ᱜᱤᱨᱤᱡᱟ ᱳᱠ ᱜᱳᱫᱽᱵᱳᱞᱮ (ᱡᱟᱱᱟᱢ ᱳᱠ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱟᱨᱟᱴᱷᱤ ᱟᱨ ᱦᱤᱱᱫᱤ ᱥᱤᱱᱮᱢᱟ ᱨᱮ ᱧᱮᱞᱚᱜ ᱟᱨ ᱛᱟᱟᱨᱮ ᱡᱟᱢᱤᱱ ᱯᱟᱨ (᱒᱐᱐᱗), ᱥᱳᱨ ᱤᱱ ᱫᱟ ᱥᱤᱴᱤ (᱒᱐᱑᱐) ᱟᱨ ᱡᱟᱣᱟᱱ (᱒᱐᱒᱓) ᱨᱮ ᱯᱟᱨᱯᱷᱚᱨᱢᱟᱱᱥ ᱞᱟᱹᱜᱤᱫ ᱵᱷᱟᱹᱜᱤ ᱵᱟᱰᱟᱭᱚᱜ ᱠᱟᱱᱟᱭ᱾[᱑]
ᱳᱠ ᱫᱚ ᱑᱕ ᱥᱮᱨᱢᱟ ᱩᱢᱮᱨ ᱨᱮ ᱢᱟᱨᱟᱝ ᱥᱠᱨᱤᱱ ᱨᱮ ᱟᱡᱟᱜ ᱰᱮᱵᱭᱩ ᱵᱮᱱᱟᱣ ᱠᱮᱫᱟ᱾ ᱩᱱᱤ ᱜᱳᱥᱛᱷᱟ ᱪᱷᱳᱴᱤ ᱰᱳᱝᱜᱽᱨᱟᱭᱵᱷᱟᱫᱤ, ᱜᱩᱞᱢᱳᱦᱟᱨ, ᱢᱟᱟᱱᱤᱱᱤ ᱟᱨ ᱟᱟᱰᱜᱩᱞᱮ ᱢᱟᱫᱽᱜᱩᱞᱮ ᱥᱮᱞᱮᱫ ᱠᱟᱛᱮ ᱢᱟᱨᱟᱴᱷᱤ ᱢᱩᱵᱷᱤ ᱨᱮ ᱠᱟᱹᱢᱤ ᱠᱮᱫᱟ᱾[᱒][᱓]
ᱞᱤᱰ ᱮᱠᱴᱨᱮᱥ ᱞᱮᱠᱟᱛᱮ ᱟᱡᱟᱜ ᱯᱩᱭᱞᱩ ᱢᱟᱨᱟᱴᱷᱤ ᱴᱮᱞᱤᱵᱤᱡᱚᱱ ᱥᱳ ᱫᱚ ᱯᱤᱭᱩᱥ ᱨᱟᱱᱟᱰᱮ, ᱛᱮᱡᱟᱥᱣᱤᱱᱤ ᱯᱟᱱᱰᱤᱛ ᱟᱨ ᱢᱩᱠᱛᱟ ᱵᱟᱨᱵᱷᱮ ᱥᱟᱶ ᱡᱤ ᱢᱟᱨᱟᱴᱷᱤ ᱟᱜ ᱞᱟᱡᱟ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱥᱠᱮᱱᱰᱟᱞ ᱵᱷᱤᱠᱴᱤᱢ ᱢᱟᱱᱟᱥᱣᱤᱱᱤ ᱫᱮᱥᱟᱭ (ᱢᱟᱱᱩ) ᱮ ᱯᱳᱨᱴᱨᱮᱭ ᱠᱮᱫᱟ᱾ ᱩᱱᱤ ᱢᱟᱨᱟᱴᱷᱤ ᱯᱞᱮ ᱨᱮ ᱦᱚᱸ ᱞᱤᱰᱤᱝ ᱨᱳᱞ ᱮ ᱯᱞᱮ ᱠᱮᱫᱟ᱾
᱒᱐᱑᱘ ᱨᱮ, ᱳᱠ ᱱᱟᱵᱷᱡᱭᱳᱛ ᱵᱟᱱᱰᱤᱣᱟᱰᱮᱠᱟᱨ ᱫᱟᱨᱟᱭ ᱛᱮ ᱰᱤᱨᱮᱠᱴᱮᱰ ᱯᱷᱤᱞᱢ ᱠᱣᱟᱨᱴᱟᱨ ᱥᱟᱶ ᱟᱡᱟᱜ ᱥᱳᱨᱴ ᱯᱷᱤᱞᱢ ᱰᱮᱵᱭᱩ ᱵᱮᱱᱟᱣ ᱠᱮᱫᱟ᱾ ᱯᱷᱤᱞᱢ ᱫᱚ ᱠᱳᱨᱴ ᱢᱮᱴᱨᱟᱡ (ᱥᱳᱨᱴ ᱯᱷᱤᱞᱢ ᱠᱳᱨᱱᱟᱨ) ᱠᱮᱴᱮᱜᱳᱨᱤ ᱨᱮ ᱗᱑ ᱟᱱ ᱠᱟᱱᱥ ᱯᱷᱤᱞᱢ ᱯᱷᱮᱥᱴᱤᱵᱟᱞ ᱨᱮ ᱯᱨᱤᱢᱤᱭᱟᱨ ᱦᱩᱭ ᱞᱮᱱ ᱛᱟᱦᱮᱸᱱ ᱟᱨ ᱛᱟᱭᱚᱢ ᱛᱮ ᱟᱭᱢᱟ ᱤᱱᱴᱟᱨᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱨᱮ ᱥᱳᱠᱮᱥ ᱦᱩᱭ ᱞᱮᱱ ᱛᱟᱦᱮᱸᱱ᱾ ᱯᱷᱤᱞᱢ ᱨᱮ ᱟᱡᱟᱜ ᱯᱟᱨᱯᱷᱚᱨᱢᱮᱱᱥ ᱞᱟᱹᱜᱤᱫ, ᱳᱠ ᱭᱩᱨᱳᱯᱤᱭᱟᱱ ᱥᱤᱱᱮᱢᱮᱴᱳᱜᱨᱟᱯᱷᱤ ᱟᱣᱟᱨᱰᱥ ᱒᱐᱑᱘ ᱨᱮ ᱵᱮᱥᱴ ᱮᱠᱴᱨᱮᱥ ᱞᱮᱠᱟᱛᱮ ᱟᱡᱟᱜ ᱯᱩᱭᱞᱩ ᱤᱱᱴᱟᱨᱱᱮᱥᱱᱟᱞ ᱟᱣᱟᱨᱰ ᱮ ᱡᱤᱛᱠᱟᱹᱨ ᱠᱮᱫᱟ ᱟᱨ ᱢᱟᱵᱷᱮᱨᱤᱠ ᱢᱩᱵᱷᱤ ᱟᱣᱟᱨᱰᱥ ᱒᱐᱑᱘ ᱨᱮ ᱵᱮᱥᱴ ᱤᱱᱴᱟᱨᱱᱮᱥᱱᱟᱞ ᱮᱠᱴᱨᱮᱥ ᱞᱮᱠᱟᱛᱮ ᱱᱳᱢᱤᱱᱮᱴ ᱦᱩᱭ ᱞᱮᱱ ᱛᱟᱦᱮᱸᱱ᱾ ᱠᱣᱟᱨᱴᱟᱨ ᱫᱚ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱥᱳᱨᱴ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱚᱠᱟ ᱢᱤᱫ ᱯᱟᱵᱞᱤᱠ ᱤᱵᱷᱮᱱᱴ ᱨᱮ ᱯᱳᱥᱴᱟᱨ ᱟᱨ ᱴᱨᱮᱞᱟᱨ ᱮ ᱞᱚᱸᱪ ᱠᱮᱫᱟ ᱡᱟᱦᱟᱸ ᱨᱮ ᱵᱷᱟᱨᱚᱛᱤᱭᱚ ᱯᱨᱮᱥ ᱟᱨ ᱵᱷᱟᱨᱚᱛᱤᱭᱚ ᱯᱷᱤᱞᱢ ᱤᱱᱰᱚᱥᱴᱨᱤ ᱢᱮᱢᱵᱚᱨ ᱦᱟᱡᱤᱨ ᱞᱮᱱ ᱛᱟᱦᱮᱸᱱ᱾ ᱯᱷᱤᱞᱢ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮ ᱑᱐ ᱮᱯᱨᱤᱞ ᱒᱐᱒᱐ ᱨᱮ ᱰᱤᱡᱤᱴᱟᱞᱤ ᱨᱤᱞᱤᱡ ᱞᱮᱱ ᱛᱟᱦᱮᱸᱱ᱾
ᱳᱠ ᱥᱳᱱᱤ ᱮᱱᱴᱟᱨᱴᱮᱱᱢᱮᱱᱴ ᱴᱮᱞᱤᱵᱤᱡᱚᱱ ᱨᱮ ᱦᱤᱱᱫᱤ ᱥᱤᱨᱤᱭᱟᱞ ᱞᱮᱰᱤᱡ ᱥᱯᱮᱥᱤᱭᱟᱞ ᱨᱮᱭᱟᱜ ᱫᱚᱥᱟᱨ ᱥᱤᱡᱚᱱ ᱨᱮ ᱞᱤᱰ ᱨᱳᱞ ᱮ ᱯᱞᱮ ᱠᱮᱫᱟ᱾ ᱩᱱᱤ ᱧᱩᱛᱩᱢᱟᱱ ᱥᱮᱨᱮᱧ ᱦᱮᱯᱨᱟᱣ ᱥᱤᱝᱜᱤᱝ ᱥᱴᱟᱨ ᱨᱮ ᱢᱤᱫ ᱯᱷᱟᱭᱱᱟᱞᱤᱥᱴ ᱮ ᱛᱟᱦᱮᱸ ᱠᱟᱱᱟ᱾
ᱳᱠ ᱫᱚ ᱢᱟᱨᱟᱴᱷᱤ ᱮᱠᱴᱚᱨ ᱜᱤᱨᱤᱥ ᱳᱠ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ᱾ ᱩᱱᱤ ᱴᱷᱟᱠᱩᱨ ᱠᱚᱞᱮᱡᱽ ᱚᱯᱷ ᱥᱟᱭᱤᱱᱥ ᱮᱱᱰ ᱠᱚᱢᱚᱨᱥ ᱠᱟᱱᱰᱤᱣᱟᱞᱤ ᱤᱥᱴ, ᱢᱩᱢᱵᱟᱭ ᱠᱷᱚᱱ ᱵᱟᱭᱳᱴᱮᱠᱱᱳᱞᱳᱡᱤ ᱨᱮ ᱟᱡᱟᱜ ᱰᱤᱜᱽᱨᱤ ᱮ ᱯᱩᱨᱟᱹᱣ ᱠᱮᱫᱟ᱾ ᱩᱱᱤ ᱢᱤᱫ ᱛᱷᱤᱭᱮᱴᱟᱨ ᱣᱚᱨᱠᱥᱳᱯ ᱨᱮ ᱥᱮᱞᱮᱫ ᱮᱱᱟ ᱟᱨ ᱮᱰᱵᱷᱟᱨᱴᱤᱥᱢᱮᱱᱴ ᱨᱮ ᱮᱠᱴᱤᱝ ᱮ ᱮᱛᱚᱦᱚᱵ ᱠᱮᱫᱟ᱾[᱔]
ᱳᱠ ᱥᱩᱦᱨᱩᱫ ᱜᱳᱫᱽᱵᱳᱞᱮ ᱥᱟᱶ ᱵᱟᱯᱞᱟ ᱟᱠᱟᱱᱟ᱾ ᱩᱱᱤ ᱢᱟᱨᱟᱴᱷᱤ ᱯᱷᱤᱞᱢ ᱮᱠᱴᱚᱨ, ᱰᱟᱭᱞᱚᱜ ᱚᱱᱚᱞᱤᱭᱟᱹ ᱟᱨ ᱯᱷᱤᱞᱢ ᱯᱨᱳᱰᱭᱩᱥᱟᱨ ᱥᱨᱤᱨᱟᱝ ᱜᱳᱫᱽᱵᱳᱞᱮ ᱨᱮᱱ ᱠᱩᱲᱤ ᱵᱩᱦᱩ ᱠᱟᱱᱟᱭ᱾