᱐᱐᱘ ᱥᱮᱨᱢᱟ ᱨᱮᱱᱟᱜ ᱟᱭᱤ ᱞᱤᱜᱽ ᱥᱮᱥᱚᱱ (I league season) ᱥᱯᱳᱨᱴᱤᱝ ᱠᱞᱚᱵᱽ ᱫᱮ ᱜᱳᱣᱟ ᱠᱷᱚᱱ ᱪᱚᱨᱪᱤᱞ ᱵᱽᱨᱚᱫᱚᱨᱥ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱒᱐᱑᱓ ᱦᱟᱹᱵᱤᱡ ᱠᱞᱚᱵᱽ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱪᱚᱨᱪᱤᱞ ᱵᱽᱨᱚᱫᱚᱨᱥ ᱥᱟᱶ ᱟᱡᱟᱜ ᱯᱩᱱ ᱥᱮᱨᱢᱟ ᱚᱠᱛᱚ ᱨᱮ ᱢᱤᱫ ᱞᱤᱜᱽ, ᱵᱟᱨᱭᱟ ᱤᱭᱤᱹᱮᱯᱷᱹᱮᱹ ᱥᱤᱞᱰᱥ ᱟᱨ ᱵᱟᱨᱭᱟ ᱰᱩᱨᱟᱱᱰ ᱠᱚᱯ ᱮ ᱡᱤᱛᱠᱟᱹᱨ ᱞᱮᱫ-ᱟ ᱾

ᱨᱚᱝᱫᱟᱡᱤᱭᱮᱰ ᱭᱩᱱᱟᱭᱴᱮᱰ

᱒᱐ ᱱᱚᱵᱷᱮᱢᱵᱚᱨ ᱒᱐᱑᱓ ᱨᱮ, ISL ᱨᱮᱱ ᱠᱷᱮᱞᱚᱸᱰᱤᱭᱟᱹ ᱠᱚ ᱵᱮᱼᱢᱟᱱᱚᱛ ᱞᱮᱫ ᱨᱮᱦᱚᱸ, I-League ᱨᱮᱱ ᱨᱚᱝᱫᱟᱡᱤᱭᱮᱰ ᱭᱩᱱᱟᱭᱴᱮᱰ ᱮᱯᱷ.ᱥᱤ. ᱜᱚᱣᱨᱟᱢᱟᱝᱜᱤ ᱥᱟᱶ ᱥᱩᱦᱤ ᱥᱟᱶᱛᱮ ᱥᱩᱵᱽᱨᱚᱛᱚ ᱯᱟᱞ, ᱥᱟᱱᱫᱮᱥ ᱡᱷᱤᱝᱜᱟᱱ, ᱢᱟᱱᱚᱱᱫᱤᱯ ᱥᱤᱝ ᱟᱨ ᱴᱚᱢᱵᱟ ᱥᱤᱝ ᱠᱚ ᱥᱮᱞᱮᱫ ᱞᱮᱫ ᱠᱚᱣᱟ ᱾

ᱩᱱᱤ ᱫᱚ ᱒᱒ ᱱᱚᱵᱷᱮᱢᱵᱚᱨ ᱒᱐᱑᱓ ᱥᱟᱞᱮ ᱨᱮ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱥᱴᱮᱰᱤᱭᱟᱢ ᱨᱮ ᱥᱤᱞᱚᱝ ᱞᱟᱡᱚᱝ ᱮᱯᱷ.ᱥᱤ. ᱵᱤᱨᱩᱫᱽ ᱨᱮ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱫ ᱾ ᱡᱟᱦᱟᱸ ᱨᱮ ᱩᱱᱤ ᱫᱚ ᱡᱚᱛᱚ ᱠᱷᱮᱞᱚᱸᱰᱮᱭ ᱠᱷᱮᱞ ᱞᱮᱫ ᱛᱟᱦᱮᱸᱫ ᱨᱚᱝᱫᱟᱡᱤᱭᱮᱰ ᱯᱟᱦᱴᱟ ᱠᱷᱚᱱ ᱟᱨ ᱑-᱑ ᱨᱮ ᱢᱮᱪ ᱫᱚ ᱠᱚ ᱛᱷᱩᱠᱩᱢ ᱞᱮᱫ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ

1. "Football-crazy Manipur gets ready to host Indian team for first time". sportstar.thehindu.com. Imphal: Sportstar. Press Trust of India. 21 March 2023. Archived from the original on 29 March 2023. Retrieved 29 March 2023.
2. [᱑] Archived ᱒᱖ ᱡᱩᱞᱟᱭ ᱒᱐᱐᱙ at the Wayback Machine.
3. [᱒] Archived ᱑᱔ ᱡᱩᱱ ᱒᱐᱑᱑ at the Wayback Machine.
4. "Gouramangi set for Melbourne Heart trial". Ibnlive.in.com. 1 May 2010. Archived from the original on 19 August 2014. Retrieved 7 October 2013.
5. "Indian International Singh Has Heart Set On Melbourne". Melbourne City Football Club. Archived from the original on 9 July 2021. Retrieved 30 June 2021.
6. "Heart Pass on Singh Star – Australia News – Australian FourFourTwo – The Ultimate Football Website". Au.fourfourtwo.com. 29 June 2010. Archived from the original on 19 September 2013. Retrieved 7 October 2013.