ᱜᱤᱥᱮᱞᱤ ᱢᱚᱱᱴᱮᱭᱨᱳ
| ᱜᱤᱥᱮᱞᱤ ᱢᱚᱱᱴᱮᱭᱨᱳ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱥᱯᱤᱛᱚ ᱥᱟᱮᱛᱳ, ᱵᱨᱟᱡᱤᱞ |
| ᱠᱟᱹᱢᱤ |
|
| ᱠᱟᱹᱢᱤ ᱚᱠᱛᱚ | 2007–2015 |
| ᱢᱚᱰᱮᱞᱤᱝ ᱤᱱᱯᱷᱚᱨᱢᱮᱥᱚᱱ | |
| Agency | Inega Model Management |
ᱜᱤᱥᱮᱞᱤ ᱢᱚᱱᱴᱮᱭᱨᱳ ᱫᱚ ᱢᱤᱫ ᱵᱨᱟᱡᱤᱞᱤᱭᱟᱱ ᱢᱟᱨᱮ ᱢᱚᱰᱮᱞ ᱟᱨ ᱵᱚᱞᱤᱣᱩᱰ ᱮᱠᱴᱨᱮᱥ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱐᱙ ᱨᱮᱭᱟᱜ ᱵᱚᱞᱤᱣᱩᱰ ᱯᱷᱤᱞᱢ ᱞᱚᱵᱽ ᱟᱡᱽ ᱠᱟᱞ ᱨᱮ ᱦᱟᱨᱞᱤᱱ ᱠᱳᱣᱨ ᱨᱮᱱᱟᱜ ᱨᱳᱞ ᱮ ᱠᱷᱮᱞ ᱠᱟᱛᱮ ᱟᱡᱟᱜ ᱯᱷᱤᱞᱢ ᱰᱮᱵᱭᱩᱴ ᱮ ᱵᱮᱱᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱤᱢᱛᱤᱭᱟᱡᱽ ᱟᱞᱤ ᱮ ᱰᱟᱭᱨᱮᱠᱴ ᱞᱮᱫᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱱᱴᱮᱭᱨᱳ ᱫᱚ ᱵᱨᱟᱡᱤᱞ ᱨᱮᱱᱟᱜ ᱮᱥᱯᱤᱨᱤᱴᱳ ᱥᱟᱱᱛᱳ ᱨᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱜᱮᱞ ᱮᱭᱟᱭ ᱥᱮᱨᱢᱟ ᱩᱢᱮᱨ ᱨᱮ ᱟᱡᱟᱜ ᱢᱚᱰᱮᱞᱤᱝ ᱠᱟᱹᱢᱤ ᱮᱛᱚᱦᱚᱵ ᱞᱮᱫᱟ ᱟᱨ ᱤᱴᱟᱞᱤ, ᱡᱟᱨᱢᱟᱱᱤ, ᱯᱷᱨᱟᱱᱥ, ᱜᱨᱤᱥ, ᱦᱚᱝᱠᱚᱝ, ᱥᱤᱝᱜᱟᱯᱩᱨ, ᱛᱷᱟᱭᱞᱮᱱᱰ ᱟᱨ ᱯᱷᱤᱞᱤᱯᱟᱭᱤᱱᱥ ᱮ ᱥᱟᱸᱜᱷᱟᱨ ᱟᱠᱟᱫᱟ᱾[᱑][᱒] ᱩᱱᱤ ᱫᱚ ᱒᱐᱐᱘ ᱨᱮ ᱢᱩᱢᱵᱟᱭ, ᱵᱷᱟᱨᱚᱛ ᱮ ᱦᱮᱡ ᱞᱮᱱᱟ᱾ ᱩᱱᱤ ᱫᱚ ᱵᱚᱞᱤᱣᱩᱰ ᱨᱮ ᱟᱡᱟᱜ ᱮᱠᱴᱤᱝ ᱠᱟᱹᱢᱤ ᱮᱛᱚᱦᱚᱵ ᱞᱮᱫᱟ, ᱤᱢᱛᱤᱭᱟᱡᱽ ᱟᱞᱤ ᱭᱟᱜ ᱞᱚᱵᱽ ᱟᱡᱽ ᱠᱟᱞ ᱨᱮ ᱢᱟᱨᱮ ᱰᱷᱟᱸᱪᱟ ᱨᱮᱱᱟᱜ ᱯᱟᱧᱡᱟᱵᱤ ᱠᱩᱲᱤ ᱦᱟᱨᱞᱤᱱ ᱠᱳᱣᱨ ᱨᱮᱱᱟᱜ ᱨᱳᱞ ᱮ ᱠᱟᱹᱢᱤ ᱞᱮᱫᱟ ᱡᱟᱦᱟᱸ ᱨᱮ ᱥᱟᱭᱤᱯᱷ ᱟᱞᱤ ᱠᱷᱟᱱ ᱟᱨ ᱫᱤᱯᱤᱠᱟ ᱯᱟᱫᱩᱠᱳᱱ ᱦᱚᱸ ᱠᱚ ᱢᱮᱱᱟᱜ ᱠᱤᱱᱟ᱾ ᱩᱱᱤ ᱫᱚ ᱯᱷᱤᱞᱢ ᱨᱮᱱᱟᱜ ᱯᱨᱳᱢᱳᱥᱚᱱ ᱚᱠᱛᱚ ᱨᱮ ᱡᱟᱱ ᱵᱩᱡᱷ ᱠᱟᱛᱮ ᱩᱠᱩ ᱫᱚᱦᱚ ᱦᱩᱭ ᱞᱮᱱᱟ᱾ ᱯᱷᱤᱞᱢ ᱨᱤᱞᱤᱡᱽ ᱛᱟᱭᱚᱢ, ᱩᱱᱤᱭᱟᱜ ᱩᱯᱨᱩᱢ ᱥᱚᱫᱚᱨ ᱦᱩᱭ ᱞᱮᱱᱟ, ᱟᱨ ᱱᱚᱣᱟ ᱦᱚᱸ ᱥᱚᱫᱚᱨ ᱦᱩᱭ ᱞᱮᱱᱟ ᱡᱮ ᱩᱱᱤ ᱫᱚ ᱰᱤᱡᱟᱭᱱᱟᱨ ᱟᱱᱟᱭᱤᱛᱟ ᱥᱨᱳᱯᱷ ᱟᱫᱟᱡᱟᱱᱤᱭᱟ ᱦᱚᱛᱮᱛᱮ ᱟᱞᱤ ᱴᱷᱮᱱ ᱯᱷᱤᱞᱢ ᱨᱮᱱᱟᱜ ᱫᱚᱥᱟᱨ ᱦᱟᱹᱴᱤᱧ ᱨᱮ ᱥᱟᱭᱤᱯᱷ ᱟᱞᱤ ᱠᱷᱟᱱ ᱨᱮᱱ ᱜᱟᱛᱮ ᱠᱩᱲᱤ ᱡᱳᱣ ᱨᱮᱱᱟᱜ ᱨᱳᱞ ᱞᱟᱹᱜᱤᱫ ᱮ ᱥᱮᱴᱮᱨ ᱞᱮᱱᱟ, ᱢᱮᱱᱠᱷᱟᱱ, ᱟᱡᱤᱡ ᱮᱨᱟ ᱣᱟᱜ ᱥᱟᱡᱮᱥᱚᱱ ᱨᱮ ᱟᱞᱤ ᱫᱚ ᱩᱱᱤ ᱦᱟᱨᱞᱤᱱ ᱨᱮᱱᱟᱜ ᱦᱟᱹᱴᱤᱧ ᱞᱟᱹᱜᱤᱫ ᱮ ᱦᱟᱛᱟᱣ ᱞᱮᱫᱮᱭᱟ, ᱵᱤᱥᱮᱥ ᱠᱟᱛᱮ ᱪᱮᱫᱟᱜ ᱥᱮ ᱩᱱᱤ ᱫᱚ ᱥᱟᱱᱟᱢ ᱵᱷᱟᱨᱚᱛ ᱨᱮᱱ ᱠᱩᱲᱤ ᱠᱚ ᱰᱤᱥᱯᱟᱭᱤᱴ ᱟᱰᱤᱥᱚᱱᱤᱝ ᱵᱟᱹᱲᱛᱤ ᱠᱟᱛᱮ ᱦᱚᱸ ᱚᱱᱟ ᱨᱳᱞ ᱞᱟᱹᱜᱤᱫ ᱵᱟᱭ ᱠᱟᱥᱴ ᱫᱟᱲᱮᱭᱟᱫ ᱠᱚᱣᱟ᱾
ᱮᱠᱴᱤᱝ ᱵᱮᱜᱚᱨ ᱦᱚᱸ, ᱢᱚᱱᱴᱮᱭᱨᱳ ᱫᱚ ᱵᱷᱟᱨᱚᱛ ᱨᱮ ᱣᱤᱞᱥ ᱞᱟᱭᱤᱯᱷᱥᱴᱟᱭᱤᱞ, ᱢᱳᱵᱷᱤᱞ ᱢᱳᱵᱟᱭᱤᱞᱥ ᱟᱨ ᱯᱤᱥᱤ ᱡᱭᱩᱭᱮᱞᱟᱨᱥ ᱨᱮᱱ ᱵᱨᱟᱸᱰ ᱮᱢᱵᱮᱥᱮᱰᱟᱨ ᱮ ᱛᱟᱦᱮᱸ ᱠᱟᱱᱟ᱾
ᱢᱮ ᱒᱐᱑᱐ ᱨᱮ ᱢᱚᱱᱴᱮᱭᱨᱳ ᱫᱚ ᱟᱡᱟᱜ ᱚᱲᱟᱜ ᱫᱤᱥᱚᱢ ᱵᱨᱟᱡᱤᱞ ᱨᱮ ᱨᱮᱰᱮ ᱜᱞᱳᱵᱳ ᱦᱚᱛᱮᱛᱮ ᱯᱟᱥᱱᱟᱣ ᱟᱠᱟᱱ ᱯᱷᱮᱱᱴᱟᱥᱴᱤᱠᱳ ᱨᱮ ᱢᱩᱢᱵᱟᱭ ᱵᱟᱵᱚᱛ ᱛᱮ ᱞᱟᱹᱭ ᱥᱚᱫᱚᱨ ᱞᱮᱫᱟ᱾
ᱢᱚᱰᱮᱞᱤᱝ ᱨᱮ ᱥᱚᱠᱥᱮᱥᱯᱷᱩᱞ ᱠᱟᱹᱢᱤ ᱛᱟᱭᱚᱢ ᱢᱚᱱᱴᱮᱭᱨᱳ ᱫᱚ ᱒᱐᱑᱔ ᱨᱮ ᱢᱩᱪᱟᱹᱫ ᱨᱮ ᱯᱮᱭᱟ ᱯᱷᱤᱞᱢ ᱛᱟᱭᱚᱢ ᱮ ᱵᱟᱹᱜᱤ ᱞᱮᱫᱟ ᱵᱨᱟᱡᱤᱞ ᱨᱮᱱᱟᱜ ᱮᱥᱯᱤᱨᱤᱴᱳ ᱥᱟᱱᱛᱳ ᱨᱮ ᱵᱷᱤᱞᱟ ᱵᱷᱮᱞᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱟᱨᱠᱤᱴᱮᱠᱪᱚᱨ ᱯᱟᱲᱦᱟᱣ ᱞᱟᱹᱜᱤᱫ᱾ ᱩᱱᱤ ᱞᱮᱠᱟᱛᱮ ᱩᱱᱤ ᱫᱚ ᱚᱠᱟ ᱦᱤᱞᱳᱜ ᱦᱚᱸ ᱯᱷᱤᱞᱢ ᱨᱮ ᱛᱟᱦᱮᱸ ᱵᱟᱭ ᱥᱟᱱᱟ ᱞᱮᱫᱟ, ᱟᱨ ᱟᱨᱠᱤᱴᱮᱠᱪᱚᱨ ᱯᱟᱲᱦᱟᱣ ᱫᱚ ᱟᱡᱟᱜ ᱯᱮᱥᱮᱱ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱩᱱᱤ ᱯᱩᱨᱟᱹᱣ ᱥᱟᱱᱟᱭᱮᱫ ᱛᱟᱦᱮᱸᱫ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Giselli aaj, Harleen kal". The Telegraph. India. 12 August 2009. Archived from the original on 3 February 2013. Retrieved 12 August 2009.
- ↑ "Love Aaj Kal's Punjabi kudi 'Harleen' is actually Brazilian model Giselle Monteiro". Bollywood Hungama. 3 August 2009. Archived from the original on 6 August 2009.
- ↑ "Love Aaj Kal star Giselli Monteiro quits Bollywood". 7 June 2014.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱜᱤᱥᱮᱞᱤ ᱢᱚᱱᱴᱮᱭᱨᱳ ᱯᱷᱮᱥᱵᱩᱠ ᱨᱮ
- ᱜᱤᱥᱮᱞᱤ ᱢᱚᱱᱴᱮᱭᱨᱳ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)