ᱟᱛᱛᱤᱭᱟ ᱫᱟᱣᱩᱫᱽ
| ᱟᱛᱛᱤᱭᱟ ᱫᱟᱣᱩᱫᱽ | |
|---|---|
 ᱟᱛᱛᱤᱭᱟ ᱫᱟᱣᱩᱫᱽ | |
| ᱢᱩᱬ ᱧᱩᱛᱩᱢ | عطیہ داؤد |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱮᱯᱨᱤᱞ ᱑, ᱑᱙᱕᱘ Moledino Larik, Naushahro Feroze, ᱥᱤᱸᱫᱷ, ᱯᱟᱠᱤᱥᱛᱟᱱ |
| ᱫᱤᱥᱚᱢᱤᱭᱟᱹ | ᱯᱟᱠᱤᱥᱛᱟᱱᱤ |
| ᱠᱟᱹᱢᱤ | Poet, writer, feminist, activist |
| ᱦᱚᱯᱚᱱ | Suhaee Abro |
ᱟᱛᱛᱤᱭᱟ ᱫᱟᱣᱩᱫᱽ (ᱩᱨᱫᱩ: عطیہ داؤد ᱡᱟᱱᱟᱢ ᱮᱯᱨᱤᱞ ᱑, ᱑᱙᱕᱘) ᱫᱚ ᱢᱤᱫ ᱥᱤᱱᱫᱷᱤ ᱚᱱᱚᱬᱦᱮᱸ ᱚᱞᱤᱡ, ᱚᱱᱚᱞᱤᱭᱟᱹ, ᱯᱷᱮᱢᱤᱱᱤᱥᱴ ᱟᱨ ᱮᱠᱴᱤᱵᱷᱤᱥᱴ ᱠᱟᱱᱟᱭ ᱾ ᱩᱱᱤ ᱫᱚ ᱢᱚᱞᱮᱫᱤᱱᱚ ᱞᱟᱨᱤᱠ (ᱱᱚᱣᱥᱮᱦᱨᱚ ᱯᱷᱮᱨᱚᱡᱽ, ᱥᱤᱱᱫᱷ, ᱯᱟᱠᱤᱥᱛᱟᱱ ᱨᱮᱱᱟᱜ ᱢᱤᱫ ᱦᱩᱰᱤᱧ ᱟᱹᱛᱩ) ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱟᱡᱟᱜ ᱚᱠᱛᱚ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱩᱬᱩᱛ ᱯᱷᱮᱢᱤᱱᱤᱥᱴ ᱥᱤᱱᱫᱷᱤ ᱚᱱᱚᱞᱤᱭᱟᱹ ᱠᱷᱚᱱ ᱢᱤᱫ ᱦᱚᱲ ᱞᱮᱠᱟᱛᱮ ᱠᱚ ᱥᱟᱨᱦᱟᱣ ᱟᱠᱟᱫᱮᱭᱟ ᱾ ᱟᱛᱛᱤᱭᱟ ᱫᱚ ᱟᱡᱟᱜ ᱚᱱᱚᱬᱦᱮᱸ ᱵᱮᱵᱷᱟᱨ ᱠᱟᱛᱮ ᱥᱤᱱᱫᱷᱤ ᱥᱟᱶᱛᱟ ᱨᱮ ᱨᱤᱛᱤ-ᱨᱤᱣᱟᱡᱽ ᱧᱩᱛᱩᱢ ᱛᱮ ᱛᱤᱨᱞᱟᱹ ᱠᱚᱣᱟᱜ ᱚᱛᱭᱟᱪᱟᱨ ᱮ ᱩᱫᱩᱜ ᱥᱚᱫᱚᱨᱟ ᱾ ᱩᱱᱤ ᱫᱚ ᱑᱙᱘᱐ ᱥᱟᱞᱮ ᱠᱷᱚᱱ ᱚᱱᱚᱬᱦᱮᱸ ᱮ ᱚᱞ ᱮᱫᱟ ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱛᱛᱤᱭᱟ ᱫᱟᱣᱩᱫᱽ ᱫᱚ ᱢᱚᱞᱮᱫᱤᱱᱚ ᱞᱟᱨᱤᱠ ᱨᱮ ᱡᱟᱱᱟᱢ ᱞᱮᱱᱟ; ᱱᱚᱣᱥᱮᱦᱨᱚ ᱯᱷᱮᱨᱚᱡᱽ ᱨᱮᱱᱟᱜ ᱢᱤᱫ ᱟᱹᱛᱩ ᱾ ᱟᱛᱛᱤᱭᱟ ᱫᱚ ᱟᱡ ᱵᱟᱵᱟ ᱢᱩᱦᱟᱢᱢᱚᱫᱽ ᱫᱟᱣᱩᱫᱽ ᱨᱤᱱᱤᱡ ᱛᱮᱥᱟᱨ ᱮᱨᱟ ᱟᱨᱵᱟᱵᱽ ᱠᱷᱟᱛᱩᱱ ᱴᱷᱮᱱ ᱡᱟᱱᱟᱢ ᱞᱮᱱᱟ ᱾ ᱟᱛᱛᱤᱭᱟ ᱨᱤᱱ ᱵᱟᱵᱟ, ᱢᱩᱦᱟᱢᱢᱚᱫᱽ ᱫᱟᱣᱩᱫᱽ ᱞᱟᱨᱤᱠ ᱫᱚ ᱢᱤᱫ ᱦᱟᱯᱷᱤᱡᱽ ᱟᱨ ᱚᱱᱚᱬᱦᱮᱸ ᱚᱞᱤᱡ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱚᱲᱟᱜ ᱠᱷᱚᱱ ᱫᱟᱹᱲ ᱠᱟᱛᱮ ᱢᱤᱫ ᱥᱠᱩᱞ ᱢᱟᱪᱮᱫ ᱮ ᱵᱮᱱᱟᱣ ᱞᱮᱱᱟ ᱾ ᱩᱱᱤ ᱫᱚ ᱖᱐ ᱵᱚᱪᱷᱚᱨ ᱩᱢᱮᱨ ᱨᱮ ᱑᱙᱖᱕ ᱥᱟᱞᱮ ᱨᱮ ᱜᱚᱡ ᱮᱱᱟ ᱡᱚᱠᱷᱚᱱ ᱟᱛᱛᱤᱭᱟ ᱫᱚ ᱖ ᱵᱚᱪᱷᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱗᱐ ᱥᱟᱞᱮ ᱨᱮ, ᱟᱛᱛᱤᱭᱟ ᱦᱟᱜ ᱜᱷᱟᱨᱚᱸᱡᱽ ᱫᱚ ᱠᱟᱨᱟᱪᱤ ᱨᱮ ᱩᱪᱟᱹᱲ ᱮᱱᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱢᱤᱫ ᱠᱚᱞᱮᱡᱽ ᱨᱮ ᱮᱰᱢᱤᱥᱚᱱ ᱦᱟᱛᱟᱣ ᱠᱮᱫᱟ ᱾ ᱱᱚᱣᱟ ᱚᱠᱛᱚ ᱨᱮ, ᱩᱱᱤ ᱫᱚ ᱥᱟᱶᱛᱟᱨᱤ ᱟᱨ ᱠᱟᱹᱣᱰᱤᱟᱹᱨᱤ ᱞᱮᱠᱟᱛᱮ ᱟᱹᱰᱤ ᱜᱮ ᱠᱚᱥᱴᱚᱭᱮᱱᱟ ᱟᱨ ᱠᱷᱚᱨᱚᱪ ᱪᱟᱞᱟᱣ ᱞᱟᱹᱜᱤᱫ ᱢᱤᱫ ᱴᱟᱣᱟᱞ ᱯᱷᱮᱠᱴᱨᱤ ᱨᱮ ᱠᱟᱹᱢᱤ ᱦᱩᱭ ᱟᱫᱮᱭᱟ ᱾ ᱩᱱᱤ ᱫᱚ ᱚᱱᱚᱬᱦᱮᱸ ᱚᱞ ᱮ ᱮᱛᱚᱦᱚᱵ ᱠᱮᱫᱟ ᱡᱚᱠᱷᱚᱱ ᱟᱡᱤᱡ ᱜᱟᱛᱮ ᱨᱩᱯᱟ ᱦᱚᱛᱮᱛᱮ ᱩᱱᱤ ᱫᱚ ᱟᱦᱢᱮᱫᱽ ᱥᱟᱞᱤᱢ ᱥᱟᱶ ᱮ ᱧᱟᱯᱟᱢ ᱮᱱᱟ ᱾ ᱚᱸᱰᱮ ᱠᱷᱚᱱ, ᱩᱱᱤ ᱫᱚ ᱥᱤᱱᱫᱷᱤ ᱟᱫᱟᱵᱤ ᱥᱟᱝᱜᱟᱛ ᱨᱤᱱᱤᱡ ᱥᱚᱦᱮᱫ ᱮ ᱵᱮᱱᱟᱣ ᱮᱱᱟ ᱾ ᱑᱙᱘᱐ ᱥᱟᱞᱮ ᱠᱷᱚᱱ ᱩᱱᱤ ᱫᱚ ᱞᱮᱛᱟᱲ ᱜᱮ ᱚᱱᱚᱬᱦᱮᱸ ᱮ ᱚᱞ ᱮᱫᱟ ᱾
ᱟᱛᱛᱤᱭᱟ ᱫᱚ ᱟᱡᱟᱜ ᱯᱩᱭᱞᱩ ᱚᱱᱚᱬᱦᱮᱸ ᱘ ᱪᱟᱱᱚᱪ ᱨᱮ ᱛᱟᱦᱮᱸ ᱠᱟᱱ ᱡᱚᱠᱷᱚᱡ ᱮ ᱪᱷᱟᱯᱟ ᱞᱮᱫᱟ ᱾ ᱟᱛᱛᱤᱭᱟ ᱫᱟᱣᱩᱫᱽ, ᱢᱩᱬ ᱨᱩᱯ ᱛᱮ ᱟᱛᱛᱤᱭᱟ ᱞᱟᱨᱤᱠ, ᱗᱐ ᱜᱮᱞᱟᱝ ᱨᱮᱱᱟᱜ ᱮᱛᱚᱦᱚᱵ ᱨᱮ ᱟᱡᱟᱜ ᱧᱩᱛᱩᱢ ᱫᱚ ᱫᱟᱣᱩᱫᱽ ᱮ ᱵᱚᱫᱚᱞ ᱠᱮᱫᱟ ᱡᱚᱠᱷᱚᱱ ᱩᱱᱤ ᱫᱚ ᱢᱤᱫ ᱥᱤᱱᱫᱷᱤ-ᱯᱟᱹᱨᱥᱤ ᱠᱷᱚᱵᱚᱨ ᱠᱟᱜᱚᱡᱽ ᱨᱮ ᱟᱡᱟᱜ ᱯᱩᱭᱞᱩ ᱚᱱᱚᱬᱦᱮᱸ ᱮ ᱪᱷᱟᱯᱟ ᱠᱮᱫᱟ ᱾ ᱟᱛᱛᱤᱭᱟ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱠᱷᱚᱱ ᱱᱮᱜᱮᱴᱤᱵᱷ ᱨᱤᱥᱯᱚᱸᱥ ᱮ ᱧᱟᱢ ᱞᱮᱫᱟ, ᱵᱤᱥᱮᱥ ᱠᱟᱛᱮ ᱟᱡ ᱵᱚᱭᱦᱟ ᱠᱚ ᱚᱱᱚᱬᱦᱮᱸ ᱪᱷᱟᱯᱟ ᱪᱮᱛᱟᱱ ᱨᱮ ᱾ ᱚᱱᱟ ᱨᱮᱱᱟᱜ ᱵᱤᱨᱩᱫᱷ ᱨᱮ, ᱩᱱᱤ ᱫᱚ ᱞᱟᱨᱤᱠ ᱧᱩᱛᱩᱢ ᱵᱚᱫᱚᱞ ᱨᱮᱱᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱟ, ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱟᱡ ᱵᱚᱭᱦᱟ ᱟᱜ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱟᱨ ᱫᱟᱣᱩᱫᱽ ᱨᱮ ᱥᱩᱭᱤᱪ ᱨᱮᱱᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱟ, ᱡᱟᱦᱟᱸ ᱫᱚ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱾
ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱛᱛᱤᱭᱟ ᱫᱚ ᱥᱤᱱᱫᱷᱤ ᱥᱟᱶᱦᱮᱫ ᱨᱮ ᱮᱢ.ᱮ. ᱮ ᱦᱟᱛᱟᱣ ᱟᱠᱟᱫᱟ ᱾
ᱵᱟᱯᱞᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱛᱛᱤᱭᱟ ᱫᱟᱣᱩᱫᱽ ᱫᱚ ᱠᱷᱩᱫᱟ ᱵᱟᱠᱥ ᱟᱵᱽᱨᱚ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱵᱟᱰᱟᱭᱚᱜ ᱠᱟᱱ ᱟᱨᱴᱤᱥᱴ ᱟᱨ ᱰᱤᱡᱟᱭᱱᱟᱨ ᱠᱟᱱᱟᱭ ᱡᱟᱦᱟᱸᱭ ᱫᱚ ᱱᱮᱥᱱᱟᱞ ᱠᱚᱞᱮᱡᱽ ᱚᱯᱷ ᱟᱨᱴᱥ, ᱞᱟᱦᱚᱨ ᱠᱷᱚᱱ ᱜᱨᱮᱡᱩᱮᱴ ᱟᱠᱟᱱᱟᱭ ᱾ ᱩᱱᱤ ᱥᱟᱶ ᱟᱡᱤᱡ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱛᱛᱤᱭᱟ ᱫᱚ ᱑᱙᱘᱐ ᱥᱟᱞᱮ ᱨᱮ ᱢᱤᱫ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱮᱸ ᱚᱞᱤᱡ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱮ ᱮᱛᱚᱦᱚᱵ ᱠᱮᱫᱟ ᱾ ᱩᱱᱤ ᱫᱚ ᱦᱤᱞᱟᱞ ᱮ ᱯᱟᱠᱤᱥᱛᱟᱱ ᱟᱨ ᱟᱡᱟᱜ ᱛᱤᱨᱞᱟᱹ ᱥᱟᱦᱴᱟ ᱥᱟᱨᱛᱤᱭᱩᱱ ᱨᱮ ᱞᱮᱛᱟᱲ ᱜᱚᱲᱚᱭ ᱮᱢᱟᱫ ᱛᱟᱦᱮᱸᱱᱟ ᱾ ᱩᱱᱤ ᱫᱚ ᱥᱤᱱᱫᱷᱤ ᱯᱟᱹᱨᱥᱤ ᱨᱮ ᱞᱚᱠ ᱟᱨᱴᱤᱥᱴ ᱟᱨ ᱥᱟᱶᱦᱮᱫ ᱨᱤᱱ ᱦᱚᱲ ᱞᱮᱠᱟᱱ ᱥᱟᱛᱟᱢ ᱪᱮᱛᱟᱱ ᱨᱮ ᱚᱱᱚᱞ ᱚᱞ ᱠᱟᱛᱮ ᱣᱚᱨᱠᱥᱚᱯ ᱟᱨ ᱥᱮᱢᱤᱱᱟᱨ ᱨᱮᱦᱚᱸ ᱜᱚᱲᱚᱭ ᱮᱢ ᱟᱠᱟᱫᱟ ᱾ ᱩᱱᱤ ᱫᱚ ᱛᱩᱨᱩᱭ ᱜᱚᱴᱟᱝ ᱯᱩᱛᱷᱤ ᱮ ᱪᱷᱟᱯᱟ ᱟᱠᱟᱫᱟ, ᱟᱨ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ, ᱥᱟᱱᱛᱤ, ᱤᱱᱥᱟᱯᱷ ᱟᱨ ᱡᱮᱱᱰᱚᱨ ᱠᱷᱚᱱᱫᱚᱱ ᱪᱮᱛᱟᱱ ᱨᱮ ᱟᱡᱟᱜ ᱚᱱᱚᱞ ᱫᱚ ᱢᱩᱬ ᱫᱤᱥᱚᱢ ᱫᱤᱱᱟᱹᱢ ᱠᱷᱚᱵᱚᱨ ᱟᱨ ᱥᱟᱶᱦᱮᱫ ᱡᱚᱨᱱᱟᱞ ᱨᱮ ᱩᱪᱷᱟᱹᱱ ᱟᱠᱟᱱᱟ ᱾ ᱩᱱᱤ ᱫᱚ ᱛᱤᱨᱞᱟᱹ ᱟᱨ ᱩᱱᱠᱩᱣᱟᱜ ᱮᱴᱠᱮᱴᱚᱬᱮ ᱪᱮᱛᱟᱱ ᱨᱮ ᱨᱮᱰᱤᱭᱳ ᱯᱨᱚᱜᱽᱨᱟᱢ ᱨᱮᱦᱚᱸ ᱠᱚᱢᱯᱮᱭᱟᱨ ᱟᱠᱟᱫᱟ ᱾ ᱩᱱᱤ ᱫᱚ ᱥᱚᱨᱠᱟᱨᱤ ᱵᱤᱵᱷᱟᱜᱽ ᱨᱮᱦᱚᱸ ᱠᱟᱹᱢᱤ ᱟᱠᱟᱫᱟ ᱾
ᱚᱱᱚᱬᱦᱮᱸ ᱚᱞᱤᱡ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱛᱛᱤᱭᱟ ᱦᱟᱜ ᱚᱱᱚᱬᱦᱮᱸ ᱠᱮᱨᱤᱭᱟᱨ ᱫᱚ ᱑᱙᱘᱐ ᱥᱟᱞᱮ ᱨᱮ ᱮᱛᱚᱦᱚᱵ ᱮᱱᱟ, ᱡᱚᱠᱷᱚᱱ ᱩᱱᱤ ᱫᱚ ᱢᱤᱫ ᱴᱚᱴᱷᱟᱣᱟᱨᱤ ᱢᱮᱜᱟᱡᱤᱱ ᱨᱮ ᱜᱚᱲᱚᱭ ᱮᱢ ᱮᱦᱚᱵ ᱠᱮᱫᱟ ᱾ ᱑᱙᱙᱕ ᱥᱟᱞᱮ ᱨᱮ, ᱟᱛᱛᱤᱭᱟ ᱫᱚ ᱟᱡᱟᱜ ᱚᱱᱚᱬᱦᱮᱸ ᱨᱮᱱᱟᱜ ᱯᱩᱭᱞᱩ ᱥᱟᱸᱜᱽᱨᱚᱦᱚ ᱪᱷᱟᱯᱟ ᱠᱮᱫᱟ ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱛᱟᱦᱮᱸ ᱠᱟᱱᱟ "ᱨᱮᱡᱤᱝ ᱴᱩ ᱵᱤ ᱯᱷᱨᱤ", ᱡᱟᱦᱟᱸ ᱫᱚ ᱥᱤᱱᱫᱷᱤ ᱨᱮ ᱟᱡᱟᱜ ᱠᱟᱹᱢᱤ ᱨᱮᱱᱟᱜ ᱤᱝᱜᱽᱨᱟᱹᱡᱤ ᱛᱚᱨᱡᱚᱢᱟ ᱛᱟᱦᱮᱸ ᱠᱟᱱᱟ ᱾ ᱩᱱ ᱠᱷᱚᱱ, ᱩᱱᱤ ᱫᱚ ᱚᱱᱚᱬᱦᱮᱸ ᱨᱮᱱᱟᱜ ᱢᱤᱫ ᱦᱩᱰᱤᱧ ᱵᱷᱚᱞᱩᱢ ᱚᱞ ᱟᱠᱟᱫᱟ ᱡᱟᱦᱟᱸ ᱫᱚ ᱟᱭᱢᱟ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱮᱸ ᱚᱞᱤᱡ ᱠᱚ ᱦᱚᱛᱮᱛᱮ ᱢᱟᱱᱚᱛ ᱮ ᱧᱟᱢ ᱟᱠᱟᱫᱟ ᱾ ᱵᱷᱟᱨᱚᱛᱤᱭᱚ ᱩᱯᱚᱱᱭᱟᱥᱠᱟᱨ ᱚᱢᱨᱤᱛᱟ ᱯᱨᱤᱛᱚᱢ ᱫᱚ ᱟᱡ ᱵᱟᱵᱚᱛ ᱛᱮ ᱞᱟᱹᱭ ᱟᱠᱟᱫᱟ “ᱟᱛᱛᱤᱭᱟ ᱫᱚ ᱢᱤᱫ ᱟᱥᱚᱞ ᱚᱱᱚᱬᱦᱮᱸ ᱚᱞᱤᱡ ᱠᱟᱱᱟᱭ ᱾ ᱤᱧ ᱫᱚ ᱩᱱᱤ ᱦᱤᱱᱫᱤ ᱟᱨ ᱯᱟᱸᱡᱟᱵᱤ ᱨᱮ ᱚᱞ ᱥᱟᱱᱟᱭᱤᱧᱟ ᱾”
ᱮᱠᱴᱤᱵᱷᱤᱥᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱛᱛᱤᱭᱟ ᱫᱟᱣᱩᱫᱽ ᱫᱚ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱪᱮᱛᱟᱱ ᱨᱮ ᱟᱡᱟᱜ ᱵᱚᱦᱟᱫᱩᱨ ᱚᱵᱚᱥᱛᱟ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ ᱾ ᱩᱱᱤ ᱫᱚ ᱢᱤᱫ ᱯᱷᱮᱢᱤᱱᱤᱥᱴ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱮᱸ ᱚᱞᱤᱡ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟᱭ ᱾ ᱟᱡᱟᱜ ᱚᱱᱚᱬᱦᱮᱸ ᱟᱨ ᱚᱞ ᱫᱚ ᱥᱟᱶᱛᱟᱭ ᱵᱤᱨᱩᱫᱷᱟ ᱟᱨ ᱚᱱᱟ ᱨᱮ ᱪᱷᱟᱱ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱛᱤᱨᱞᱟᱹ ᱟᱨ ᱩᱱᱠᱩᱣᱟᱜ ᱟᱹᱭᱫᱟᱹᱨᱤ ᱪᱮᱛᱟᱱ ᱨᱮ ᱟᱡᱟᱜ ᱩᱭᱦᱟᱹᱨ ᱮ ᱥᱚᱢᱚᱨᱛᱷᱚᱱᱟ ᱾ ᱞᱟᱨᱠᱟᱱᱟ ᱨᱮ ᱢᱤᱫ ᱥᱟᱶᱦᱮᱫ ᱫᱩᱲᱩᱵ ᱨᱮ, ᱟᱛᱛᱤᱭᱟ ᱫᱚ ᱞᱟᱹᱭ ᱠᱮᱫᱟ: “ᱤᱧ ᱫᱚ ᱯᱷᱮᱢᱤᱱᱤᱥᱴ ᱚᱱᱚᱬᱦᱮᱸ ᱚᱞᱤᱡ ᱦᱩᱭ ᱠᱟᱛᱮ ᱜᱚᱨᱚᱵᱽ ᱟᱹᱭᱠᱟᱹᱣ ᱮᱫᱟ ᱢᱮᱱᱠᱷᱟᱱ ᱤᱧ ᱵᱚᱛᱚᱨ ᱟᱹᱭᱠᱟᱹᱣ ᱮᱫᱟ ᱡᱮ ᱠᱚᱲᱟ-ᱪᱟᱞᱟᱣᱟᱜ ᱥᱟᱶᱛᱟ ᱱᱚᱣᱟ ᱫᱚ ᱵᱷᱩᱞ ᱛᱮ ᱩᱭᱦᱟᱹᱨ ᱮᱫᱟ ᱾” ᱩᱱᱤ ᱫᱚ ᱞᱟᱹᱭ ᱠᱮᱫᱟ ᱡᱮ ᱠᱚᱲᱟ ᱠᱨᱤᱴᱤᱠ ᱠᱚ ᱫᱚ ᱟᱡᱟᱜ ᱠᱟᱹᱢᱤ ᱨᱮ ᱱᱮᱜᱮᱴᱤᱵᱷᱤᱴᱤ ᱠᱚ ᱧᱟᱢ ᱟᱠᱟᱫᱟ ᱢᱮᱱᱠᱷᱟᱱ ᱠᱨᱤᱴᱤᱠ ᱫᱚ ᱟᱡ ᱞᱟᱹᱜᱤᱫ ᱡᱚᱥ ᱠᱷᱚᱱ ᱵᱟᱭ ᱛᱷᱩᱠᱟᱹᱢᱮᱭᱟ ᱾
ᱟᱛᱛᱤᱭᱟ ᱫᱚ ᱵᱮᱡᱤᱝ ᱨᱮ ᱢᱤᱫ ᱠᱚᱱᱯᱷᱚᱨᱮᱱᱥ ᱨᱮᱱᱟᱜ ᱮᱱ.ᱡᱤ.ᱳ. ᱴᱷᱟᱶ ᱨᱮ ᱦᱟᱹᱴᱤᱧ ᱮ ᱦᱟᱛᱟᱣ ᱠᱮᱫᱟ, ᱮ.ᱮᱥ.ᱟᱨ. ᱨᱤᱥᱚᱨᱥ ᱥᱮᱱᱴᱚᱨ ᱨᱤᱱ ᱨᱮᱯᱨᱮᱡᱮᱱᱴᱮᱴᱤᱵᱷ ᱠᱷᱚᱱ ᱢᱤᱫ ᱦᱚᱲ ᱞᱮᱠᱟᱛᱮ, ᱢᱤᱫ ᱞᱟᱦᱚᱨ-ᱟᱫᱷᱟᱨᱤᱛ ᱮᱱ.ᱡᱤ.ᱳ. ᱾ ᱮᱱ.ᱡᱤ.ᱳ. ᱨᱮ ᱑᱓᱐ ᱣᱚᱨᱠᱥᱚᱯ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, თᱤᱤ ᱢᱤᱫ ᱵᱷᱮᱜᱟᱨ ᱥᱟᱛᱟᱢ ᱪᱮᱛᱟᱱ ᱨᱮ ᱾